Daniel 10:1 - Bible in Tzotzil de Chenalhó with Deuterocanon

¹ “Ta yoxibal jabil yochel ta ajvalilal ta Persia li Ciroe, ja'o oy c'usi li'ac'bat quil ta jch'ulel, vu'un li Danielun ti Beltsasar yan jbie. Ja' melel li c'usi li'ac'bat quile. Toj tsots ta a'ibel smelol, pero laj ono'ox ca'ibe smelol li c'ope xchi'uc li c'usi laj quil ta jch'ulele.

Bible in Tzotzil de Chamula

¹ C'alal yoxibal (10) xa ox jabil yochel ta ajvalilal ti Ciro tey ta jteclum Persiae, jech ti Daniel ti sbiinoj Belsasar xtoque, toj tunel ta j'ech'el ti c'usi laj yile. Ja' no'ox un, toj vocol ta a'yiel ti c'usi ta xac' ta na'ele. Ac'o mi jech un, ti Daniele lic sts'ijan sba lec ta snopel c'usi xal o taje. Va'i un, lic t'unuc yu'un smelol ti c'usi laj yile.

Daniel 10:1 Iomraidhean Croise

Génesis 41:32

Ajvalil, ti jech chib velta jmoj snitoj sba lavaychine, ja' svinajeb ti persa chc'ot ta pasel yu'un li Diose, xchi'uc ti mu xa jaluc chbat yu'une.

2 Crónicas 36:22

C'alal sba to jabil i'och ta ajvalilal ta Persia li Ciroe, li Muc'ul Diose la stijbe yo'nton yu'un ac'o c'otuc ta pasel c'usi yaloj ta sventa li j'alc'op Jeremiase. Ja' yu'un li ajvalile lic spuc batel mantal ta scotol ti c'u smuc'ul sventainoje; la stacan batel cartaetic, jech laj yal batel:

Esdras 3:7

Te lic yac'beic taq'uin li alvaniletic xchi'uc carpinteroetique. Jech noxtoc laj yac'beic sve'el yuch'umic, xchi'uc aceite li j'abteletic liquemic tal ta Tiro xchi'uc ta Sidone, yu'un ja' chbat yich'ic tal c'alal to ta Líbano li ch'ut te'etique. Tsjelubtasic tal ta nab c'alal to ta Jope, yu'un jech yaloj mantal li ajvalil Ciro ta Persiae.

Esdras 4:3

Pero li Zorobabel, li Jesúa, xchi'uc li banquilaletic ta jujuchop sbiique jech itac'ovic: —Mu xu' co'ol ta jpastic ch'ulna yu'un li Dios cu'uncutique. Ta jcha'pas jtuccutic ta sventa li Muc'ul Diose, ja' li Dios yu'un Israele, yu'un jech albiluncutic tal mantal yu'un li ajvalil Ciro ta Persiae —xutic.

Esdras 4:5

Jech noxtoc la slo'labeic ta taq'uin j'abteletic yu'un li ajvalile. Jech te la smaquilanic o abtel ti c'u sjalil tiq'uil ta ajvalilal ta Persia li Ciroe, ja' to c'alal i'och ta ajvalilal li Darioe.

Esdras 6:14

Ja' yu'un li banquilaletic yu'un judaetique la sts'aquic batel yan velta xcha'pasel li abtel jech chac c'u cha'al laj yal li j'alc'op Hageo xchi'uc Zacarías xnich'on Idoe. Jech ivu' yu'unic spasel, yu'un jech la sc'an stuc li Dios yu'un Israele, xchi'uc jech laj yal mantal li ajvalil Ciro, li Darío, xchi'uc li Artajerjes ajvaliletic ta Persiae.

Esdras 6:3

“Ta sba jabil yochel ta ajvalilal li Ciroe, jech laj yal mantal ta sventa li ch'ulna yu'un Dios ta Jerusalene: ‘Ac'o yich' cha'pasel li ch'ulnae; lec tsots ac'o yich' pasbel li spac'benale yu'un ja' te ac'o yich' milel li matanaletique. Ja' vucub xcha'vinic (27) metro stayalil ac'o yich' pasel, xchi'uc vucub xcha'vinic (27) metro sjamalil.

Isaías 44:28

Vu'un jech ta xcalbe noxtoc li Ciroe: ‘Vu'un jchabichij chac'ot cu'un; vo'ot chapasbun scotol li c'usi ta jc'ane’, chcut. Jech chcalbe li Jerusalene: ‘Chavich' cha'va'anel yan velta’, chcut. Jech chcalbe li ch'ulnae: ‘Chavich' cha'nacanel lec yan velta’, chcut”, xi li Muc'ul Diose.

Daniel 1:17

Li chanib queremetic le'e i'ac'bat lec sbijilic; ijambat lec satic yu'un Dios ta yotquinel ep vunetic xchi'uc chanubtaseletic. Li Daniele lec sna' yalbel smelol vaychiletic xchi'uc c'usi chil ta xch'ulelic.

Daniel 1:21

Li Daniele te i'abtej o ta stojol ajvalil c'alal to ta sba jabil yochel ta ajvalilal li Ciroe.

Daniel 1:7

Li banquilal j'abtel yu'un ajvalile la sjelbe sbiic li queremetique: Li Daniele Beltsasar laj yac'be sbi; li Ananiase Sadrac laj yac'be sbi; li Misaele Mesac laj yac'be sbi; li Azariase Abed-nego laj yac'be sbi.

Daniel 10:14

Jech lital, yu'un tal calbot ava'ay c'usi ta xc'ot ta pasel ta ts'acal ta stojol li achi'iltaque, yu'un li c'usi chavile ts'acal to ta xc'ot ta pasel’, xiyutun.

Daniel 11:2

‘Li' ta orae ta xcac'bot ana' li c'usi melele: Oy oxib ajvaliletic ta xlic spasic mantal ta Persia. Ts'acal chlic yan xchanibal ajvalil, ja' no'ox stuc toj jc'ulej ta scotol li oxibique. C'alal me laj yich' lec stsatsal ta sventa li sc'ulejale, ta xlic stic' sba batel ta scotol ti c'u smuc'ul sventainoj li Greciae.

Daniel 12:4

‘Li vo'ote, Daniel, mu to me xavac' ta a'yel li c'usitic laj ava'ye. Ac'bo lec selloal noxtoc li vune, ja' to me la sta yorail slajebal c'ac'ale. Toj ep li boch'otic xtal xbatic no'ox ta sventa tsa'ic c'u x'elan ch-epaj sbijilique’, xiyutun.

Daniel 12:9

Jech laj yalbun: ‘Daniel, ac'o persa batel, yu'un li c'usitic laj yich' alele mucul to, ja' to me la sta li slajebale.

Daniel 2:21

Ja' tsjel ti c'u x'elan ora chtale, xchi'uc ja' tsjel c'u x'elan chtal li jujun jabile. Ja' tsloq'ues, xchi'uc ja' tstic' ta yabtel li ajvaliletique. Ja' chac'be ep sbijil li boch'otic bijique; ja' tsjambe sat li boch'otic oy c'usi lec sna'ique.

Daniel 4:8

Ja' to ti c'alal ital ta jtojol li Daniel, ja' li Beltsasar yan sbi jech chac c'u cha'al sbi li dios cu'une, ti ja' yich'ojbe sbijil li ch'ul diosetique, te lic jcholbe ya'ay li jvayeche, jech laj calbe:

Daniel 5:12

Yu'un oy lec sbijil, oy c'usi lec sna', lec jamal sat ta sventa chalbe smelol vaychiletic; lec sna' staq'uel lo'iletic ti mucul smelole, xchi'uc lec xu' yu'un chal c'usi mu stac' na'el. Le'e ja' li Daniel ti Beltsasar laj yac'be sbi li anima amuc'ta moltote. Ja' lec ic'o tal ta ora li Daniele; ja' xu' yu'un chayalbot —xi.

Daniel 5:17

Pero li Daniele jech la stac'be li ajvalile: —Te ich'o li matanaletic avu'une, o me chavac' batel ta yan. Pero ta xcaptabot tal ava'ay li c'usi ts'ibabile; chacalbot ava'ay li c'usi smelole.

Daniel 6:28

Li Daniele toj lec c'usi ic'ot ta stojol ti c'alal yorail tiq'uil ta ajvalilal li Darioe xchi'uc c'alal i'och ta ajvalilal li Ciro, ja' li persia vinique.

Daniel 8:16

Ta ora no'ox oy boch'o ic'opoj tal te ta ti' uc'um Ulai; tsots i'avan, jech laj yal: ‘Gabriel, albo ya'ay smelol c'usi laj yil ta xch'ulel li vinique’, xi.

Daniel 8:26

‘Li cha'mil xchi'uc oxib ciento c'ac'al (2,300) laj avile, melel ja' jech chc'ot ta pasel. Te no'ox chabio ta avo'nton, yu'un ep to c'ac'al sc'an xc'ot ta pasel’, xiyutun.

San Lucas 1:20

Ta scoj ti mu xach'un c'usi laj calbote, jech chapas ta uma'. Mu xloc' xac'opoj o, ja' to me ic'ot ta pasel li c'usi laj calbote —x'utat.

Apocalipsis 19:9

Li j'almantale jech laj yalbun: “Jech xats'iba ta vun: ‘Xcuxet no'ox yo'nton li boch'otic ic'bilic ta ve'el ta q'uin c'alal chnupin li Ch'ium Chije’, xi xats'iba”, xiyutun. Jech laj yalbun noxtoc: “Li'i ja' li c'usi yaloj Dios ti ja' melele”, xiyutun.