Daniel 12:1 - Bible in Tzotzil de Chenalhó with Deuterocanon

¹ ‘C'alal ja'o jech chc'ot ta pasele, ja'o chlic li banquilal j'almantal Miguele, ja' li boch'o tscolta achi'iltaque. ‘Ja' yorail chlic tsots vocol c'uuc sjalil. Li vocol chtale mu'yuc ono'ox bu jech c'otem ta pasel c'alal lic ayinuc li cristianoetique. Ja'o yorail chlic colicuc li achi'iltaque, ja' li boch'otic tsacajtic ta vun sbiique.

Bible in Tzotzil de Chamula

¹ “Ti jech c'ac'al taje, ja' o ta xvul ta loq'uel ti Miguel ti ja' banquilal jpojvanej ánjel ti ta stic' sba ta spojel ti ateclumale. ‘Yu'un ti jech taje, ja' o ta xvul ta loq'uel ti mu no'ox ts'icbajuc ti vocole. Yu'un ti c'alal lic ayanuc talel ti muc'tiquil jteclume, mu'yuc xilic o ti jech xc'ot ta pasele. C'alal mi c'ot sc'ac'alil ti ta xvul ta loq'uel ti va'i s'elan taje, scotol ti ateclumal ti ts'ibabil sbiic ta jpoc vune, ta xcolic.

Daniel 12:1 Iomraidhean Croise

Salmos 56:8

Li vo'ote avatoj xa ti jayib velta jatovenune. Tsobo me ti c'u xa yepal iloc' ya'lel jsate; yu'un te xa ats'ibaoj ta vun scotol.

Salmos 69:28

Tu'pbo o sbiic ta svunal li cuxlejal sventa sbatel osile; mu me co'oluc tsacal sbiic xchi'uc li boch'o tuc' yo'ntonique.

Isaías 4:3

Li boch'otic cuxajtic chcom te ta Sione, li boch'otic t'ujbil chcomic yu'un Dios te ta Jerusalene, “ch'ul cristianoetic”, xi chlic albatuc sc'oplalic.

Isaías 9:7

Li yabtel ta muc'ta ajvalilale, xchi'uc ti chac' jun o'ntonale mu'yuc spajeb o. Ja' chlic chotluc ta xchotleb li ajvalil Davide; ja' chlic sventain scotol. J'ech'el lec nacal chcom o, tsmeltsan lec scotol; chchapan lec, tstuq'uibtas lec, jech tspas li' ta ora xchi'uc c'alal to ta sbatel osil. Ja' jech tspas ta sventa ti bats'i lec yo'nton li Muc'ul Dios ti tspas ta mantal scotol te ta vinajele.

Jeremías 30:10

“Jech chcal vu'un li Muc'ul Diosune: Smomnich'nab cajtunel Jacob, mu xavat avo'ntonic; smomnich'nab Israel, mu xaxi'ic. Yu'un vu'un ta jcoltaoxuc loq'uel tal achi'uc amomnich'nabic te ta namal banamil ti bu chucbiloxuc batele. Ta to xtal acux avo'ntonic li'i; jun avo'ntonic li' chanaquiic, mu'yuc boch'o xu' chtal sibtasoxuc.

Jeremías 30:7

¡Ay! toj muc' vocol chtal li jun c'ac'al le'e; mu'yuc bu yan jech xco'laj xchi'uc. Ja' yorail muc'ta at-o'nton chtal ta stojol li Jacobe, pero ta to sta yorail ta xcol loq'uel.

Ezequiel 13:9

Ta xcac' jc'ob ta atojolic vo'oxuc ti oy c'usi laj avil acuyoj abaique, xchi'uc ti chavalic puru epalc'ope. Muc teuc chcom achi'inic bu tstsob sbaic li jteclumale; muc teuc tsacal chcom abiic ta svunal sbi li smomnich'nabtac Israele. Jech noxtoc, mu'yuc xa bu chasutic tal yan velta ta yosilal li Israele, yu'un jech ac'o ana'ic ti vu'un Muc'ul Diosune, xi li Diose’, uto”, xiyutun.

Ezequiel 34:24

Vu'un li Muc'ul Diosune, vu'un Diosun yu'unic chic'ot. Li smomnich'on cajtunel Davide ja' banquilal chc'ot yu'unic. Vu'un chcal jtuc, vu'un li Muc'ul Diosune.

Ezequiel 5:9

Ja' ta jpas ta atojol li c'usi mu'yuc ono'ox bu jech jpasoje, xchi'uc ti mu'yuc xa bu jech ta jpas o yan veltae. Ja' ta scoj ti bats'i chopol c'usi laj apasique.

Daniel 10:13

Li its'inal pucuj ti ja' banquilal te ta Persiae tsots la scontrainun jun xcha'vinic (21) c'ac'al. Pero li Miguel, ja' li banquilal yaj'almantal Diose, ja' tal scoltaun, yu'un jtuc te oyun ta stojol li its'inal pucuj ta Persiae.

Daniel 10:21

Pero ta xcalbot ava'ay li c'usi ts'ibabil ta svunal c'usi melele: Me junuc mu'yuc boch'o chiscoltaun ti c'alal ta jtsal jbacutic jchi'uc li its'inal pucujetique. Ja' no'ox chiscoltaun li Miguele, ja' li banquilal yaj'almantal Dios chaxchabioxuque.

Daniel 11:45

Ta sva'an naetic te ta o'lol yu'unic li nab xchi'uc li ch'ul vits te ta lequil banamile. Pero te no'ox tsta yorail ta xcham; mu'yuc boch'o chtal coltaatuc yu'un.

Daniel 7:10

Te iloc' tal ta stojol jun uc'um, xco'laj xchi'uc c'oc'. Ta mil (1,000) no'ox li boch'otic chtunic ta stojole; ta millón (1,000,000) no'ox li boch'otic te va'alic ta stojole. Li Jchapanvaneje ichoti ta xchotleb; laj yich' jamel li vunetique.

Daniel 9:12

Laj avac' c'otuc ta pasel li c'usi laj ono'ox aval ta jventacutic, xchi'uc ta sventa li ajvaliletic cu'uncutique, jech ital ta jtojolcutic li muc'ta vocolajele. Mu'yuc ono'ox bu jech c'otem ta pasel li' ta banamil jech chac c'u cha'al ic'ot ta pasel ta stojol li Jerusalene.

Joel 2:2

Ja' sc'ac'alil ic' osil, ja' yorail ac'ubaltic; ja' sc'ac'alil chtal but'ulaltic, ja' yorail chtal yaxinaltic. Jech chac c'u cha'al chtal saquil osil ta vitsetic c'alal tsacub tale, ja' jech ta xtal ven epal c'ulubetic ti toj tsots xu' yu'unique. Mu'yuc ono'ox bu jech c'otem ta pasel, xchi'uc mu'yuc jech chc'ot ta pasel ta ts'acal ti jayc'ol alab nich'nabetic chtalic toe.

Malaquías 3:16

Ja' yu'un li boch'o yich'ojic ta muc' li Muc'ul Diose, lic yalbe sbaic ta jujuntal ti yich'ojic ta muq'ue. Li Diose laj ya'ay. Jech laj yich' ts'ibael ta vun te ta stojol, yu'un jech mu xch'ay ta o'ntonal li boch'o jun yo'ntonic ta stojole ti ja' no'ox yich'ojic o ta muq'ue.

San Mateo 24:21

Ta ono'ox xtal li tsots vocole. Mu'yuc ono'ox jech c'alal ilic li banamile xchi'uc c'alal to tana. Mu'yuc ta xc'ot ta pasel jech yan velta noxtoc.

Marcos 13:19

yu'un toj tsots li vocol ta xtale. Mu'yuc ono'ox baq'uin jech xc'ot ta pasel c'alal lic spas c'usitic oy li Diose xchi'uc c'alal to tana. Mu'yuc ta xc'ot ta pasel jech yan velta noxtoc.

San Lucas 10:20

Pero mu me ja'uc xcuxet avo'ntonic ti ch'unbil amantalic yu'un li pucujetique. Ja' cuxetuc avo'ntonic ti te xa ts'ibabil abiic ta vinajele —xi li Jesuse.

Romanos 11:15

Li comtsanel laj yich'ic israeletique ja' itun ta sventa ico'laj yo'ntonic xchi'uc Dios li cristianoetic ta sbejel banamile. Pero c'alal me laj yich'ic iq'uel yan veltae, toj ech'em lec c'usi chc'ot ta pasel, yu'un chcha'cuxiic li boch'otic chamenique.

Romanos 11:26

ja'o yorail chcol ec li israeletic jech chac c'u cha'al ts'ibabil ta sc'op Diose: “Li Jpojvaneje te chlic tal ta Sión. Ja' tsloq'uesbe sbolil yo'nton li Jacobe.

Efesios 1:21

Ja' banquilal ic'ot yu'un scotol li banquilaletic ta toyole, ti tsots svu'elique, ti tspasic mantale, xchi'uc ti toj muc'tic xa sbiic ta a'yele. Ma'uc no'ox banquilal comen li' ta orae, ja' banquilal o c'alal to ta sbatel osil.

Filipenses 4:3

Ta jc'anbot vocol ec quermano, vo'ot li jchi'il jbatique ti co'ol jun co'ntontic chijtun yu'un Cajvaltique, avocoluc coltao me li antsetique, yu'un ja' co'ol la jts'iccutic vocol ta xcholel li Lequil A'yeje. Xchi'uc coltao me li Clementee xchi'uc li yantic jchi'iltac ta abtele. Le'e te xa ts'ibabil sbiic ta vun sventa cuxlejal sbatel osil.

Judas 1:9

Mu ja'uc jech la spas li banquilal j'almantal Miguel c'alal la stsac sbaic ta c'op xchi'uc pucuj ta sventa boch'o chu'uninbe sbec'tal li Moisese. Li Miguele mu'yuc c'usi chopol laj yal; ja' no'ox jech laj yalbe: “Ac'o xchapanot stuc li Cajvaltique”, xut.

Apocalipsis 1:5

xchi'uc ta sventa li Jesucristoe, ja' li tuq'uil testigoe, ja' ti ba'yuc icha'cuxi loq'uel ta smuquinale, ja' li banquilal yu'un scotol ajvaliletic li' ta banamile, ti ep c'uxutic ta yo'ntone, ti la smanutic ta xch'ich'al ta sventa jmultique.

Apocalipsis 12:7

Ts'acal laj quil muc'ta pleito ta vinajel. Li banquilal j'almantal Miguele xchi'uc li j'almantaletic yu'une la spasic pleito xchi'uquic li dragone. Li dragone tsots la spasic xchi'uc li j'almantaletic yu'une.

Apocalipsis 13:8

Jech scotol cristianoetic ta banamil laj yich'ic ta muc' li jti'vanej bolome, ja' li boch'otic mu'yuc ono'ox ts'ibabil sbiic ta vun ta sliquebal banamil sventa chcuxiic sbatel osile, ja' li vun yu'un li Ch'ium Chij ti laj yich' milele.

Apocalipsis 17:14

Jech chlic spasic pleito xchi'uquic li Ch'ium Chije. Pero li Ch'ium Chije ja' tspas canal. Yu'un li stuque ja' Jpasmantal yu'un scotol jpasmantaletic, ja' muc'ta Ajvalil yu'un scotol muc'tic ajvaliletic. Co'ol tspasic canal xchi'uc li boch'otic te xchi'uc ti ic'bilic, ti t'ujbilic yu'un Diose, ti jun yo'ntonic o ta stojole”, xiyutun li j'almantale.

Apocalipsis 20:12

Laj quil te va'ajtic ta stuq'uil xchotleb Dios scotol li boch'otic chamenique. Te oyic c'alal ta muc', ta biq'uit. Jech laj yich' jamel li vunetique. Te laj yich' jamel yan vun noxtoc, ja' li vun sventa cuxlejale. Li boch'otic chamenique lic yich'ic chapanel jech chac c'u cha'al spasojic ti te ts'ibabil ta vunetique.

Apocalipsis 20:15

Li boch'otic muc xtabat sbiic ta vun sventa cuxlejale, ijipatic ochel ta muc' ta c'oc'.

Apocalipsis 3:5

Li boch'o tstsal yu'un scotole ja' jech sac sc'u' tslapic, xchi'uc mu'yuc ta jtu'pbe ta vun sbiic sventa cuxlejal sbatel osil, xchi'uc jamal chcalbe sbiic ta stojol li Jtote xchi'uc ta stojol li yaj'almantaltaque.

Apocalipsis 7:14

Jech la jtac'be: “Cajval, mu jna'. Vo'ot xana'”, xcut. Jech laj yalbun: “Le'e ja' li boch'otic imilatic ta scoj ti tsots liquem vocol ta banamile. Xchuc'oj xa lec sc'u'ic, yac'oj xa sbaic ta sacubtasel ta xch'ich'al li Ch'ium Chije.