Daniel 5:12 - Bible in Tzotzil de Chenalhó with Deuterocanon

¹² Yu'un oy lec sbijil, oy c'usi lec sna', lec jamal sat ta sventa chalbe smelol vaychiletic; lec sna' staq'uel lo'iletic ti mucul smelole, xchi'uc lec xu' yu'un chal c'usi mu stac' na'el. Le'e ja' li Daniel ti Beltsasar laj yac'be sbi li anima amuc'ta moltote. Ja' lec ic'o tal ta ora li Daniele; ja' xu' yu'un chayalbot —xi.

Bible in Tzotzil de Chamula

¹² Yu'un ti ta stojolal ti Daniele, ti buch'u Belsasar ac'bat sbi yu'un ti ajvalile, oy ta stojol ti spajeb xa no'ox cuxule. Jelavem ti sbijile. Chajal ta sjol ta sbaquil scotol. Sna' lec yalbel smelol ti c'usi ta xac' ta na'el ti vaichiletique. Ta xloc' lec ta alel yu'un smelol ti c'usitic oy ta mucule. Ta stabe lec stuq'uil ti c'usitic toj vocol ta a'yiele. Jcuch abtel, ic'o talel ti Daniele. Ja' xu' ta xac'bot ana' c'usi smelol ta xac' ta na'el ti c'usi ts'ibabil ta pac'bale.”

Daniel 5:12 Iomraidhean Croise

Salmos 16:3

Li sloc'obaltac diosetic li' ta banamile tsots svu'el scuyojic li boch'o jun yo'nton yich'ojic ta muq'ue.

Proverbios 12:26

Li boch'o tuc' yo'ntone ja' lequil be chc'ot ta stojol li xchi'iltaque; yan li boch'o chopole ja' no'ox chch'ayvan batel ta be.

Proverbios 17:27

Li boch'o bije tspajes sba ta lo'il; li boch'o oy lec srazone sna' spajesel sba.

Ezequiel 28:3

¿Me yu'un vo'ot toj ech'em bijot jech chac c'u cha'al li Daniele? ¿Me xana'be smelol li c'usi mucul smelole?

Daniel 1:17

Li chanib queremetic le'e i'ac'bat lec sbijilic; ijambat lec satic yu'un Dios ta yotquinel ep vunetic xchi'uc chanubtaseletic. Li Daniele lec sna' yalbel smelol vaychiletic xchi'uc c'usi chil ta xch'ulelic.

Daniel 1:7

Li banquilal j'abtel yu'un ajvalile la sjelbe sbiic li queremetique: Li Daniele Beltsasar laj yac'be sbi; li Ananiase Sadrac laj yac'be sbi; li Misaele Mesac laj yac'be sbi; li Azariase Abed-nego laj yac'be sbi.

Daniel 2:26

Li ajvalile jech laj yalbe li Daniel, ja' li Beltsasar sbi yu'unique: —¿Me vo'ot xu' avu'un chavalbun li c'usi la jvaychine xchi'uc li c'usi smelole? —xut.

Daniel 4:19

“Li Daniele, ja' li Beltsasar yan sbie, toj ch'ayel ic'ot yo'nton ti c'alal laj ya'ye; jliquel te ch'ayem yo'nton, yu'un ixi' ta jyalel. Vu'un li ajvalilune jech laj calbe: ‘Beltsasar, mu me toj ch'ayeluc xc'ot avo'nton yu'un li jvayeche xchi'uc li c'usi smelole’, xcut. Itac'ov li Beltsasare: ‘¡Ay ajvalil, ja' ac'o c'otuc ta stojol avajcontra scotol ti c'u x'elan smelol li avayeche!

Daniel 4:8

Ja' to ti c'alal ital ta jtojol li Daniel, ja' li Beltsasar yan sbi jech chac c'u cha'al sbi li dios cu'une, ti ja' yich'ojbe sbijil li ch'ul diosetique, te lic jcholbe ya'ay li jvayeche, jech laj calbe:

Daniel 5:14

Ca'yoj ac'oplal ti avich'ojbe sbijil li ch'ul diosetique; ilbilot ti oy lec abijil, ti oy c'usi lec xana'e, ti lec jamal aba asate.

Daniel 5:16

Jech laj ca'ay ti vo'ot xu' avu'un chavalbe smelol li c'usi tsotsique, li c'usi mu stac' na'ele. Me chavalbun c'usi chal li c'usi li' ts'ibabile xchi'uc me xu' avu'un chavalbun c'usi smelole, chavich' ac'bel alap yax'elan c'u'il, xchi'uc jlic nats'il pasbil ta c'anal taq'uin. Jech noxtoc vo'ot yoxibal ajvalil chac'ot ta scotol ti c'u smuc'ul jventainoje —xut.

Daniel 6:3

Li Daniele ja' banquilal ic'ot yu'un noxtoc li chib banquilaletique xchi'uc scotol li jpasmantaletique, yu'un ivinaj ti ja' toj ep sbijile. Ja' yu'un li ajvalile la snop ti ja' chac'be ta sc'ob scotol ti c'u smuc'ul sventainoje.

Daniel 6:4

Ja' yu'un li banquilaletic xchi'uc yantic jpasmantaletique lic snopic c'u x'elan xu' tstic'beic smul ta sventa yabtel li Daniele. Pero me jutuc mu'yuc c'usi la stabeic, yu'un li Daniele lec jun yo'nton ta stojol Dios, yu'un mu'yuc c'usi chopol tspas.

Colosenses 1:29

Ja' yu'un tsots chi'abtej, cac'oj persa ta sventa svu'el li Cristo li' ch-abtej ta jtojole.