Daniel 2:11 - Bible in Tzotzil de Chenalhó with Deuterocanon

¹¹ Li c'usi chajaq'ue ajvalil, toj tsots; mu'yuc boch'o xu' chastac'bot. Ja' no'ox xu' chastac'bot li diosetic ti muc li'uc xchi'inoj ta naclej cristianoetique —xiic.

Bible in Tzotzil de Chamula

¹¹ Ti c'usi ta sc'an ta sjac' ti Jcuch abtele, toj vocol, yu'un mu'yuc bu ta tael mi junuc ti buch'u xu' ta xale. Xu' yu'unic ti diosetique, c'u stu un, ti stuquique ch'acal ta stojol ti jnaclejetique.”

Daniel 2:11 Iomraidhean Croise

Génesis 41:39

Li faraone jech laj yalbe li Josee: —Mu'yuc boch'o yan jech bij jech chac c'u cha'al li vo'ote, yu'un ja' Dios laj yac'bot ana' scotol li c'usi laj avale.

Génesis 41:8

C'alal isacub osil ta yoc'omale, toj ep chlo'ilaj yo'nton laj ya'ay. Jech laj yal mantal ti ac'o talicuc scotol li bijil viniquetique xchi'uc li jt'unuletic te ta Egiptoe. Li faraone la xchol li c'usi laj yil ta xvayeche, pero me junuc mu'yuc boch'o la sna' c'usi smelol.

1 Reyes 8:27

“Pero ¿me ta melel ti xu' chtal naclan li' ta banamil vo'ot li Diosote? Yu'un me mu xa'och o ta vinajel ti toj muq'ue, ¿c'u x'elan xu' xa'och o ta avunin ch'ulna ti la jpasbote?

2 Crónicas 6:18

“Pero ¿me ta melel ti xu' chtal naclan li' ta banamil vo'ot li Diosote? Yu'un me mu xa'och o ta vinajel ti toj muq'ue, ¿c'u x'elan xu' xa'och o ta avunin ch'ulna ti la jpasbote?

Salmos 132:14

Jech yaloj: “Li'i, ja' xcuxubil jol co'nton chcom o; ja' li' chinaqui o, yu'un jech la sc'an co'nton.

Salmos 68:18

Dios, lamuy batel ta toyol, laj achuc batel li boch'otic laj atsale, laj avich' li amoton yu'un cristianoetique; c'alal ta jtoybaetic, laj yac' sbaic ta atojol, Muc'ul Dios.

Éxodo 29:45

Te chajchi'inoxuc, vo'oxuc li israeloxuque. Vu'un Diosun avu'unic o chic'ot.

Éxodo 8:19

Li boch'otic xu' yu'un chac' ta ilel svu'elique, jech laj yalbeic li faraone: —Le'e ja' Dios jech la spas —xiic. Pero li faraone itsatsub yo'nton noxtoc, jech mu'yuc laj yich' o ta muc' jech chac c'u cha'al yaloj ono'ox Muc'ul Diose.

Isaías 47:12

Ja' apatoj o avo'nton yu'un li epal jmac-j'ilc'opetic avu'une xchi'uc li epal j'ac'chameletic avu'une, yu'un ta avololal ono'ox ja' toj lec laj ava'ay. Jq'ueltiquic me xu' chascoltaicot, jq'ueltiquic me xu tsibtasic batel li avocole.

Isaías 57:15

Yu'un li boch'o oy ta sc'ob scotole, ti stalel cuxul o sbatel osile, ti Ch'ul Dios, xi ch-albate, jech chal: “Vu'un te nacalun ta toyol, ta ch'ul vinajel, xchi'uc te oyun ta stojol noxtoc li boch'otic biq'uit chac' sbaique, xchi'uc li boch'otic abul sba cha'yique; te ta xcac'beic lec stsatsal yo'ntonic, ta jmuq'uibtasbe yo'ntonic.

Isaías 8:18

Li vu'un xchi'uc li jchi'iltac yac'ojbun jventain Muc'ul Diose, vu'uncutic svinajebuncutic ti oy c'usi tspas ta stojol Israel li Diose, ja' li Dios te nacal ta vits Sione.

Daniel 4:4

“Vu'un li Nabucodonosorune, toj jun no'ox co'nton li' oyun ta jpasubmantal; mu c'u xtal ta co'nton laj ca'ay.

Daniel 5:11

Li' ta banamil ti c'u smuc'ul aventainoje oy jun vinic ti yich'ojbe sbijil li ch'ul diosetique. C'alal ja'o ochem ta ajvalilal li anima amuc'ta moltote, oy c'usi lec la stabe; la stabe sbijil sjol yo'nton. Laj yil ti lec jamal sat jech chac c'u cha'al sbijil li diosetique. Ja' yu'un li Nabucodonosor, ja' li anima amuc'ta moltote, la stic' ta banquilal yu'un li bijil viniquetique xchi'uc li jt'unuletique xchi'uc li boch'otic sna'ic sq'uelel senyail ta vinajel c'usitic chc'ot ta pasele.

Números 35:34

“Jech tsc'an mu me xasoquesbeic sc'oplal li banamil bu chbat naclanique xchi'uc ti bu chinaqui eq'ue. Yu'un vu'un li Muc'ul Diosun avu'unique; te chajchi'inoxuc ta naclej vo'oxuc li israeloxuque”, xi li Muc'ul Diose.

San Mateo 19:26

Li Jesuse la sq'uelbe lec satic, jech laj yalbe: —Li cristianoetique mu xu' yu'un tscolta sba stuquic. Yan li Diose scotol xu' yu'un tspas —xut.

San Juan 1:14

Li C'ope la spas sba ta cristiano. La xchi'inuncutic ta naclej. Laj quilbecutic slequilal yutsilal, ja' slequilal yutsilal li jun no'ox Xnich'on Diose.

San Juan 14:17

Ja' li Ch'ul Espíritu ti ja' Melele. Li cristianoetique mu xu' ta xich'ic, yu'un mu xilic, xchi'uc mu xotquinic. Yan li vo'oxuque chavotquinic, yu'un te chnaqui ta atojolic; j'ech'el te ch-och o ta avo'ntonic.

San Juan 14:23

Itac'ov li Jesuse: —Li boch'o chisc'anune ta xch'unbun li jc'ope. Jech ta xc'anat yu'un li Jtote. Ta xtal jchi'incutic; te chinaquicutic o ta yo'nton.

2 Corintios 6:16

¿Me xu' jun xch'ulna xchi'uc Dios li loc'ometic ti cuybilic ta diose? Li vu'utique xch'ulna cuxul Dios c'otemutic, yu'un jech yaloj li Diose: “Te chinaqui o ta stojolic, te chixanov o jchi'uc. Vu'un Diosun yu'unic chic'ot; ja' jteclumal chc'otic o ec”, xi ono'ox.

Apocalipsis 21:3

Laj ca'ay oy boch'o tsots chc'opoj tal ta muc'ta chotlebal, jech laj yal: “Q'uelo avilic, li'i ja' xa snaic xchi'uc cristianoetic li Diose. Te ta xchi'in o ta naclej. Ja' xa steclumal chc'ot o, jech ec li stuquique ja' Dios yu'unic o.