Daniel 4:9 - Bible in Tzotzil de Chenalhó with Deuterocanon

⁹ ‘Beltsasar, vo'ot li banquilalot yu'un scotol bijil viniquetique, ta jna' ti vo'ot avich'ojbe sbijil li ch'ul diosetique, ti mu'yuc c'usi macal ta asat jchopuc li c'usitic mu stac' na'ele. A'yo ava'ay li c'usi la jvaychine; albun ca'ay c'usi smelol.

Bible in Tzotzil de Chamula

⁹ Ti vo'ote, Belsasar, ti banquilal c'otemot yu'un ti jt'unvanejetique, jna'oj lec ti tojobtasbilot yu'un xcuxlejal ti Ch'ul Diose, ta xava'ibe lec smelol scotol ti c'usitic oy ta mucule. Ja' yu'un un, a'yibun ava'i lec c'usi laj quil ta jvaiche. Albun ca'i c'usi smelol ta xac' ta na'el,

Daniel 4:9 Iomraidhean Croise

Génesis 41:38

Ja' yu'un li faraone jech laj yalbe li xchi'iltac ta abtele: —¿Me oy bu ta jtatic yan vinic xana'ic jech chac li'i ti yich'ojbe sbijil Diose? —xi.

Isaías 33:18

C'alal cht'ab ta avo'ntonic ti abul to'ox abaic ta xi'ele, jech chlic avalic: “¿Bu oy li j'atoletic to'oxe? ¿Bu oy li boch'otic oy to'ox to'ox c'usi tsbisique? ¿Bu oy li boch'o tsq'uelic to'ox c'u yepal li toyol q'uelub osile?”, xachiic.

Isaías 54:14

Ja' at'ujumal chc'ot li c'usitic lec, li c'usitic tuq'ue; ta xnamaj batel ta atojol li uts'intael xchi'uc li xi'ele; mu'yuc xa bu chnopaj o tal ta atojol li tsots xi'ele.

Ezequiel 17:23

Te ta xvul jts'un ta jun toyol vits ta yosilal Israel. Lec toyolic chbat sc'obc'ob; lec chac' sat, ven lequil muc'ta ch'ut te' ta xc'ot. Te chtal xcux yo'ntonic ta yolon scotol c'usiuc no'ox mutal; te chnaquiic ta xyaxinal.

Ezequiel 28:3

¿Me yu'un vo'ot toj ech'em bijot jech chac c'u cha'al li Daniele? ¿Me xana'be smelol li c'usi mucul smelole?

Daniel 1:20

Scotol li c'usitic toj tsotsic la sjac' ajvalil ta sventa li bijililetique, lajuneb velta xjelov sbijilic laj yil ta scotol li boch'otic sna'ic sq'uelel senyail ta vinajele xchi'uc li jt'unuletic ta scotol ti c'u smuc'ul sventainoje.

Daniel 2:47

Jech laj yalbe li Daniele: —Ta melel, li Dios avu'une ja' Dios yu'un li yantic diosetique, ja' Ajvalil yu'un li muc'tic ajvaliletique; ja' chac' ta ilel li c'usi mu'yuc boch'o sna'e, jech ivu' avu'un laj avinajes li c'usi mu xvinaje —xut.

Daniel 2:48

Li ajvalile laj yac'be tsots yabtel li Daniele; laj yac' ta ich'el ta muc', xchi'uc laj yac'be ep lequil matanaletic. Jech noxtoc laj yac' ochuc ta banquilal jpasmantal ta sventa scotol li yosilal Babiloniae, xchi'uc ja' banquilal jpasmantal ic'ot yu'unic scotol li bijil viniquetic te ta Babiloniae.

Daniel 4:18

“Ja' jech laj quil ta jvayech, vu'un li ajvalil Nabucodonosorune. Beltsasar, albun ca'ay c'usi smelol li jvayeche, yu'un scotol li bijil viniquetic oy c'u smuc'ul jventainoje muc xu' yu'un xiyalbicun c'usi smelol. Yan li vo'ote xu' avu'un, yu'un te oy ta atojol sbijil li ch'ul diosetique.

Daniel 4:5

Pero c'alal te mocholun chivaye, oy c'usi la jvaychin, toj xi'bal sba. C'alal la jnopilan, c'alal te oy ta jol li c'usi laj quile, ich'ay co'nton yu'un.

Daniel 4:8

Ja' to ti c'alal ital ta jtojol li Daniel, ja' li Beltsasar yan sbi jech chac c'u cha'al sbi li dios cu'une, ti ja' yich'ojbe sbijil li ch'ul diosetique, te lic jcholbe ya'ay li jvayeche, jech laj calbe:

Daniel 5:11

Li' ta banamil ti c'u smuc'ul aventainoje oy jun vinic ti yich'ojbe sbijil li ch'ul diosetique. C'alal ja'o ochem ta ajvalilal li anima amuc'ta moltote, oy c'usi lec la stabe; la stabe sbijil sjol yo'nton. Laj yil ti lec jamal sat jech chac c'u cha'al sbijil li diosetique. Ja' yu'un li Nabucodonosor, ja' li anima amuc'ta moltote, la stic' ta banquilal yu'un li bijil viniquetique xchi'uc li jt'unuletique xchi'uc li boch'otic sna'ic sq'uelel senyail ta vinajel c'usitic chc'ot ta pasele.

1 Samuel 4:8

Toj abul jbatic. ¿Boch'o xu' chiscoltautic loq'uel ta sc'ob li Dios ti ech'em stsatsale? Yu'un ja' li Dios ti la smil ta tsatsal chamel li egiptoetic te ta xocol banamile.