Daniel 5:2 - Bible in Tzotzil de Chenalhó with Deuterocanon

^2-3 C'alal q'uixnajem xa lec cha'ay li Belsasare, la stac ta ich'el li vasoetic pasbil ta c'anal taq'uin, ta saquil taq'uin ti laj yich' tal ta ch'ulna yu'un Dios te ta Jerusalén li Nabucodonosore, ja' li smuc'ta moltote, yu'un ja' te chuch'ic o pasem ya'lel ts'usub xchi'uc scotol li banquilaletic yu'une xchi'uc li yajniltaque xchi'uc li yan antsetic yu'une. Jech te laj yich'ic tal li vasoetic pasbil ta c'anal taq'uine; ja' te laj yuch'ic o pasem ya'lel ts'usub li ajvalile xchi'uc li banquilaletic yu'une xchi'uc li yajniltaque xchi'uc li yantic antsetic yu'une.

Bible in Tzotzil de Chamula

² C'alal xq'uixet xa sjol ta xa'i yu'un vino ti ajvalil Belsasare, laj yal mantal ti ac'o bat yich' ich'el talel ti bisetique, ti lech-lech taq'uinetic ti meltsanbil ta oroe, ti meltsanbil ta platae, ti ja' staoj talel ta ch'ulna yu'un Jerusalén ti Nabucodonosor ti ja' stote, yo' jech ta xuch'ic o uch'ubajel xchi'uc ti banquilal yajtuneltaque, ti c'u yepal volol ta stojole, ti yajniltaque, ti sts'acal ajniltaque.

Daniel 5:2 Iomraidhean Croise

2 Samuel 9:7

Li Davide jech laj yalbe: —Mu xaxi'. Vu'un ta jc'uxubinot ta sventa ti toj lec la sc'anun li atot Jonatane. Ta jsutesbot scotol li yosil amoltot Saule. Xchi'uc scotol c'ac'al ta jchi'in jbatic ta ve'el ta jmexa —xut.

2 Reyes 24:13

Laj yich' batel scotol li taq'uinetic te ta xch'ulna Muc'ul Diose xchi'uc te ta spasubmantal ajvalile. Biq'uitic la slilin comel scotol li c'usitic chtun te ta ch'ulna ti pasbil ta c'anal taq'uin yu'un li ajvalil Salomone. Ja' ic'ot o ti jech ono'ox yaloj li Muc'ul Diose.

2 Reyes 25:15

Jech noxtoc laj yich' batel li c'usitic pasbil ta c'anal taq'uin xchi'uc ta saquil taq'uine, ja' li yavil pome xchi'uc li muc'tic tazaetique.

2 Crónicas 11:20

Ts'acal laj yic' yan yajnil noxtoc, Maaca sbi; ja' stseb Absalón. Li yol xnich'onic xchi'uque ja' Abías, Atai, Ziza, xchi'uc Selomit.

2 Crónicas 15:16

Li Asae la sloq'ues ta pasmantal noxtoc li syame'e, ja' li Maacae, yu'un ja' laj yal mantal ti ac'o yich' pasbel sloc'obal li sjalalme'ic Aserae. Li Asae la sloq'ues batel noxtoc li sloc'obal Aserae. La slilin o ta j'ech'el; te bat xchic' ta nopol bevo' Cedrón.

2 Crónicas 36:10

C'alal yorail q'uepelaltic ta jabil le'e, li ajvalil Nabucodonosore laj yal mantal ti ac'o yiq'uic batel ta Babilonia li Joaquine xchi'uc scotol li c'usitic chtun te ta ch'ulna yu'un Muc'ul Dios ti toyolic stojole. Ja' la stic' ta ajvalilal ta Judá xchi'uc ta Jerusalén li Sedequías yuts' yalal Joaquine.

2 Crónicas 36:18

Jech noxtoc scotol li c'usitic chtun te ta ch'ulna yu'un Muc'ul Diose, me muc', me biq'uit, xchi'uc li sc'ulejal ch'ulnae xchi'uc li sc'ulejal spasubmantaltac ajvalile, xchi'uc li banquilaletic yu'une, laj yich' batel ta Babilonia scotol.

Esdras 5:14

“Xchi'uc laj yalbuncutic noxtoc ti ja' stuc muc'ta ajvalil Ciro la sloq'ues tal ta ch'ulna ta Babilonia li c'usitic pasbilic ta c'anal taq'uin, ta saquil taq'uin ti li' to'ox chtun ta ch'ulna yu'un Dios ta Jerusalene, ti laj yich' batel ta Babilonia li ajvalil Nabucodonosore. Li muc'ta ajvalil Ciroe ja' laj yac'be li ajvalil yu'unique, ja' li Sesbasare.

Jeremías 27:7

Scotol li muc'tiquil lumetique ja' chlic tunicuc yu'un, xchi'uc xnich'nab, xchi'uc smomnich'nabtac, ja' to me la sta sc'ac'alil i'och ta sc'ob yantic banamil, muc'tic ajvaliletic ec li yosilale.

Jeremías 50:35

Li Muc'ul Diose jech chal noxtoc: “¡Ac'o milaticuc ta espada li jnaclumetic ta Babiloniae, ja' li caldeaetique, li banquilaletique, xchi'uc li bijil viniquetic yu'une!

Jeremías 52:19

Jech noxtoc laj yich'ic batel li c'usitic pasbilic ta c'anal taq'uin, ta saquil taq'uine, ja' li yaviltac pome, li muc'tic tazaetique, li bisetique, li candiletique, li yavil ac'ale, li yavil tane, xchi'uc li cucharaetique.

Daniel 1:2

Li Diose laj yac' ta sc'ob Nabucodonosor li Joaquime, jech la xchuc batel ta Babilonia. Jech noxtoc laj yac'be ta sc'ob ep li c'usitic chtun te ta xch'ulna Muc'ul Diose. Li Nabucodonosore te c'ot yac' scotol ta xch'ulna diosetic yu'un; te la stic' ta snail sc'ulejal li diosetic yu'une.

Daniel 5:11

Li' ta banamil ti c'u smuc'ul aventainoje oy jun vinic ti yich'ojbe sbijil li ch'ul diosetique. C'alal ja'o ochem ta ajvalilal li anima amuc'ta moltote, oy c'usi lec la stabe; la stabe sbijil sjol yo'nton. Laj yil ti lec jamal sat jech chac c'u cha'al sbijil li diosetique. Ja' yu'un li Nabucodonosor, ja' li anima amuc'ta moltote, la stic' ta banquilal yu'un li bijil viniquetique xchi'uc li jt'unuletique xchi'uc li boch'otic sna'ic sq'uelel senyail ta vinajel c'usitic chc'ot ta pasele.

Daniel 5:13

Ja' yu'un li Daniele laj yich' iq'uel tal ta stojol li ajvalile, jech i'albat yu'un li ajvalile: —¿Me vo'ot li Daniel abie? ¿Me vo'ot xnich'onot li boch'otic chucbil iloq'uic tal ta Judá banamil yu'un anima jmuc'ta moltote?

Daniel 5:18

Li Dios ta toyole ja' laj yac'be yabtel ta ajvalilal li amuc'ta moltot Nabucodonosore, ja' laj yac'be muc' yabtel; laj yac'be svu'el, xchi'uc laj yac' ta ich'el ta muc'.

Daniel 5:23

Ja' no'ox latoy aba ta stojol li Yajval vinajele; laj acontrain, xchi'uc laj atac ta ich'el noxtoc li vaso te liquem tal ta ch'ulna yu'une. Ja' te laj avuch'ic o pasem ya'lel ts'usub achi'uc li banquilaletic avu'une, xchi'uc li avajniltaque, xchi'uc li yantic antsetic avu'une. Jech noxtoc te lic avich' ta muc' li diosetic avu'un ti pasbil ta saquil taq'uin, ta c'anal taq'uin, ta bronce, ta tsatsal taq'uin, ta te', xchi'uc ta ton ti mu xil osile, ti mu xa'ay c'ope, ti mu c'usi sna' oe. Yan li Dios ti ja' oy ta sc'ob acuxlejale xchi'uc ti ja' ta sventa chapas scotol li c'usitic chapase, me jutuc muc xavich' ta muc'.

Daniel 5:30

Te no'ox ta yac'ubalil laj yich' milel li Belsasar, ja' li ajvalil yu'un caldeaetique.

Daniel 5:4

Scotolic laj yuch'ic pasem ya'lel ts'usub, jech lic yich'ic ta muc' li diosetic yu'unic ti pasbilic ta c'anal taq'uin, ta saquil taq'uin, ta bronce, ta tsatsal taq'uin, ta te', xchi'uc ta tone.

Números 7:79

Li smoton Dios laj yaq'ue co'ol jech chac c'u cha'al laj yaq'uic li yantique.