Daniel 4:6 - Bible in Tzotzil de Chenalhó with Deuterocanon

⁶ Jech lic jtac ta iq'uel scotol li bijil viniquetic ta Babiloniae, yu'un ac'o yalbicun c'usi smelol li jvayeche.

Bible in Tzotzil de Chamula

⁶ Ja' yu'un un, laj cal mantal ti talicuc ta jtojol scotol ti bijil viniquetic ti oyic ta Babiloniae yo' jech ta xiyalbeicun c'usi smelol ta xac' ta na'el ti jvaiche.

Daniel 4:6 Iomraidhean Croise

Éxodo 7:11

Li faraone la stac ta iq'uel li bijil viniquetic, xchi'uc li j'ac'chameletic yu'une, ja' li boch'otic xu' yu'un chac' ta ilel svu'elique. Jech ivu' yu'unic la spasic jech ec:

Isaías 8:19

Me oy boch'o jech chayalboxuque: “Bat jac'beic li j'ic'ch'ulelaletique xchi'uc li jt'unuletic ti mucul svislajet chlo'ilajique”, me xayutoxuque, jech xatac'beic: “Li steclumal Diose ¿me mu ja'uc tsjac'beic Dios yu'unic li c'usi tsc'an tsna'ique? ¿Me smelol ja' tsjac'beic boch'otic chamenic c'usi mu sna'ic li boch'otic cuxajtique?”, utic.

Daniel 1:17

Li chanib queremetic le'e i'ac'bat lec sbijilic; ijambat lec satic yu'un Dios ta yotquinel ep vunetic xchi'uc chanubtaseletic. Li Daniele lec sna' yalbel smelol vaychiletic xchi'uc c'usi chil ta xch'ulelic.

Daniel 2:2

Jech la stac ta iq'uel li boch'otic sna'ic sq'uelel senyail ta vinajele, li jt'unuletique, xchi'uc li boch'otic xotquinbeic senyail c'usi chc'ot ta pasele xchi'uc scotol li boch'o bijique, yu'un ac'o yalbeic li c'usi laj yil ta xvayeche. Jech ibatic ta stojol li ajvalile.

Daniel 2:48

Li ajvalile laj yac'be tsots yabtel li Daniele; laj yac' ta ich'el ta muc', xchi'uc laj yac'be ep lequil matanaletic. Jech noxtoc laj yac' ochuc ta banquilal jpasmantal ta sventa scotol li yosilal Babiloniae, xchi'uc ja' banquilal jpasmantal ic'ot yu'unic scotol li bijil viniquetic te ta Babiloniae.

Daniel 4:15

Yan li xchumante'ile te tec'luc comuc ta banamil xchi'uc yibel; te comuc o ta te'tic. Chuquic ta cadena pasbil ta tsatsal taq'uin xchi'uc ta bronce. Te ac'o ach'uc ta job osil; co'ol ac'o sve'ic ts'i'laletic xchi'uc li chonbolometique.

Daniel 5:11

Li' ta banamil ti c'u smuc'ul aventainoje oy jun vinic ti yich'ojbe sbijil li ch'ul diosetique. C'alal ja'o ochem ta ajvalilal li anima amuc'ta moltote, oy c'usi lec la stabe; la stabe sbijil sjol yo'nton. Laj yil ti lec jamal sat jech chac c'u cha'al sbijil li diosetique. Ja' yu'un li Nabucodonosor, ja' li anima amuc'ta moltote, la stic' ta banquilal yu'un li bijil viniquetique xchi'uc li jt'unuletique xchi'uc li boch'otic sna'ic sq'uelel senyail ta vinajel c'usitic chc'ot ta pasele.

Daniel 5:7

Li ajvalile tsots i'avan; laj yic' scotol li bijil viniquetic te ta Babiloniae, xchi'uc li boch'otic chilic c'usitic chc'ot ta pasele, xchi'uc li yantic bijil viniquetique, jech laj yalbe: —Li boch'o xu' yu'un sq'uelel c'usi chal li c'usi ts'ibabil le'e, xchi'uc ti chiyalbun c'usi smelole, ta xich' ac'bel slap yax'elan c'u'il, xchi'uc jlic nats'il pasbil ta c'anal taq'uin, xchi'uc ja' yoxibal ajvalil chc'ot ti bu c'alal jventainoje —xut.