Daniel 4:11 - Bible in Tzotzil de Chenalhó with Deuterocanon

¹¹ Ich'i batel ta jyalel, lec tsots ibat; ic'ot c'alal to ta vinajel li sni'e. Scotol cristianoetic c'alal to ta sti'iltac banamil xu' chilic.

Bible in Tzotzil de Chamula

¹¹ Ch'i ti te'e, muq'uib ta j'ech'el ti yoque. Tijil xa c'otel ta vinajel ti sni' yilele. Xvinaj to lec ta q'uelel ac'o mi ta namal banomil xa.

Daniel 4:11 Iomraidhean Croise

Génesis 11:4

Ts'acal to jech laj yalbe sbaic noxtoc: “Jliquestic spasel jun muc'ta lum xchi'uc jun toyol q'uelub osil, ac'o c'otuc cu'untic c'alal to ta vinajel. Me jech ta jpastique, chpuc lec jc'oplaltic, jech ich'bil ta muc' chijc'ot. Jech mu persauc ta jpuc jbatic batel ta scotol banamil”, xut sbaic.

Ezequiel 31:12

Laj yich' ts'etel yu'un yanlum cristianoetic ti bats'i simaronic ta scotol banamile; laj yich' lomesel o. Li sc'obc'obtaque tanpuc ibat ta vitsetic xchi'uc ta soplejaltic. C'asaltic sba ibat ta bebevo'tic te ta banamil. Scotol li yantic lum te nacalic ta xyaxinale ijatovic batel; la scomtsanic o.

Ezequiel 31:5

Ja' yu'un stuc no'ox toj nat ibat ta scotol li te'etique. Solel i'epaj li sc'obc'obe; la slim sba batel ta scoj ti oy lec ya'lele.

San Mateo 11:23

Li vo'ote Capernaum, ¿me chacuy ti chatoy batel c'alal ta vinajele? Mu'yuc. C'alal to ta yavil animaetic chavich' jipel yalel. Lajuc yilic la jpas sq'uelubil jtsatsal ta stojolic ec li lum Sodoma jech chac c'u cha'al laj yich' pasel te ta atojole, te to oy o tana li lum Sodoma ti jechuque.

Deuteronomio 9:1

“A'yo me ava'yic, israeletic: ista xa yorail xu' chajelovic batel ta jot uc'um Jordán, xchi'uc yorail xa xu' chbat atsalic li muc'tic banamil ti toj tsotsic jech chac c'u cha'aloxuque, xchi'uc li muc'tic lumetic ti lec setbilic ta coraltonetic ti bats'i toyolique.