Daniel 2:41 - Bible in Tzotzil de Chenalhó with Deuterocanon

⁴¹ “Li xpoch'omal yacan, xchi'uc li sbic'tal yacan ti j'o'lol patbil ta lum, j'o'lol pasbil ta tsatsal taq'uine, ja' smelol chib ajvaliletic ti scontra chil sbaique. Ac'o me oy to jutuc stsatsal li taq'uine, pero laj avil ti capbil ta lum chic'bil ta c'oq'ue.

Bible in Tzotzil de Chamula

⁴¹ “Jcuch abtel, laj avil xtoc ti cha'tos yich'oj ti yoque, ti sni'tac yoque, ti ja' meltsanbil ta lume. Ti jts'oc xtoque, ja' tsatsal taq'uin yich'oj. Ti va'i s'elan taje, ja' ta xac' ta na'el ti ta xc'ot ta cha'ch'ac ti ajvalile, ac'o mi tsots xa yilel ti capal ta tsatsal taq'uine. Ja' yu'un un, Jcuch abtel, laj avil ti jc'os xa tsatsal taq'uine, ti jc'os xa lum yich'oje.

Daniel 2:41 Iomraidhean Croise

Daniel 2:40

Li xchanibal ajvalil ta xlique toj tsots jech chac c'u cha'al tsatsal taq'uin. Jech chac c'u cha'al li tsatsal taq'uin ti ep c'usitic xu' yu'un ta sliline, ti ep c'usitic xu' yu'un ta sc'ase, ja' jech ta slilin, ta xules scotol yantic ajvalil.

Daniel 2:42

Li yacan ti j'o'lol pasbil ta tsatsal taq'uin xchi'uc ti j'o'lol patbil ta lum laj avile, ja' smelol ti jliquel xa no'ox oy stsatsal, jliquel xa mu'yuc stsatsal li ajvalile.

Daniel 7:24

Li lajuneb xulube ja' smelol ti ta to xlic lajuneb ajvaliletic ti c'alal ja'o yorail tiq'uil ta yabtel li jun ajvalil le'e. Ta ts'acal chlic jun ajvalil noxtoc, ti mu xco'laj jech chac c'u cha'al li lajuneb ajvaliletique; li ajvaliletic le'e tstsal oxib ajvaliletic.

Daniel 7:7

“Li xchanibal laj quile toj yan to x'elan, toj xi'bal sba, xchi'uc toj ven ech'em stsatsal ta jyalel. Li stanal yee puru muc'tic yijiquil tsatsal taq'uin yilel, ta xvoch'i, ta slilin ta jyalel li sve'ele; li scomelale ta xpech'ilan ta teq'uel. Toj yan o ta jyalel, mu xco'laj xchi'uc li yantic laj quil ta ba'yuque; oy lajuneb xulub noxtoc.

Apocalipsis 12:3

Ta ora ivinaj yan senyail noxtoc ta vinajel. Laj quil te cotol jcot tsajal chon, dragón sbi; oy vucbej sjol, lajuneb xulub. Oy scoronail svucubal li sjole.

Apocalipsis 13:1

Ts'acal bat va'lucun ta yi'tic ta ti'nab. Te laj quil iloc' tal ta nab jcot muc'ta chon, vucbej sjol xchi'uc lajuneb xulub. Li jujun xulube oy scoronail. Li jujubej sjole te ts'ibabil sbi; ja' biil ti chopol chc'opoj ta stojol li Diose.

Apocalipsis 17:12

“Li lajuneb xulub laj avile ja' senyail lajuneb ajvaliletic, pero mu'yuc to ch-ochic ta pasmantal. Ts'acal co'ol ta xich' yabtelic ta ajvalilal xchi'uc li jti'vanej bolome, pero jun no'ox hora chich' yabtelic.