Daniel 4:7 - Bible in Tzotzil de Chenalhó with Deuterocanon

⁷ Jech italic scotol li bijil viniquetique, li boch'otic sna'ic sq'uelel senyail ta vinajel c'usitic chc'ot ta pasele, xchi'uc li jt'unuletique. Te lic jcholbe ya'yic li jvayeche, pero muc xu' yu'un laj yalbicun c'usi smelol.

Bible in Tzotzil de Chamula

⁷ Va'i un, talic scotolic ti buch'utic xilic ti cajal toyole, ja' ti jt'unvanejetique, ti bijil viniquetique, ti buch'utic sna'ic sq'uelel senyailtaque, ti oyic ta jteclum Babiloniae. Lic jchapbe ya'iic ti c'usi laj quil ta jvaiche. C'u stu un, mi jutebuc cuch yu'unic ta yalbelun ti c'usi smelol ta xac' ta na'ele.

Daniel 4:7 Iomraidhean Croise

Génesis 41:24

Li trigo ti mats'emique, ja' bat sve'ic li vuclic lec c'upilic sbae. Laj xa jcholbe ya'yic scotol li bijil viniquetique, pero me junuc mu'yuc boch'o xu' yu'un chiyalbun c'usi smelol —xi.

Génesis 41:8

C'alal isacub osil ta yoc'omale, toj ep chlo'ilaj yo'nton laj ya'ay. Jech laj yal mantal ti ac'o talicuc scotol li bijil viniquetique xchi'uc li jt'unuletic te ta Egiptoe. Li faraone la xchol li c'usi laj yil ta xvayeche, pero me junuc mu'yuc boch'o la sna' c'usi smelol.

Salmos 37:35

Laj to'ox quil ti solel stoyoj sba li boch'o chopol yo'ntonique; mu'yuc c'usi xtal ta yo'ntonic jech chac c'u cha'al jtec' te' ti lec yoxe.

Isaías 44:25

Vu'un ta jsoquesbe senyail yu'unic li boch'otic oy c'usi xchanojic spasele; vu'un ta jch'aybe sjolic li jt'unuletique. Ta xcac' socuc sc'opic li boch'otic lec bijique; ta xcac' ta ilel ti ja' bol cristianoetique.

Ezequiel 31:3

Li vo'ote co'olot jech chac c'u cha'al ch'ut te' ta Líbano ti lec c'upilic sba sc'obc'obe, ti lec pim yanale, ti lec nate, ti xc'ot c'alal to ta pimil toquetic li sni'e.

Daniel 1:4

Ja' ac'o yic' tal li jilum queremetic ti leque, ti lec c'oq'uique, ti oy lec sbijilique, ti oy c'usi lec sna'ique, ti oy c'usi lec xotquinique, yu'un jech xu' yu'un ch-abtejic ta stojol ajvalil. Ja' chlic yich'ic chanubtasel ta sc'op xchi'uc ta sts'ib li caldeaetique.

Daniel 2:10

Li boch'o sna'ic sq'uelel senyail c'usi chc'ot ta pasele jech laj yalbeic li ajvalile: —Ajvalil, mu'yuc boch'o li' ta banamil ti xu' tsna' li c'usi chajaq'ue. Jech noxtoc me junuc ajvalil, ac'o me tsots svu'el, ac'o me tsots yabtel, mu'yuc jech tsjac'be junuc bijil vinic, jt'unul, o me ja' li boch'o sna'be senyail c'usi chc'ot ta pasele.

Daniel 2:27

Itac'ov li Daniele: —Ajvalil, li c'usi chajac' ti mu'yuc boch'o sna'e, mu'yuc boch'o xu' yu'un chac' ana', me junuc boch'o sna' sq'uel senyail ta vinajel c'usitic chc'ot ta pasel, me junuc jt'unul, me junuc li boch'o sna'be senyail c'usi chc'ot ta pasele, mu'yuc boch'o xu' chayalbicot.

Daniel 2:7

Itac'ovic xchibal velta: —Albuncutic li avayeche; ta xcalcutic ava'ay li c'usi smelole —xiic.

Daniel 3:8

Ta yorail le'e, oy jayibuc caldea viniquetic la stic'beic smul ta stojol ajvalil Nabucodonosor li judaetique,

Daniel 4:18

“Ja' jech laj quil ta jvayech, vu'un li ajvalil Nabucodonosorune. Beltsasar, albun ca'ay c'usi smelol li jvayeche, yu'un scotol li bijil viniquetic oy c'u smuc'ul jventainoje muc xu' yu'un xiyalbicun c'usi smelol. Yan li vo'ote xu' avu'un, yu'un te oy ta atojol sbijil li ch'ul diosetique.

Daniel 5:7

Li ajvalile tsots i'avan; laj yic' scotol li bijil viniquetic te ta Babiloniae, xchi'uc li boch'otic chilic c'usitic chc'ot ta pasele, xchi'uc li yantic bijil viniquetique, jech laj yalbe: —Li boch'o xu' yu'un sq'uelel c'usi chal li c'usi ts'ibabil le'e, xchi'uc ti chiyalbun c'usi smelole, ta xich' ac'bel slap yax'elan c'u'il, xchi'uc jlic nats'il pasbil ta c'anal taq'uin, xchi'uc ja' yoxibal ajvalil chc'ot ti bu c'alal jventainoje —xut.

Daniel 5:8

Jech i'ochic scotol li bijil viniquetic yu'un ajvalile, pero me junuc mu'yuc boch'o laj yotquin li c'usi ts'ibabile, xchi'uc muc xu' yu'unic laj yalbeic c'usi smelol.