Daniel 3:1 - Bible in Tzotzil de Chenalhó with Deuterocanon

¹ Li ajvalil Nabucodonosore laj yac' ta pasel jun muc'ta loc'om ta c'anal taq'uin, lajuneb xcha'vinic (30) metro snatil, oxib metro sjamalil; te la sva'anic ta stenlejaltic Dura ta yosilal Babilonia.

Bible in Tzotzil de Chamula

¹ Ti ajvalil Nabucodonosore laj yal mantal ti ac'o yich' meltsanel junuc loc'obbail ti naca oro yich'oje, ti yich'ojuc lajuneb xcha'vinic (30) metro ti snatile, ti yich'ojuc oxib (3) metro smuc'ul ti liquem ta yoque. Laj yal mantal xtoc ti ac'o yich'uc va'anel ta jun stenlej ti sbiinoj Dura ti oy ta yosilal ti jteclum Babiloniae.

Daniel 3:1 Iomraidhean Croise

1 Reyes 12:28

C'alal laj xa'ox snopilan c'usi xu' tspas, te lic spas cha'cot sloc'obal ch'ium tot vacaxetic, jech laj yalbe li israeletique: “Jchi'iltac, toj ep xa ta velta lac'otilanic ta Jerusalén. Li' oy diosetic avu'unic, ja' ti la sloq'uesoxuc tal ta Egiptoe”, xut.

Ester 1:1

Li'i ja' jech ic'ot ta pasel c'alal ja'o ochem ta ajvalilal li Asueroe; ja' sventainoj vucub svucvinic (127) muc'tic lum xlic ta India c'alal to ta Etiopía.

Salmos 135:15

Li c'usitic scuyojic ta sdiosic yantic banamiletique pasbilic no'ox ta saquil taq'uin, ta c'anal taq'uin; pasbil no'ox ta sc'ob cristianoetic.

Éxodo 20:23

Mu me xapas adiosic ta c'anal taq'uin, o me ta saquil taq'uin yu'un chavich'ic ta muc' jech chac c'u cha'al vu'un.

Éxodo 32:31

Jech li Moisese isut batel yo' bu oy li Muc'ul Diose, jech laj yalbe: —Ta jc'opanot ta sventa li jchi'iltaque yu'un ta melel la sta tsots smulic ta atojol ta sventa ti la spas sdiosic ta c'anal taq'uine.

Isaías 2:20

C'alal chc'ot ta pasel jeche, ta sloq'uesic scotol li sdiosic pasbil ta saquil taq'uin, ta c'anal taq'uin ti spasoj stuquic sventa chich'ic ta muq'ue; tsjipic batel yo' bu oy ch'oetic xchi'uc sots'etic.

Isaías 30:22

Jech chlic abajic o li sloc'obal adiosic apasojic ta saquil taq'uine xchi'uc li bic'tal loc'ometic apasojic ta c'anal taq'uine; chajipic o batel jech chac c'u cha'al li c'usi toj i'lal sbae.

Isaías 46:6

Ep boch'o tsloq'uesic c'anal taq'uin ta xvorxaic; ep boch'o tsbisic ta kilo c'u yalal li saquil taq'uinique. Ts'acal chbat spasic trato xchi'uc li jpasloc'ometique, yu'un ac'o pasbatuc jun sdiosic sventa chich' ta muc', sventa tsquejan sba ta stojol.

Jeremías 10:9

Li sdiosique pasbil no'ox ta tojol saquil taq'uin liquem tal ta Tarsis, xchi'uc pasbil no'ox ta c'anal taq'uin liquem tal ta Ufaz. Ja' yabtelic li boch'o lec sna'ic spasele xchi'uc li j'unijesej taq'uinetique. Yax'elanic sc'u' yac'ojbeic, xchi'uc tsojtsojtic sba. Scotol le'e ja' no'ox spasojic li boch'otic lec chanemic ta sjalele.

Jeremías 16:20

¿Me yu'un xu' ta spas sdios stuc li cristianoe? ¡Xu' yu'un ta spas, pero li diosetic ta spase puru lo'lael no'ox!”, xi chlic yalic.

Daniel 2:48

Li ajvalile laj yac'be tsots yabtel li Daniele; laj yac' ta ich'el ta muc', xchi'uc laj yac'be ep lequil matanaletic. Jech noxtoc laj yac' ochuc ta banquilal jpasmantal ta sventa scotol li yosilal Babiloniae, xchi'uc ja' banquilal jpasmantal ic'ot yu'unic scotol li bijil viniquetic te ta Babiloniae.

Daniel 2:49

Li Daniele la sc'anbe vocol ajvalil ti ac'o yac'be tsots yabtelic te ta yosilal Babilonia ec li Sadrac, Mesac, xchi'uc Abed-negoe. Yan li Daniele ja' la xchi'in o ta abtel li ajvalile.

Daniel 3:14

Li ajvalil Nabucodonosore jech la sjac'be: —¿Me jech ti mu xac'an xavich'ic ta muc' li diosetic cu'une, xchi'uc ti mu xac'an xaquejan abaic ta stojol li loc'om laj cac' ta pasel ta c'anal taq'uine?

Daniel 3:30

Ja' yu'un li ajvalile, toj tsots yabtel laj yac'be ta sjunul Babilonia banamil li Sadrac, Mesac, xchi'uc Abed-negoe.

Daniel 5:23

Ja' no'ox latoy aba ta stojol li Yajval vinajele; laj acontrain, xchi'uc laj atac ta ich'el noxtoc li vaso te liquem tal ta ch'ulna yu'une. Ja' te laj avuch'ic o pasem ya'lel ts'usub achi'uc li banquilaletic avu'une, xchi'uc li avajniltaque, xchi'uc li yantic antsetic avu'une. Jech noxtoc te lic avich' ta muc' li diosetic avu'un ti pasbil ta saquil taq'uin, ta c'anal taq'uin, ta bronce, ta tsatsal taq'uin, ta te', xchi'uc ta ton ti mu xil osile, ti mu xa'ay c'ope, ti mu c'usi sna' oe. Yan li Dios ti ja' oy ta sc'ob acuxlejale xchi'uc ti ja' ta sventa chapas scotol li c'usitic chapase, me jutuc muc xavich' ta muc'.

Daniel 5:4

Scotolic laj yuch'ic pasem ya'lel ts'usub, jech lic yich'ic ta muc' li diosetic yu'unic ti pasbilic ta c'anal taq'uin, ta saquil taq'uin, ta bronce, ta tsatsal taq'uin, ta te', xchi'uc ta tone.

Oseas 2:8

“Mu svules ta sjol ti vu'un laj cac'be li strigo, li ya'lel ts'usub, xchi'uc li yaceitee, xchi'uc ti vu'un laj quepajesbe li saquil taq'uin, li c'anal taq'uin laj yac' ta stojol Baale.

Oseas 8:4

“Li ajvaliletic yu'unic la sva'anique muc t'ujbiluc cu'un; c'alal la st'ujic li banquilaletic yu'unique, muc xca'ay. La spasic loc'ometic ta saquil taq'uin, ta c'anal taquin sventa chich'ic ta muc', pero ja' no'ox sventa chich'ic ulesel o.

Habacuc 2:19

Toj abul sba li boch'o jech chalbe li c'usi pasbil ta te'e, “Julovan”, ti xute, xchi'uc li boch'o jech chalbe jbej tone, “Lican”, ti xute. ¿Me xu' yu'un chchanubtasvan? Ac'o me lec xa pixbil ta c'anal taq'uin, ta saquil taq'uin, pero mu'yuc cuxul, mu'yuc xch'ulel.

Hechos 17:29

Ta melel xnich'nabutic li Diose, jech mu xu' ta jnoptic ti ja' Jch'ultotic li c'usitic pasbil ta c'anal taq'uin, ta saquil taq'uin, xchi'uc li c'usitic pasbil ta tone. Yu'un le'e yabtel no'ox cristiano; la snop no'ox stuquic ti jech la spasique.

Hechos 19:26

Pero avilojic, ava'yojic c'usi ta xalilan li vinic ti Pablo sbie. Mu ja'uc no'ox jech chalilan li' ta Éfeso; jutuc xa mu scotoluc Asia banamil ya'yoj yu'un. Jech ep xa cristianoetic la svoc' sbaic ta sventa li c'usi chalilane. Yu'un chalilanbe cristianoetic ti mu ja'uc Dios li c'usitic pasbil ta c'abale.

Deuteronomio 7:25

Chic'beic noxtoc li sloc'obaltac sdiosique, pero mu me xpich'aj avo'ntonic yu'un li c'anal taq'uin xchi'uc li saquil taq'uin ti yich'ojan li sloc'obaltac sdiosique, yu'un me laj avich'ique, ja' xa laj apasic li c'usi toj chopol chil Muc'ul Diose.

Apocalipsis 9:20

Pero li cristianoetic ti c'u yepal cuxul icomic ta scoj li vocol le'e, me jutuc muc sutes yo'ntonic. Muc scomtsanic o yich'el ta muc' li c'usitic pasbil ta sc'obique. Muc scomtsanic yich'el ta muc' li pucujetique xchi'uc li sloc'obal sdiosic pasbilic ta c'anal taq'uin, ta saquil taq'uin, ta cobre, ta ton, ta te', ti mu xilic osile, ti mu xa'yic c'ope, ti mu xanovique.