Daniel 12:3 - Bible in Tzotzil de Chenalhó with Deuterocanon

³ Li boch'otic bijique sacmesanic no'ox jech chac c'u cha'al vinajel; li boch'otic la xchanubtasic, la sbijubtasic ep cristianoetique sbatel osil ja' jechic o jech chac c'u cha'al c'analetic.

Bible in Tzotzil de Chamula

³ Ti bijil viniquetic ti ep cuch yu'unic ta stojobtasel batel ta lequil be ti yane, xlaplun no'ox yutsilic ta q'uelel jech c'u cha'al ti yaxts'ijan vinajele. Sbatel osil xojobinic no'ox jech c'u cha'al ti c'analetique.

Daniel 12:3 Iomraidhean Croise

Éxodo 34:35

C'alal chilic israeletic ti oy xojobal o sat li Moisese, chlic smac ta poc' yan velta li sate. Ja' to tsloq'ues ti c'alal chbat sc'opan sbaic xchi'uc Muc'ul Dios yan veltae.

Proverbios 11:30

Li yabtel boch'o tuc' yo'ntone ja' chac' cuxlejal; li boch'o ch-ic'van ta lequil bee ja' bij.

Proverbios 3:35

Li boch'otic bijique ta staic lec ich'el ta muc'; yan li boch'otic bolique ta x'ac'atic ta q'uexlal.

Proverbios 4:18

Yan li sbe boch'otic tuc' yo'ntonique lec sac jaman jech chac c'u cha'al chvoc' tal yibel vinajel ta jujun sobe, jech ta c'unc'un tsacub batel ja' to c'alal sac xa o lec li osile.

Eclesiastés 12:9

C'alal yantic no'ox ibijub batel li jcholc'ope, ep bijubtasel laj yalbe li xchi'iltaque. Solel la suj sba ta xchanel, laj yac' persa snopel scotol, jech la xchapan ep lequil bic'tal chanubtaseletic.

Isaías 53:11

Ta to xlic yil c'u yepal tsatin li vocol la sts'ique; toj xcuxet no'ox yo'nton ti c'alal chile. Ta sventa li tuq'uil Yajtunel Diose ep boch'otic mu'yuc smul chc'otic, yu'un la xcuchbe scotol li xchopolilique.

Jeremías 23:22

Ti sna'icuc c'usi oy ta co'ntone, ja' laj yalbeic ya'ay jteclumal ti jechuque. Laj xa yiq'uic sutel tal ta chopol be, laj xa yac'beic scomtsan c'usi chopol tspasic ti jechuque.

Daniel 11:33

Li jchanubtasvanejetic te ta lume ep boch'otic ta sbijubtasic, pero c'alal ch-ech' jayibuc c'ac'ale, ta xich'ic milel, ta xich'ic chiq'uel ta c'oc', ta xich'ic chuquel batel ta yan banamil, xchi'uc chich'ic pojbel c'usitic oy yu'unic.

Daniel 11:35

Ja' no'ox jech ec li jchanubtasvanejetique oy jayibuc ta xich'ic uts'intael ec, pero ja' sventa slecubtaselic, stuq'uibtaselic, ja' to me its'aqui li yorail c'usi ora albil yu'un Diose.

Daniel 12:10

Ep boch'otic lecubenic, sacubenic, jun yutsilic chcomic. Li boch'otic chopol yo'ntonique ja' tspasic o batel li xchopolilique. Li boch'otic chopolique me junuc mu xa'ibeic o smelol li c'usi chc'ot ta pasele. Yan li boch'otic bijique cha'ibeic smelol.

San Mateo 13:43

Yan li boch'otic tuc' yo'ntonique xojobanic no'ox jech chac c'u cha'al c'ac'al te yo' bu chventainvan li Diose yu'un ja' xa Stotic. Li boch'o oy xchiquine, ac'o snopbe smelol —xi li Jesuse.

San Mateo 19:28

Itac'ov li Jesuse: —Melel chacalboxuc, c'alal chlic ach'ubuc scotole, c'alal chlic choticun ta jchotleb sventa chi'ich'at ta muc' vu'un ti Xnich'on cristiano lic'ote, chachotiic ta lajchab (12) muc'tic chotlebal ec vo'oxuc ti laj ats'aclinicune. Vo'oxuc chlic achapanic li lajcha'chop israeletique.

San Mateo 24:45

“¿Me ja' jechoxuc jech chac c'u cha'al jun j'abtel ti jun yo'nton ta x'abtej ta stojol yajvale, ti lec bije, ti ja' ta x'ac'bat yabtel yu'un ta smac'lin xchi'iltac ta abtel ti c'alal yorail ta xve'ique?

San Juan 4:36

Li boch'o ta xtuch' trigoe ta xich' stojol, yu'un ta stsobbe sat sventa ta xcuxi sbatel osil, jech co'ol xcuxet yo'nton xchi'uc li boch'o la sts'une.

San Juan 5:35

Li Juane ja' toj ic'ot avu'unic, jech lec sacjaman laj avilic yu'un. Pero jliquel no'ox lec laj ava'yic li c'usi laj yalboxuque; jliquel no'ox xcuxet avo'ntonic yu'un.

Hechos 13:1

Li jtsob jch'unolajeletic ta Antioquiae oy j'alc'opetic xchi'uc jchanubtasvanejetic yu'unic. Ja' Bernabé, xchi'uc Simón ti Negro xchibal sbie, xchi'uc Lucio voq'uem ta Cirene, xchi'uc Manaen ti co'ol ts'itesbil ich'iic xchi'uc li ajvalil Herodese, xchi'uc li Sauloe.

1 Corintios 3:10

Li vu'une ta sventa slequil yo'nton Dios ti ja' jech c'otemun jech chac c'u cha'al banquilal alvanil ti ja' chac'be tal snacleb li nae, ti yan xa o boch'o tsva'an muyele. Pero jujununcutic tsc'an ta jq'uelcutic c'u x'elan lec chbat sva'anel cu'uncutic li nae.

Efesios 4:11

Ja' laj yac'be yabtel jujun li xnich'nabe. Oy laj yac'be yabtel sventa chc'ot ta yajtacbolal, oy la stic' ta j'alc'opetic, oy laj yac'be yabtel sventa tspuquic batel sc'op Dios, oy la stic' ta jchabivanejetic, xchi'uc ta jchanubtasvanejetic.

Hebreos 5:12

Vo'one xa laj ach'unic, jchanubtasvanejoxuc xa ti jechuque. Pero tana tsc'an chavich'ic chanubtasel ta sliqueb yan velta c'usi lec chal li sc'op Diose. Yu'un lac'otic jech chac c'u cha'al olol ti chu'il to tsc'ane, yu'un mu to xu' avu'unic li tsatsal ve'lile.

2 Pedro 3:15

Na'ic me ti ep smuc'ul yo'nton li Cajvaltique, yu'un tsc'an chijcolutic. Ja' no'ox jech la sts'ibaboxuc ta vun ec li quermanotic Pablo ti lec jc'anojtique, yu'un jech i'ac'bat sbijil yu'un li Diose.

Apocalipsis 1:20

Li vucub c'anal jtsacoj ta jbats'ic'ob laj avile xchi'uc li vucub candelero pasbil ta c'anal taq'uine, ja' jech smelol chac li'i: Li vucub c'anale ja' li j'almantal ta jujutsob jch'unolajeletic ta vucub lume. Li vucub candeleroe ja' li vuctsob jch'unolajeletique”, xiyutun li Cajvaltique.

Jueces 5:31

“Ja' jech chavules scotol avajcontra, vo'ot li Muc'ul Diosote. Pero li boch'o chasc'anote ac'o yac' xojobal jech chac c'u cha'al lec xojoban li c'ac'ale”, xi li sq'ueojique. C'alal i'ech' scotol le'e, cha'vinic (40) jabil ipaj pleito te ta yosilalic.