Daniel 10:6 - Bible in Tzotzil de Chenalhó with Deuterocanon

⁶ Li sbec'tale sts'ayayet jech chac c'u cha'al topacio ton. Li sate xojoban jech chac c'u cha'al sacsevul. Li sbec' sate xpulpun jech chac c'u cha'al toj. Li yoc' sc'obe sts'ayayet jech chac c'u cha'al bronce ti lecubtasbil xa ta c'oq'ue. Li sc'opojele ja' jech chac c'u cha'al yech'al ye epal cristiano.

Bible in Tzotzil de Chamula

⁶ Co'ol s'elan xojobal c'anal ton ti xlaplun no'ox sjunul yilele. Yan ti sat yelove, co'ol s'elan jech c'u cha'al xjapluj ti sac tsel ta q'uelele. Ja'uc ti sbec' sataque, co'ol s'elan tiletel toj yilel. Jech ti sc'obtaque, ti yacantaque, co'ol s'elan c'anal taq'uin ta xac' ti xojobale. Jech ti sc'opojele, co'ol s'elan ti ep buch'u xvochet ta j'ech'ele.

Daniel 10:6 Iomraidhean Croise

Éxodo 28:20

Ta xchancholale ac'o jbej topacio, jbej ónice, xchi'uc jbej jaspe. Li tonetique ac'bo yunin naclebtac pasbil ta c'anal taq'uin.

Cantares 5:14

Li sc'obe ja' jech chac c'u cha'al xoj ste'el c'obil pasbil ta c'anal taq'uin; li sbec'tale ja' jech chac c'u cha'al saquil sts'uts'up tsemen ti yich'oj zafiro tonetique.

Ezequiel 1:14

Li chanib c'usi cuxajtic yilele yalel muyelic no'ox; ja' jech chanovic jech chac c'u cha'al sacsevul.

Ezequiel 1:16

Li chanib yacan careta yilele co'ol x'elan pasbilic, sts'ayayet jech chac c'u cha'al crisólito ton. Te ta yut li jujune xco'laj xchi'uc oy yan bic'tal yacan careta yilel noxtoc.

Ezequiel 1:24

Ti c'alal chanovique, laj ca'ay chbac' li xiq'uique. Ja' jech chbac' jech chac c'u cha'al nojelal uc'um, jech chac c'u cha'al sc'op li Boch'o ech'em svu'ele, jech chac c'u cha'al xvochet epal cristianoetic, xchi'uc jech chac c'u cha'al epal soldadoetic. C'alal chpajic ta xanubale, tsyales li xiq'uique.

Ezequiel 1:7

Li yacanique tuc' telajtic. Li xpoch'omal yacanique cha'xol jech chac c'u cha'al yacan bic'tal vacax. Xlebte-lebteic ta q'uelel jech chac c'u cha'al bronce ti lec juxbile.

Ezequiel 10:9

C'alal la jq'uel batele, te laj quil chanib yacan careta, jun ta jujun li querubinetique. Li yacan caretae xco'laj xchi'uc crisólito ton yilel.

Ezequiel 40:3

Ja' te laj yic'un batel li Diose, jech te laj quil jun vinic va'al ta ti'na xco'laj xchi'uc bronce taq'uin; stsacoj jlic xch'ojon pasbil ta lino no, xchi'uc jch'ix aj sventa oy c'usi tsbis o.

Ezequiel 8:2

Jech ta ora no'ox oy c'usi laj quil xco'laj xchi'uc vinic yilel. Xlic ta xchucbenal xch'ut, xyal batel ta yacane xco'laj xchi'uc c'oc'. Xlic ta xchucbenal xch'ut, xmuy batel ta sjole; xco'laj xchi'uc bronce lec sts'ayayet.

San Mateo 17:2

Li Jesuse te lic c'atajuc ta stojolic. I'ayin xojobal sat jech chac c'u cha'al xojobal c'ac'al. Solel isacub li sc'u'e jech chac c'u cha'al luz.

San Mateo 28:3

Li j'almantale oy xojobal, xco'laj xchi'uc sacsevul. Li sc'u'e bats'i sac ta jyalel jech chac c'u cha'al tayo.

San Lucas 9:29

C'alal ja'o tsc'opan Dios li Jesuse, ic'ataj sat. Isacub li sc'u'e, i'ayin xojobal.

Apocalipsis 10:1

Laj quil iyal tal ta banamil yan j'almantal ech'em stsatsal. Pixil ta toc iyal tal, xchi'uc oy vacnabal ta sjol. Li sate oy xojobal jech chac c'u cha'al xojobal c'ac'al. Li yacane ja' jech chac c'u cha'al natiquil yat c'oc'.

Apocalipsis 19:12

Li jujubej sate xpulpun no'ox jech chac c'u cha'al c'oc'. Oy ep scoronail sjol. Xchi'uc ts'ibabil sbi, pero mu'yuc boch'o sna' c'usi chal. Ja' no'ox sna' stuc.

Apocalipsis 2:18

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Tiatirae: ‘Li Xnich'on Dios ti xpulpun no'ox jujubej sat jech chac c'u cha'al yat c'oq'ue, xchi'uc ti sts'ayayet yacan jech chac c'u cha'al bronce taq'uin c'alal me ch'ulbil xa leque, jech chayalboxuc:

Apocalipsis 21:20

Li yo'cojale pasbil ta ónice ton. Li svaccojale pasbil ta cornalina ton. Li svuccojale pasbil ta crisólito ton. Li xvaxaccojale pasbil ta berilo ton. Li sbaluncojale pasbil ta topacio ton. Li slajuncojale pasbil ta crisoprasa ton. Li xbuluchcojale pasbil ta jacinto ton. Li xlajcha'cojale pasbil ta amatista ton.