Daniel 11:4 - Bible in Tzotzil de Chenalhó with Deuterocanon

⁴ C'alal sventainoj xa'ox leque, ta xlic yich' soquesbel ti c'u smuc'ul sventainoje. Ta xich' voq'uel ta chanvoc'. Pero ma'uc sventa chich' smomnich'nabtac, xchi'uc mu xa jechuc smuc'ul tsventain jech chac c'u cha'al sventainoj ono'oxe. Yu'un li yabtele j'ech'el chich' pojbel o; yantic xa boch'o ta x'och sventainan.

Bible in Tzotzil de Chamula

⁴ Manchuc mi jech un, c'alal cuchem xa ox lec yu'une, ta xlic lilijuc ti jech spasoj xa ox canal ta yu'ninel scotole. Yu'un ta xich' pasel ta chanch'ac ti c'u sjamlej smacoje. Ti jech jelavem xa ox xu' yu'un ti ajvalil taje, mi ja'uc junuc ti jech ta xloc' ti snitilultaque. Mi ja'uc xa ta xvol yu'un jech c'u cha'al ti buch'u ech' ta ba'yel ti jelavem xu' yu'une, ja' ti ta xc'ot ta pasel ti ta spas ta chanch'aque, ti yan o xa ajvaliletic ta x'och ta xq'uexole.

Daniel 11:4 Iomraidhean Croise

Salmos 39:6

Scotol cristianoetic jelovel no'ox chjelovic jech chac c'u cha'al yaxinaltic. Altic chbat yo'ntonic ta stsobel sc'ulejalic; mu sna'ic boch'o chich' comel.

Eclesiastés 4:8

oy jun vinic stuc no'ox, mu'yuc xchi'iltac, mu'yuc xnich'nab, mu'yuc yuts' yalaltac, pero me jutuc mu xcux ta abtel; mu x'ech' yo'nton o ta sc'upinel, ta stsobel li sc'ulejale. Me jutuc mu'yuc to bu jech tsnop: “¿Boch'o chich' comel li epal abtel ta jpase? ¿Me mu jeche'uc no'ox chcac' jvocol?”, mu'yuc bu xi. Scotol le'e mu'yuc stu o; altic chac' svocol.

Jeremías 12:15

C'alal loq'uemic xa'ox batel cu'une, ta to xlic c'uxubajicuc ta co'nton, yu'un ta xcac' suticuc batel ta yosil sbanamil ti bu slumal jujunique.

Jeremías 12:17

Yan me mu sc'an xch'unique, ta xlic jloq'uesic batel; solel ta jbulic o loq'uel c'alal ta yibelic, ta xculesic o ta j'ech'el”, xi li Muc'ul Diose.

Jeremías 18:7

Ta jliquel no'ox xu' ta jbul loq'uel, ta jip loq'uel, o me ta xcules li jun muc'ta lum xchi'uc li ajvalil te tspas mantale.

Jeremías 31:40

Scotol li stenlejaltic bu muquinaltic xchi'uc bu xch'ayubil tane, xchi'uc scotol li soplejaltic c'alal to ta bevo'tic Cedrone, xchi'uc c'alal to ta chiquin ti'coralton bu yocheb ca'etic te ta stuq'uil sloq'ueb c'ac'ale, ts'u'iltasbil ta xcom o cu'un. Ta scotol le'e mu'yuc bu chich' jinesel o; mu'yuc bu chich' soquesel o yan velta”, xi li Muc'ul Diose.

Jeremías 45:4

Ja' yu'un chacalbot c'usi laj yalbun li Muc'ul Diose, jech laj yal: ‘A'yo ava'ay ta jines scotol li c'usi vu'un la jva'ane, ta jbul loq'uel li c'usi jts'unoje, ja' jech ta jpas ta scotol li banamil li'i.

Jeremías 49:36

Ta jtacbe tal ta stojol li muc'ta iq'uetic ta xchanjotal xchiquin vinajel, yu'un jech ac'o spuc sbaic batel ta buyuc no'ox; mu'yuc xa bu junuc lum ti mu'yuc boch'o chc'ot snac' sba tee.

Ezequiel 37:9

Jech laj yalbun li Muc'ul Diose: “C'opano li iq'uetique, jech xavalbe: ‘Iq'uetic, jech chal li Muc'ul Diose: Totsanic tal ta xchanjotal xchiquin banamil; la' juch'taic li animaetic li'i, yu'un jech ac'o cuxiicuc, xi li Diose’, uto”, xiyutun.

Daniel 7:2

“Vu'un li Danielune, oy c'usi laj quil ta jvayech ta ac'ubaltic. Laj quil chanib ic' ital ta vinajel; la syuq'uilan li muc'ta nabe.

Daniel 7:6

“Li yoxcotal laj quile xco'laj xchi'uc bolom. Oy chanib xic' ta spat, xchi'uc chanib sjol; laj quil i'ac'bat spas mantal.

Daniel 7:8

“C'alal te jq'uelojbe li xulube, laj quil iloc' yan biq'uit xulub ta o'lol li yantic xulube. Li yantic ba'yuc xulub ta sts'el ti bu iloc' tal li biq'uite laj yich' c'oquel loq'uel oxib. Li xulub ts'acal iloq'ue oy sat jech chac c'u cha'al sat cristiano, xchi'uc oy ye toj ven tsotsic c'usi chal.

Daniel 8:22

Li xulub ti ic'oc loq'uel laj avile, xchi'uc ti te ich'i tal yan chanib xulub ta yave, ja' smelol ti ta to xlic chanib ajvaliletic ta banamile, pero mu sta jech stsatsal jech chac c'u cha'al li ba'yuc ajvalile.

Daniel 8:8

“Li tot tentsune yantic to laj yich' lec stsatsal ta jyalel. C'alal yich'oj lec stsatsale, ic'as loq'uel li smuc'ta xulube, pero te no'ox ich'i tal yan chanib xulub noxtoc. Li chanib xulube sq'uelanoj batel ta xchanjotal xocon vinajel.

Zacarías 2:6

Jech chal li Muc'ul Diose: “Vo'oxuc ti la jpucoxuc batel ta xchanjotal xchiquin banamile, jatovanic loq'uel te ta norte.

Zacarías 6:5

Jech la stac'bun: “Le'e ja' senyail li ic' ta xchanjotal xchiquin vinajel ti te chloc' tal ta stojol li Yajval sbejel banamile.

San Mateo 12:25

Li Jesuse la sna' li c'usi la snopique, jech laj yalbe: “Me ta svoq'uilan sbaic yajvaltac jun banamile, ta soquic o. Me ta scontrain sbaic yajvaltac jun lume, xchi'uc me ta scontrain sbaic yajvaltac jun nae, ta soquic noxtoc.

San Lucas 12:20

Pero jech i'albat yu'un li Diose: ‘¡Bol vinic! Ta ac'ubaltic no'ox tana chtal jloq'uesbot li ach'ulele. Li c'usitic oy avu'une ¿boch'o chavac'be comel?’, x'utat.

Apocalipsis 7:1

Ts'acal laj quil chanib j'almantaletic te va'ajtic ta xchanjotal xchiquin banamil. Ja' spajesojic li ic' ta xchanjotal xchiquin banamile, yu'un jech mu me xtal ic' li' ta banamil, xchi'uc ta nab, xchi'uc jech mu me xnic ta ic' jbejuc te'.