Daniel 10:12 - Bible in Tzotzil de Chenalhó with Deuterocanon

¹² Jech laj yalbun: ‘Daniel, mu xaxi', yu'un ta sba no'ox c'ac'al c'alal solel jech avo'nton chac'an chava'ibe smelol li c'usi laj avile, xchi'uc c'alal lic abic'tajes aba ta stojol li Dios avu'une, laj ya'ibot li ac'ope. Ja' yu'un ja' ta sventa ac'op ti litale.

Bible in Tzotzil de Chamula

¹² Ja' yu'un un, xi laj yalbune: “Mu xaxi', Daniel, yu'un ti c'alal laj anijan aba lec ta snopbel smelol ti c'usi toj vocol ti laj avil ta sliqueb c'ac'ale, ti loc' ayan ta avo'nton ti laj abic'tajes aba ta stojol ti Dios avu'une, laj ya'i ti ac'opojel ati'inele. Ja' yu'un un, lital ta atojol.

Daniel 10:12 Iomraidhean Croise

Salmos 69:10

Ep li'oc', ep laj quicta ixim, pero ja' no'ox la slabanicun.

Isaías 35:4

Jech xavalbeic li boch'o ep xi'el cha'yique: “Tsatsubtaso avo'ntonic, mu xaxi'ic; q'uelavil li Dios cu'untique ta xtal scoltaoxuc, ta xtal xchi'uc spacol, xchi'uc stojol li avajcontraique”, utic.

Isaías 41:10

Ja' yu'un mu me xaxi', yu'un vu'un chajchi'inot; mu c'u xal avo'nton, yu'un vu'un Diosun avu'un. Vu'un chacac'bot atsatsal, vu'un chajcoltaot; vu'un chajtsacot lec ta jbats'ic'ob ti xu' yu'un tstsalvane.

Isaías 41:14

Li Muc'ul Diose jech chal ta jamal: “Vo'oxuc li sts'unubaloxuc Israel ti jutuc xa comenoxuque, vo'oxuc li yu'unoxuc Jacob ti biq'uitoxuc jech chac c'u cha'al xuvite, mu xaxi'ic, vu'un chajcoltaoxuc. Vu'un li Ch'ul Diosun yu'un Israele, vu'un Jpojvanejun avu'unic.

Isaías 58:9

C'alal chac'anbicun vocole, ta xca'ay li ac'opique; c'alal xavocoletic ta jtojole, ‘Li' oyune, ¿c'usi chac'anic?’, xacutoxuc. Me chalajesbeic sc'oplal scotol li uts'intaele, me mu'yuc xa chabechc'optaic li boch'o chopol chavilique, me mu'yuc xa chavalic li c'usi mu'yuc stue,

Isaías 65:24

C'alal mu'yuc to chisc'anbicun vocole, jtac'ojbeic xa'ox li sc'opique. C'alal ja' to chisc'opanicune, ca'yojbeic xa'ox li sc'opique.

Daniel 10:11

Jech laj yalbun: ‘Daniel, toj lec c'anbilot, a'yo lec ava'ay li c'usi chacalbote; lican, va'lan, yu'un tacbilun tal ta aventa’, xiyutun. “C'alal jech laj yalbune, liva'i, pero jeche' xit'elt'un.

Daniel 10:19

Jech laj yalbun: ‘Vo'ot ti lec c'anbilote mu xaxi', junuc avo'nton, ich'o lec atsatsal, cuxo lec avo'nton’, xiyutun. “C'alal jech laj yalbune, te lic ayinuc jtsatsal, jech laj calbe: ‘Cajval, c'opanun, yu'un laj xa avac'bun jtsatsal’, xcut.

Levítico 16:29

“Ja' jech jmantal ta xcom o ta atojolic: ta slajunebal c'ac'al yochel li svucubal ue, tsc'an chavictaic ixim. Mu me boch'o spas jchopuc abtel avu'unic, vo'oxuc li israeloxuque xchi'uc li yanlumetic te nacal ta atojolique.

Levítico 16:31

Ja' jech jmantal ta xcom o ta atojolic: li jun c'ac'al le'e ja' xcuxubil avo'ntonic chcom o, xchi'uc ja' sventa chavictaic ixim.

Números 29:7

“Ta slajunebal c'ac'al yochel li svucubal ue pasic jun ch'ul tsobajel ta jventa. Li jun c'ac'al le'e ictaic ixim, me junuc mu me boch'o spas jchopuc abtel avu'unic.

San Mateo 28:10

Jech i'albatic yu'un li Jesuse: —Mu xa xaxi'ic. Bat albeic jchi'iltac ti ac'o baticuc ta Galileae. Te ta xc'ot yilicun —x'utatic yu'un li Jesuse.

San Mateo 28:5

Li j'almantale jech laj yalbe li antsetique: —Li vo'oxuque mu xaxi'ic. Ta jna' ti ja' chasa'ic li Jesús ti imilat ta cruze.

Marcos 16:6

Jech i'albatic yu'un li quereme: —Mu xaxi'ic. Ta jna' ti ja' chasa'ic li Jesús liquem tal ta Nazarete, ti ijoc'anat ta cruze. Pero icha'cuxi xa. Mu'yuc xa li'i. Q'uelo avilic li yav bu to'ox laj yaq'uique.

San Lucas 1:13

Jech i'albat yu'un li j'almantale: —Mu me xaxi' Zacarías. Laj xa ya'ay c'usi laj ac'anbe li Diose. Li avajnil Isabele ta x'alaj. Querem ta svoq'ues. Juan chavac'be sbi.

San Lucas 1:30

Jech laj yal noxtoc li j'almantale: —Mu xaxi', María, ataoj xa c'uxubinel yu'un li Diose.

San Lucas 2:10

Jech i'albatic yu'un li j'almantale: “Mu xaxi'ic. Oy c'usi toj lec chacalboxuc, yu'un jech cuxetuc no'ox avo'nton acotolic.

San Lucas 24:38

Li Jesuse jech laj yalbe: —¿C'u yu'un chaxi'ic? ¿C'u yu'un mu xach'unic lec ti ta melel vu'une?

Hechos 27:24

Jech laj yalbun: ‘Pablo, mu me xaxi'. Ta persa chac'ot ta stojol li muc'ta ajvalil César ta Romae. A'yo ava'ay, li Diose mu'yuc chac' chamanic junuc achi'uc scotol li boch'otic achi'inoj li' ta barcoe’, xiyutun.

Apocalipsis 1:17

C'alal laj quile, liyal ta lum ta stojol; xco'laj xchi'uc chamen lic'ot. La stijun ta sbats'ic'ob, jech laj yalbun: “Mu xaxi'. Vu'un sliquebun, vu'un slajebun.