Daniel 5:1 - Bible in Tzotzil de Chenalhó with Deuterocanon

¹ Li Belsasar ajvalil ta Babiloniae la spas jun muc'ta q'uin, laj yac' lec ve'el; la stsob jmil (1,000) banquilaletic yu'un ti bu c'alal sventainoje. C'alal te chve'ic li ajvalil xchi'uc li boch'otic yic'anoje laj yuch'ic ep pasem ya'lel ts'usub.

Bible in Tzotzil de Chamula

¹ Ti Belsasar ajvalil yu'un ti jteclum Babiloniae, lic yac' muc' ta ve'el uch'bajel. Laj stac talel ta iq'uel ti buch'utic cajal yabtel yich'oj ta sjunul ti muc' ta jteclume. Mu no'ox albajuc laj stsob sbaic talel ta j'ech'el. C'alal xyaquet xa ti ve'el yu'unique, jech ti ajvalil xchi'uc ti buch'utic ic'bil yu'une, laj sjambeic snuq'uilal ta yuch'el ta j'ech'el ti uch'bajel vinoe.

Daniel 5:1 Iomraidhean Croise

Génesis 40:20

Ta yoxibal c'ac'ale, ja' sc'ac'alil la spas q'uin li faraone yu'un its'aqui sjabilal. Jech la spasic jun muc'ta q'uin xchi'uc li j'abteletic yu'une. Li faraone laj yal mantal ta stojol scotol li boch'otic yic'oj ta q'uel q'uin ti ac'o loc'uc ta chuquel li banquilal j'ac'ya'lel ts'usube xchi'uc li banquilal jpaspan yu'une.

Ester 1:3

C'alal yoxibal jabil xa'ox yochel ta muc'ta ajvalilale, la spas jun muc'ta q'uin ta sventa scotol li banquilaletic xchi'uc li j'abteletic yu'une. Te oyic noxtoc li banquilal soldadoetic ta Persia xchi'uc ta Mediae, xchi'uc li ajvaliletic, li banquilaletic ta jujun muc'tic lume.

Isaías 22:12

Ja' jech sc'ac'alil chac' oc'anic li Muc'ul Dios ti ech'em svu'ele, chac' avat avo'ntonic, chac' ajux stsotsil ajolic, xchi'uc chac' alapic c'u'il ti ch'ixlajan ta lapele.

Isaías 22:14

Li Muc'ul Dios ti ech'em svu'ele jech laj yalbun ta jamal: “Li smulic le'e mu'yuc ta jpasbe o perdón c'alal to chchamic”, xiyutun.

Jeremías 50:35

Li Muc'ul Diose jech chal noxtoc: “¡Ac'o milaticuc ta espada li jnaclumetic ta Babiloniae, ja' li caldeaetique, li banquilaletique, xchi'uc li bijil viniquetic yu'une!

Jeremías 51:39

C'alal toj c'ux c'ac'al cha'yique, oy c'usi ta xcac'be lec yuch'ic, ta xyacubic yu'un, ta xch'ay yo'ntonic; te ch-och o svayelic, sbatel osil mu xa xjulovic o. Jech chcal vu'un li Muc'ul Diosune.

Jeremías 51:57

Li Ajvalil, ja' li Muc'ul Dios ti tspas ta mantal scotol te ta vinajel xi sbie, jech chal: “Ta xcac' yacubicuc li banquilaletic yu'unique, li ajvaliletique, li j'abteletique, li soldadoetique, xchi'uc li bijil viniquetic yu'unique. Jech ta x'och o svayelic sbatel osil; mu'yuc xa ta xjulovic o”, xi.

Daniel 5:30

Te no'ox ta yac'ubalil laj yich' milel li Belsasar, ja' li ajvalil yu'un caldeaetique.

Nahúm 1:10

Ac'o me ja' jechic jech chac c'u cha'al ch'ix ti solel xpech'oj sbae, ac'o me lec xu' yu'un cha'yic jech chac c'u cha'al jyacubel, pero ja' no'ox jech chc'aq'uic jech chac c'u cha'al jobel ti lec taquine.