Daniel 2:4 - Bible in Tzotzil de Chenalhó with Deuterocanon

⁴ Li bijil viniquetique jech laj yalbeic ta arameo c'op li ajvalile: —Ajvalil, ich'bilucot ta muc'. Vu'un li avajtuneluncutique albuncutic li avayeche; ta xcalcutic ava'ay li c'usi smelole —xutic.

Bible in Tzotzil de Chamula

⁴ Ti bijil viniquetique xi laj yalbeic ti ajvalile: “Cajal c'otuc sc'oplal ta j'ech'el ti Jcuch abtele. Va'i un, Jcuch abtel, chapbo ya'i c'usi laj avil ta avaich ti avajtuneltac li'e. Jech ti vu'uncutique ta xcalcutic ta jamal ti c'usi smelol ta xac' ta na'ele.”

Daniel 2:4 Iomraidhean Croise

Génesis 31:47

Li Labane la sa'be sbi ta sc'op stuc li banamile: “Jegar Sahaduta” laj yac'be sbi. Jech ec li Jacobe “Galaad” laj yac'be sbi ec.

Génesis 41:8

C'alal isacub osil ta yoc'omale, toj ep chlo'ilaj yo'nton laj ya'ay. Jech laj yal mantal ti ac'o talicuc scotol li bijil viniquetique xchi'uc li jt'unuletic te ta Egiptoe. Li faraone la xchol li c'usi laj yil ta xvayeche, pero me junuc mu'yuc boch'o la sna' c'usi smelol.

1 Reyes 1:25

Yu'un li' ta orae laj xa smil vacaxetic xchi'uc chijetic ti lec jubenique. Laj yic'an ta ve'el li anich'nabe, xchi'uc li banquilal soldadoetic avu'une xchi'uc li pale Abiatare. Te co'ol chve'ic ch-uch'bajic xchi'uquic, jech xa ta xalic: ‘¡Ich'biluc ta muc' li ajvalil Adoniase!’, xiic.

1 Reyes 1:31

Li Betsabee te lic squejan spatan ta banamil ta stojol li ajvalile, jech laj yal: —¡Ich'bilucot o ta muc' ajvalil David! —xut.

2 Reyes 18:26

Li Eliaquim, li Sebna, xchi'uc li Joae jech laj yalbeic li Rabsacese: —Avocoluc c'opanuncutic ta arameo c'op, yu'un xca'icutic noxtoc. Mu xac'opanuncutic ta hebreo c'op, yu'un scotol li jchi'iltaccutic li' oyic ta ba coraltone cha'yic li c'usi chavalique —xutic.

Esdras 4:7

Xchi'uc c'alal i'och ta ajvalilal ta Persia li Artajerjese, li Bislam, Mitrídates, Tabeel xchi'uc yantic xchi'iltaque la stacbeic batel carta li ajvalil Artajerjese. Li cartae ts'ibabil ta arameo c'op.

Nehemías 2:3

Jech laj calbe: —Ajvalil, vo'ot no'ox atuc ich'bilot ta muc'. ¿C'u cha'al muc ta xcat co'nton, yu'un jinesbil xa li jlumalcutic yo' bu mucajtic jmoltot jyame'cutique xchi'uc chic'bil xa ta c'oc' smac li coraltonetique? —xcut.

Isaías 36:11

Ja' yu'un li Eliaquim, Sebna, xchi'uc Joae jech laj yalbeic li banquilal yaj'abtel Senaqueribe: —Avocoluc, c'opanuncutic ta arameo c'op, yu'un xca'icutic noxtoc. Mu xac'opanuncutic ta hebreo c'op yu'un cha'yic scotol li jchi'iltaccutic li' oyic ta ba coraltone —xutic.

Isaías 44:25

Vu'un ta jsoquesbe senyail yu'unic li boch'otic oy c'usi xchanojic spasele; vu'un ta jch'aybe sjolic li jt'unuletique. Ta xcac' socuc sc'opic li boch'otic lec bijique; ta xcac' ta ilel ti ja' bol cristianoetique.

Daniel 1:4

Ja' ac'o yic' tal li jilum queremetic ti leque, ti lec c'oq'uique, ti oy lec sbijilique, ti oy c'usi lec sna'ique, ti oy c'usi lec xotquinique, yu'un jech xu' yu'un ch-abtejic ta stojol ajvalil. Ja' chlic yich'ic chanubtasel ta sc'op xchi'uc ta sts'ib li caldeaetique.

Daniel 2:7

Itac'ovic xchibal velta: —Albuncutic li avayeche; ta xcalcutic ava'ay li c'usi smelole —xiic.

Daniel 3:9

jech laj yalic: —¡Ajvalil, ich'bilucot o ta muc'!

Daniel 4:19

“Li Daniele, ja' li Beltsasar yan sbie, toj ch'ayel ic'ot yo'nton ti c'alal laj ya'ye; jliquel te ch'ayem yo'nton, yu'un ixi' ta jyalel. Vu'un li ajvalilune jech laj calbe: ‘Beltsasar, mu me toj ch'ayeluc xc'ot avo'nton yu'un li jvayeche xchi'uc li c'usi smelole’, xcut. Itac'ov li Beltsasare: ‘¡Ay ajvalil, ja' ac'o c'otuc ta stojol avajcontra scotol ti c'u x'elan smelol li avayeche!

Daniel 4:7

Jech italic scotol li bijil viniquetique, li boch'otic sna'ic sq'uelel senyail ta vinajel c'usitic chc'ot ta pasele, xchi'uc li jt'unuletique. Te lic jcholbe ya'yic li jvayeche, pero muc xu' yu'un laj yalbicun c'usi smelol.

Daniel 4:9

‘Beltsasar, vo'ot li banquilalot yu'un scotol bijil viniquetique, ta jna' ti vo'ot avich'ojbe sbijil li ch'ul diosetique, ti mu'yuc c'usi macal ta asat jchopuc li c'usitic mu stac' na'ele. A'yo ava'ay li c'usi la jvaychine; albun ca'ay c'usi smelol.

Daniel 5:10

Li sme' ajvalile ital ec ti c'alal laj ya'ay i'avan li ajvalile xchi'uc li banquilaletic yu'une. I'och batel ti bu tspasic q'uine, jech laj yal: —Ajvalil, ich'bilucot o ta muc'. Mu me epuc xaxi'; mu me loq'uel xasaclich'taj.

Daniel 5:8

Jech i'ochic scotol li bijil viniquetic yu'un ajvalile, pero me junuc mu'yuc boch'o laj yotquin li c'usi ts'ibabile, xchi'uc muc xu' yu'unic laj yalbeic c'usi smelol.

Daniel 6:21

Itac'ov li Daniele: —¡Ajvalil, ich'bilucot ta muc'!

Daniel 6:6

Jech la stsob sbaic batel ta stojol li ajvalile, jech c'ot yalbeic: —Ajvalil, ich'bilucot o ta muc'.

Daniel 6:7

Scotol li boch'otic oy yabtelic avu'un ta scotol c'u smuc'ul aventainoje, ja' li banquilaletique, li jpasmantaletique, li banquilal soldadoetic, xchi'uc scotol li boch'otic tsots yabtelique, la xchapanic ti ac'o apuc tsots mantal ti mu me boch'o yan sc'opanique. Vo'ot no'ox ac'o sc'anbicot li c'usi tsc'anique. Jech ac'o comuc lajunebuc xcha'vinic (30) c'ac'al. Me oy boch'o tsc'opan c'usiuc no'ox diosal o me cristianoe ac'o yich' jipel ochel ta xch'en leonetic.

San Mateo 21:9

Li boch'otic ba'yucbe italique, xchi'uc li boch'otic ts'acalpat italique tsots i'avan scotolic. Jech laj yalic: —¡Ich'biluc ta muc' li smomnich'on Davide! ¡Toj jun yutsil li boch'o tacbil tal yu'un Cajvaltic Diose! ¡Ich'biluc ta muc' li Dios ta toyole! —xiic.

1 Samuel 10:24

Li Samuele jech laj yalbe scotolic: —¿Me laj avilic ti laj xa st'ujboxuc jun ajvalil avu'unic li Muc'ul Diose? Me junuc mu'yuc boch'o xco'laj xchi'uc li Saule —xut. —Toj lec li ajvalil cu'uncutique —xiic scotolic.