Daniel 4:12 - Bible in Tzotzil de Chenalhó with Deuterocanon

¹² Lec c'upilic sba yanal, lec pim sat noxtoc. Te tsta sve'el scotol li cristianoetique. Te ital xcux yo'ntonic ta yolon scotol li chonbolometique. Te ital spas stasic ta sc'obc'ob scotol li mutetique; ja' te la sta sve'elic scotol li c'usitic cuxulic ta banamile.

Bible in Tzotzil de Chamula

¹² Toj c'upil sba ta j'ech'el ti yanale. Limil no'ox ti sate, ti ja' ta smalq'uin scotole. Jech ti chon bolometique lamal no'ox ta x'axinajic ta yolon. Yan ti ta sc'ob-c'obtaque, tey ta spas stasic ti mutetique. Yu'un tey ta xcuxiic ta sventa scotol ti banomile.

Daniel 4:12 Iomraidhean Croise

Job 12:24

Xu' tspojbe sbijilic li banquilaletic ta jujun lume; xu' chac' ch'ayicuc o batel ta be ta xocol banamil.

Job 14:7

“C'alal ta xich' ts'etel jbej te'e, xu' to chq'uelumaj; xu' to chloc' yan ach' sq'uelum.

Job 14:9

pero c'alal ch-ach' ta vo'e, chyaxub yan velta; chloc' lec ach' sq'uelum jech chac c'u cha'al ti bu ch'ium te' toe.

Lamentaciones 4:20

Laj xa yich' chuquel li st'ujbil ajvalil Muc'ul Diose ti la jnoptic ja' chispojutic yu'un jech mu xijchame; ja' li boch'o jech laj caltic ta stojole: “Ja' ta xyaxinal xu' chijcuxiutic te ta stojol li yantic lumetique”, ti xijchiutique.

Ezequiel 17:23

Te ta xvul jts'un ta jun toyol vits ta yosilal Israel. Lec toyolic chbat sc'obc'ob; lec chac' sat, ven lequil muc'ta ch'ut te' ta xc'ot. Te chtal xcux yo'ntonic ta yolon scotol c'usiuc no'ox mutal; te chnaquiic ta xyaxinal.

Ezequiel 31:17

Pero ja' no'ox jech ta xyalic batel ta yavil animaetic ec; ta xbat xchi'inic li boch'otic ichamic ta espadae, ja' li boch'otic liquemic tal ta yantic banamil ti inaquiic ta xyaxinal, ti la spas to'ox ta co'ol yo'ntonic xchi'uque.

Daniel 4:14

Tsots ic'opoj, jech laj yal: ‘Ts'etic li te'e, lilinbeic li sc'obc'obe; tulbeic scotol li yanale, tanpuc ac'o batuc avu'unic li sate. Ac'o batuc scotol li chonbolometic te oyic ta yolone, xchi'uc li mutetic te oyic ta sc'obc'obe.

San Mateo 13:32

Li bec' mostazae ja' biq'uit ta scotol li yantic ts'unubiletique, pero c'alal chch'ie ja' muc' chc'ot ta scotol li yantic itajetique. Lec jpets ta te' chbat, te chtal mutetic, chtal spas stasic ta sc'obc'ob”, xi li Jesuse.

Marcos 13:32

“Li c'usi ora chitale mu'yuc ono'ox boch'o ta sna', me ja'uc li j'almantaletic ta vinajele, me ja'uc vu'un li Nich'onilune. Ja' no'ox sna' stuc li Totile.

Marcos 4:32

Pero c'alal me laj yich' xa'ox ts'unele, ja' no'ox stuc toj muc' ta xbat ta scotol li yan ts'unubiletique. Lec muc'tic chac' sc'obc'ob, jech chtal mutetic ta vinajel, chtal spas stasic ta sc'obc'ob yu'un oy lec xyaxinal”, xi li Jesuse.

San Lucas 13:19

Ja' co'ol xchi'uc bec' mostaza la sts'un ta yosil jun vinic. C'alal ich'ie, lec muc' ibat. Jech ital mutetic, tal spas stasic ta sc'obc'ob”, xi li Jesuse.