Daniel 5:5 - Bible in Tzotzil de Chenalhó with Deuterocanon

⁵ Ta ora no'ox te ivinaj jun c'obil ta c'alna ta yeloval candiletic ta spasubmantal li ajvalile, xco'laj xchi'uc sbic'tal sc'ob cristiano yilel. Te lic ts'ibajuc. C'alal laj yil ajvalil ti te tsts'ibaj li c'obile,

Bible in Tzotzil de Chamula

⁵ C'alal jech xyaquetic taje, ta jech to yepal, vinaj sc'ob jun vinic yilel, ti lic ts'ibajuc ta sni' sc'ob ta pac'bal ti oy ta yut na ti sac sbon ti bu yac'oj batel xojobal ti c'usitic ta sq'uelic o osile. Va'i un, laj yil ti ajvalil ti ta sts'ibaj ti c'obale.

Daniel 5:5 Iomraidhean Croise

Job 20:5

¿Me mu xana' ti mu jaluc xcuxet yo'ntonic li boch'otic chopolique, xchi'uc ti jliquel no'ox lec stse'inic li boch'otic mu'yuc ta yo'ntonic Diose?

Proverbios 29:1

Li boch'o ta stoy sba c'alal chich' taq'uiele, ta soc o; mu xa stac' poxtael o.

Jeremías 50:43

C'alal cha'ay a'yej li ajvalil ta Babiloniae, aluben chcom ta xi'el; toj tsots chat yo'nton, toj ep svocol jech chac c'u cha'al jun ants ti yu'un xa chcuxe.

Daniel 4:31

C'alal ja' to no'ox jech iloc' ta yee, oy boch'o ic'opoj tal ta vinajel, jech laj yal: “Ajvalil Nabucodonosor, chacalbot tal ava'ay, li avabtele tuch'bil xa.

Daniel 4:33

Te no'ox ta yorail ic'ot ta pasel li c'usi laj yich' alel ta sventa li Nabucodonosore. Laj yich' net'el loq'uel ta stojol li cristianoetique, bat slo' ts'i'laletic jech chac c'u cha'al vacaxetic. Te i'ach' ta job osil, inatub stsotsil jol jech chac c'u cha'al sc'uc'umal xic, xchi'uc inatub yic'ach jech chac c'u cha'al yic'ach mutetic.

Daniel 5:15

Laj quiq'uic tal li bijil viniquetic, xchi'uc li boch'otic sna'ic sq'uelel senyail ta vinajel c'usitic chc'ot ta pasele, yu'un ac'o yaptaic li c'usi li' ts'ibabile, pero muc xu' yu'un xiyalbicun c'usi chal, xchi'uc c'usi smelol.

Daniel 5:4

Scotolic laj yuch'ic pasem ya'lel ts'usub, jech lic yich'ic ta muc' li diosetic yu'unic ti pasbilic ta c'anal taq'uin, ta saquil taq'uin, ta bronce, ta tsatsal taq'uin, ta te', xchi'uc ta tone.

Daniel 5:6

toj saclich'tajel no'ox ic'ot, toj batel xch'ulel ic'ot; i'alub sbec'tal, solel xc'ojlajet ta t'elt'unel li sjoljol yacane.

Daniel 5:8

Jech i'ochic scotol li bijil viniquetic yu'un ajvalile, pero me junuc mu'yuc boch'o laj yotquin li c'usi ts'ibabile, xchi'uc muc xu' yu'unic laj yalbeic c'usi smelol.

Colosenses 2:14

La slajesbe sc'oplal noxtoc li mantaletic ti ja' ta sventa ep la jta o jmultic ta stojol Diose. La slajesbe yip, laj yac' ta joc'anel ta cruz.