Daniel 4:5 - Bible in Tzotzil de Chenalhó with Deuterocanon

⁵ Pero c'alal te mocholun chivaye, oy c'usi la jvaychin, toj xi'bal sba. C'alal la jnopilan, c'alal te oy ta jol li c'usi laj quile, ich'ay co'nton yu'un.

Bible in Tzotzil de Chamula

⁵ Ja' no'ox un, oy jun ac'ubal c'alal telel ta jcuxe, livaichinaj, toj xi'bal sba ti c'usi laj quile. C'alal jech lic ta vulvunel ti jol co'nton ti c'usitic ta jnope, lic ochcun ta xi'el yu'un ta j'ech'el. Yu'un yip xa laj sta ya'luc ti c'alal vul ta co'nton ti c'usi li'ac'bat quil ti c'alal jam ti jba jsate.

Daniel 4:5 Iomraidhean Croise

Génesis 41:1

C'alal i'ech' xa'ox chib jabile ivaychin li faraone, ta xvayech laj yil te va'al ta ti' uc'um, Nilo sbi.

Daniel 1:7

Li banquilal j'abtel yu'un ajvalile la sjelbe sbiic li queremetique: Li Daniele Beltsasar laj yac'be sbi; li Ananiase Sadrac laj yac'be sbi; li Misaele Mesac laj yac'be sbi; li Azariase Abed-nego laj yac'be sbi.

Daniel 2:1

C'alal xchibal jabil yochel ta ajvalilal li Nabucodonosore, ivaychin. Toj ep ilo'ilaj yo'nton; solel muc xvay o.

Daniel 2:3

Li ajvalile jech laj yalbe: —Oy c'usi laj quil ta jvayech, pero solel i'ech' xa co'nton ta snopel c'usi smelol —xut.

Daniel 4:10

Li c'usitic la jvaychin c'alal mocholun ta jvayabe ja' jech chac li'i: “Laj quil jpets te' yilel ta o'lol banamil, bats'i nat ch'iem.

Daniel 4:13

“Laj quil noxtoc jun jq'uelvanej j'almantal iyal tal ta vinajel.

Daniel 4:15

Yan li xchumante'ile te tec'luc comuc ta banamil xchi'uc yibel; te comuc o ta te'tic. Chuquic ta cadena pasbil ta tsatsal taq'uin xchi'uc ta bronce. Te ac'o ach'uc ta job osil; co'ol ac'o sve'ic ts'i'laletic xchi'uc li chonbolometique.

Daniel 4:19

“Li Daniele, ja' li Beltsasar yan sbie, toj ch'ayel ic'ot yo'nton ti c'alal laj ya'ye; jliquel te ch'ayem yo'nton, yu'un ixi' ta jyalel. Vu'un li ajvalilune jech laj calbe: ‘Beltsasar, mu me toj ch'ayeluc xc'ot avo'nton yu'un li jvayeche xchi'uc li c'usi smelole’, xcut. Itac'ov li Beltsasare: ‘¡Ay ajvalil, ja' ac'o c'otuc ta stojol avajcontra scotol ti c'u x'elan smelol li avayeche!

Daniel 5:10

Li sme' ajvalile ital ec ti c'alal laj ya'ay i'avan li ajvalile xchi'uc li banquilaletic yu'une. I'och batel ti bu tspasic q'uine, jech laj yal: —Ajvalil, ich'bilucot o ta muc'. Mu me epuc xaxi'; mu me loq'uel xasaclich'taj.

Daniel 5:11

Li' ta banamil ti c'u smuc'ul aventainoje oy jun vinic ti yich'ojbe sbijil li ch'ul diosetique. C'alal ja'o ochem ta ajvalilal li anima amuc'ta moltote, oy c'usi lec la stabe; la stabe sbijil sjol yo'nton. Laj yil ti lec jamal sat jech chac c'u cha'al sbijil li diosetique. Ja' yu'un li Nabucodonosor, ja' li anima amuc'ta moltote, la stic' ta banquilal yu'un li bijil viniquetique xchi'uc li jt'unuletique xchi'uc li boch'otic sna'ic sq'uelel senyail ta vinajel c'usitic chc'ot ta pasele.

Daniel 7:1

C'alal sba to jabil yochel ta ajvalilal ta Babilonia li Belsasare, li Daniele ivaychin, xchi'uc oy c'usi i'ac'bat yil ta xch'ulel ti c'alal ja'o te mochol ta svayabe. Ta ora la sts'iba ta vun li c'usitic tsotsic sc'oplal laj yil ta xvayeche. Jech la sts'iba:

Daniel 7:28

“Ja' no'ox jech yepal li c'usi laj quile. Vu'un li Danielune toj ep ilo'ilaj co'nton yu'un, iyanij jsat yu'un, pero te no'ox la jchabi ta co'nton scotol.”