Daniel 12:4 - Bible in Tzotzil de Chenalhó with Deuterocanon

⁴ ‘Li vo'ote, Daniel, mu to me xavac' ta a'yel li c'usitic laj ava'ye. Ac'bo lec selloal noxtoc li vune, ja' to me la sta yorail slajebal c'ac'ale. Toj ep li boch'otic xtal xbatic no'ox ta sventa tsa'ic c'u x'elan ch-epaj sbijilique’, xiyutun.

Bible in Tzotzil de Chamula

⁴ “Ja' no'ox un, ti vo'ote, Daniel, ts'ijlan no'ox me. Avo'ntonuc no'ox sna' ti va'i s'elan taje. Ja' jech xtoc, pac'bo lec xpix ti jpoc vune. Q'uejluc o, ja' to ti c'uxi ta xc'ot ti yorail albile. Yu'un ep ti xtal xbat ta jujujot ti jnaclejetic ta sa'ilanel ti c'uxi xu' ta sta lec ti sbijilique.”

Daniel 12:4 Iomraidhean Croise

Isaías 11:9

Ta scotol li ch'ul vits cu'une mu'yuc c'usi chopol ta jtatic te, yu'un chnoj ta yotquinel Muc'ul Dios sbejel li banamile, jech chac c'u cha'al nojem ta vo' li nabe.

Isaías 29:11

Li c'usi yac'oj ta na'el Diose ja' jech chc'ot ta atojolic jech chac c'u cha'al c'usi ts'ibabil ta balbil vun ti pac'bil leque. Ac'o me jech chavalbeic li boch'o lec sna' sq'uelel vune: “Q'uelo li'i”, me xavutique, jech chtac'ov: “Mu xu' cu'un, yu'un lec pac'bil”, xi.

Isaías 30:26

C'alal tsta yorail chlic xpoxtabe, chlic xpixbe syayijemalic steclumal li Muc'ul Diose, li ue chlic yac' xojobal jech chac c'u cha'al c'ac'al; li c'ac'ale vucub velta tsots chac' xojobal jech chac c'u cha'al xojobal ta vucbej c'ac'al.

Isaías 32:3

Lec viq'uil sat tsq'uelic li c'usi ch-ac'bat yilique; lec ch'anxi cha'ibeic sc'opic ec li boch'otic cha'yique.

Isaías 8:16

Chabio me lec ta avo'ntonic li chanubtasel chacalboxuque; naq'uic lec li bijubtasel chacac'boxuc, vo'oxuc li cajchanc'opoxuque.

Jeremías 5:1

“Xanic scotol xoraltic ta Jerusalén, batanic ta scotol cuxub o'ntonaletic ta yut lum; bat sa'ic, q'uelic lec me oy chataic junuc li boch'o tuc' c'usi tspase ti ja' tsa' c'usi melele, yu'un jech xu' ta jpasbe perdón li Jerusalene.

Daniel 10:1

“Ta yoxibal jabil yochel ta ajvalilal ta Persia li Ciroe, ja'o oy c'usi li'ac'bat quil ta jch'ulel, vu'un li Danielun ti Beltsasar yan jbie. Ja' melel li c'usi li'ac'bat quile. Toj tsots ta a'ibel smelol, pero laj ono'ox ca'ibe smelol li c'ope xchi'uc li c'usi laj quil ta jch'ulele.

Daniel 10:14

Jech lital, yu'un tal calbot ava'ay c'usi ta xc'ot ta pasel ta ts'acal ta stojol li achi'iltaque, yu'un li c'usi chavile ts'acal to ta xc'ot ta pasel’, xiyutun.

Daniel 10:21

Pero ta xcalbot ava'ay li c'usi ts'ibabil ta svunal c'usi melele: Me junuc mu'yuc boch'o chiscoltaun ti c'alal ta jtsal jbacutic jchi'uc li its'inal pucujetique. Ja' no'ox chiscoltaun li Miguele, ja' li banquilal yaj'almantal Dios chaxchabioxuque.

Daniel 11:33

Li jchanubtasvanejetic te ta lume ep boch'otic ta sbijubtasic, pero c'alal ch-ech' jayibuc c'ac'ale, ta xich'ic milel, ta xich'ic chiq'uel ta c'oc', ta xich'ic chuquel batel ta yan banamil, xchi'uc chich'ic pojbel c'usitic oy yu'unic.

Daniel 11:40

‘C'alal chc'ot yoraile, li ajvalil ta sure chlic stsac ta pleito li ajvalil ta nortee, pero li ajvalil ta nortee ta xbat yac' jech chac c'u cha'al tsatsal ic'al vo'; chbat xchi'uc epal caretaetic, epal soldadoetic cajajtic ta ca' xchi'uc epal barcoetic. Ta x'och batel ta yosilal; ta xc'ot sbut'iic, ta xjelovic batel.

Daniel 12:13

Li vo'ote, Daniel, chac'ot c'alal to ta slajeb avorail, jun avo'nton chacux. Ts'acal chatots sventa chavich' li amoton ta slajebal c'ac'ale’, xiyutun li Gabriele”, xi li Daniele.

Daniel 12:5

“Vu'un li Danielune laj quil yan chib viniquetic va'ajtic ta jujujot ti' uc'um.

Daniel 12:9

Jech laj yalbun: ‘Daniel, ac'o persa batel, yu'un li c'usitic laj yich' alele mucul to, ja' to me la sta li slajebale.

Daniel 8:17

“Jech te ital ti bu va'alune. C'alal inopaj tale, lixi'. La jpatan jba ta banamil ta stojol. Jech laj yalbun: ‘Xnich'on cristiano, a'yo lec ava'ay, li c'usi laj avile ja' sc'oplal slajebal c'ac'al’, xiyutun.

Daniel 8:19

jech laj yalbun: ‘A'yo ava'ay, ta xcalbot c'usi ta xc'ot ta pasel c'alal me ilaj sc'ac'al yo'nton li Diose, yu'un li c'usi laj avile ja' sc'oplal slajebal c'ac'al.

Daniel 8:26

‘Li cha'mil xchi'uc oxib ciento c'ac'al (2,300) laj avile, melel ja' jech chc'ot ta pasel. Te no'ox chabio ta avo'nton, yu'un ep to c'ac'al sc'an xc'ot ta pasel’, xiyutun.

San Mateo 24:14

Persa ba'yuc ta xich' cholel ta sbejel banamil li Lequil A'yej ta jventae; ja' to ta xtal li slajebal c'ac'ale”, xi li Jesuse.

Romanos 10:18

Jech ta jac' li vu'une: ¿Me yu'un mu'yuc ya'yojbeic sc'op li Cristoe? Ya'yojic xa. Yu'un jech ono'ox ts'ibabil ta sc'op Dios: “Li sc'opique puquem batel ta sbejel banamil; c'otem c'alal to ta sti'iltac banamil li c'usi chalique”, xi ts'ibabil.

Apocalipsis 10:4

C'alal ic'opojique, ta ox jts'iba ta vun li c'usitic laj yalique. Pero laj ca'ay oy boch'o ic'opoj ta vinajel jech laj yalbun: “Mu me xaval c'usi laj yalic li vucub chauque. Mu me xats'iba ta vun”, xiyutun.

Apocalipsis 22:10

Jech laj yalbun noxtoc: “Mu me xanac' li c'usitic li' ts'ibabil ta vune, yu'un po'ot xa chc'ot ta pasel.

Apocalipsis 5:1

Li boch'o te chotol ta muc'ta chotlebale laj quil te stsacoj ta sbats'ic'ob jlic balbil vun ts'ibabil ta spat xchi'uc ta yut. Ac'bil lec vucub spac'.