Daniel 3:2 - Bible in Tzotzil de Chenalhó with Deuterocanon

² Li Nabucodonosore la stac ta iq'uel scotol li ajvaliletic ta jujun banamile, xchi'uc li ajvaliletic ta jujun lume, xchi'uc li banquilal soldadoetique, xchi'uc li yich'ub-c'optac ajvaliletique, xchi'uc li jchabitaq'uinetique, xchi'uc li jchapanvanejetique, xchi'uc li banquilaletique, xchi'uc scotol li boch'otic oy yabtelic ta jujun muc'tic lume, yu'un ac'o bat stsob sba scotolic ta sventa sq'uinal li muc'ta loc'om laj yac' ta pasel Nabucodonosore.

Bible in Tzotzil de Chamula

² Ts'acal to un, laj sta ta iq'uel scotol ti its'inal ajvaliletic yu'un ti jujun lumetique, ti banquilal jpas-mantaletic yu'un ti soldadoetique, ti its'inal ajvaliletic ti oyic ta bic'tal lume, ti buch'utic cajal ich'bil ye sti'ique, ti jchabiej taq'uinetique, ti jchapanvanejetique, ti banquilal opisialetique, ti yan buch'utic oy yabtelic ti oyic ta bic'tal lume, yo' jech taluc stsob sbaic ta sq'uelel ti jech ta xlic yich' pasbel sq'uinal ti loc'obbail ti laj yac' ta meltsanele.

Daniel 3:2 Iomraidhean Croise

1 Reyes 12:32

Jech lic spas jun muc'ta q'uin ta yo'lajunebal c'ac'al yochel li xvaxquibal u jech chac c'u cha'al yorail muc'ta q'uin yu'unic te ta Judae. Li Jeroboame ja' stuc laj yac' milbil matanal te ta scajleb li matanale. Ja' jech la spas noxtoc te ta Betel. La smilbe smoton li sloc'obal ch'ium tot vacaxetic la spase, xchi'uc la st'uj paleetic yu'unic sventa te ch-abtej ta snail li diosetic yu'unique.

Proverbios 29:12

Me oy jun ajvalil chch'un li c'usitic mu meleluque, chopol chbat scotol li j'abteletic yu'une.

Daniel 3:27

Scotol li j'abteletic ta sjunul banamil te oyique te inopajic batel ta stojol li viniquetique, yu'un tsq'uelic c'u x'elan. Me jutuc mu'yuc c'usi ipasbatic yu'un li c'oq'ue, me jutuc mu'yuc bu c'aq'uem jbejuc stsotsil sjolic, me jutuc mu'yuc c'usi spasoj li sc'u'ique, me jutuc mu'yuc xcuchoj yic' ch'ayil.

Daniel 3:3

Scotol li boch'otic oy yabtelic ta sjunul Babilonia banamil ti laj yich'ic taquel ta iq'uele, ital scotolic ta sventa li q'uine. Te la stsob sbaic ta yoc li loc'om laj yac' ta pasel ajvalil Nabucodonosore.

Números 25:2

Ja' yu'un li tsebetique te lic yiq'uic ta sti'el smoton diosetic yu'unic. Jech li israeletique te lic sti'ic, te lic yich'ic ta muc' ec li diosetic yu'un moabetique.

Apocalipsis 17:2

Ja' ti imulivaj xchi'uc li ajvaliletic ta banamile. Jech noxtoc li jnaclumetic ta banamile xco'laj xchi'uc yacuben xchi'uquic li mulil ti tsc'an li antse”, xiyutun.

Jueces 16:23

Li banquilaletic yu'un filistaetique la stsob sbaic, yu'un tspasic jun q'uin ta sventa ti laj xa spasic canale, chac'beic smoton li sdiosic Dagone. Te iq'uejinic jech laj yalic: “Li dios cu'untique laj xa yac'butic ta jc'obtic li Sansone, ja' li cajcontratique”, xiic.