Daniel 5:4 - Bible in Tzotzil de Chenalhó with Deuterocanon

⁴ Scotolic laj yuch'ic pasem ya'lel ts'usub, jech lic yich'ic ta muc' li diosetic yu'unic ti pasbilic ta c'anal taq'uin, ta saquil taq'uin, ta bronce, ta tsatsal taq'uin, ta te', xchi'uc ta tone.

Bible in Tzotzil de Chamula

⁴ Scotolic sts'abetic no'ox ta yuch'el vino, ta spasbeic stoyel xi'el ti loc'tabil diosetic yu'unique, ti ja' meltsanbil ta oroe, ti ta platae, ti ta c'anal taq'uine, ti ta tsatsal taq'uine, ti ta te'e, ti ta tone.

Daniel 5:4 Iomraidhean Croise

1 Reyes 1:49

Scotol li boch'otic yic'anoj ta ve'el li Adoniase lic xi'icuc, jech ta jujuntal xa la stam batel sbeic.

Isaías 42:17

Li boch'o ja' yich'ojic ta muc' sloc'obal diosetique, li boch'o jech chalbeic li c'usitic jeche' va'ajtique: ‘Vo'ot diosoxuc cu'uncutic’, ti xutique, ta xlic namajicuc batel ta q'uexlal.

Isaías 42:8

Vu'un li Muc'ul Dios jbie, mu xcac' boch'o yan chich' li jlequilal cutsilale; mu xcac' ja' chc'ot ta stojolic quich'el ta muc' li c'usitic loc'tabilic no'oxe.

Daniel 1:8

Pero li Daniele ic'ot ta yo'nton ti mu xu' ta soques sba ta scoj li sve'el yuch'um ajvalile, jech lic yalbe banquilal j'abtel yu'un ajvalil ti mu me sujatic ta sve'el ta yuch'ele, yu'un jech mu sbolibtas sbaic.

Daniel 4:37

“Ja' yu'un vu'un li Nabucodonosorune, ta xcalbe slequilal, ta xquich' ta muc', ta xcac' ta ich'el ta muc' li Ajvalil ta vinajele, yu'un li yabtele puru melelic; tuc' scotol li c'usitic tspase, xchi'uc xu' yu'un ta sbic'tajes li boch'otic tstoy sbaique”, xi li ajvalile.

Daniel 5:23

Ja' no'ox latoy aba ta stojol li Yajval vinajele; laj acontrain, xchi'uc laj atac ta ich'el noxtoc li vaso te liquem tal ta ch'ulna yu'une. Ja' te laj avuch'ic o pasem ya'lel ts'usub achi'uc li banquilaletic avu'une, xchi'uc li avajniltaque, xchi'uc li yantic antsetic avu'une. Jech noxtoc te lic avich' ta muc' li diosetic avu'un ti pasbil ta saquil taq'uin, ta c'anal taq'uin, ta bronce, ta tsatsal taq'uin, ta te', xchi'uc ta ton ti mu xil osile, ti mu xa'ay c'ope, ti mu c'usi sna' oe. Yan li Dios ti ja' oy ta sc'ob acuxlejale xchi'uc ti ja' ta sventa chapas scotol li c'usitic chapase, me jutuc muc xavich' ta muc'.

Daniel 5:5

Ta ora no'ox te ivinaj jun c'obil ta c'alna ta yeloval candiletic ta spasubmantal li ajvalile, xco'laj xchi'uc sbic'tal sc'ob cristiano yilel. Te lic ts'ibajuc. C'alal laj yil ajvalil ti te tsts'ibaj li c'obile,

Amós 6:7

Ja' yu'un vo'oxuc ba'yucbe chabatic yu'un li boch'o chucbil chbatic ta yan banamile, jech ta xlaj sc'oplal ti xnic no'ox q'uinetic avu'unique.

Habacuc 2:19

Toj abul sba li boch'o jech chalbe li c'usi pasbil ta te'e, “Julovan”, ti xute, xchi'uc li boch'o jech chalbe jbej tone, “Lican”, ti xute. ¿Me xu' yu'un chchanubtasvan? Ac'o me lec xa pixbil ta c'anal taq'uin, ta saquil taq'uin, pero mu'yuc cuxul, mu'yuc xch'ulel.

Hechos 17:29

Ta melel xnich'nabutic li Diose, jech mu xu' ta jnoptic ti ja' Jch'ultotic li c'usitic pasbil ta c'anal taq'uin, ta saquil taq'uin, xchi'uc li c'usitic pasbil ta tone. Yu'un le'e yabtel no'ox cristiano; la snop no'ox stuquic ti jech la spasique.