Daniel 1:2 - Bible in Tzotzil de Chenalhó with Deuterocanon

² Li Diose laj yac' ta sc'ob Nabucodonosor li Joaquime, jech la xchuc batel ta Babilonia. Jech noxtoc laj yac'be ta sc'ob ep li c'usitic chtun te ta xch'ulna Muc'ul Diose. Li Nabucodonosore te c'ot yac' scotol ta xch'ulna diosetic yu'un; te la stic' ta snail sc'ulejal li diosetic yu'une.

Bible in Tzotzil de Chamula

² Jech ti Diose laj yac' ye ti ac'o ochuc ta c'abal yu'un Nabucodonosor ti Joacime, ti ochuc ta yoc sc'ob xtoc ti c'usitic jtunel ta xch'ulna ti Diose. Ti Nabucodonosore laj yic' batel c'alal to Babilonia ti jchuqueletique. Jech ti c'usitic toj jtunel ti laj sta batele, c'ot yac' ti bu q'uejel sc'ulejal ta xch'ulna ti yajdiostaque.

Daniel 1:2 Iomraidhean Croise

Génesis 10:10

Li lumetic bu la spas mantal ta sliquebe ja' Babel, Erec, Acad, xchi'uc Calne; ja' te oy ta yosilal Sinar.

Génesis 11:2

C'alal ibatic ta stuq'uil sloq'ueb c'ac'ale, te la staic jun stenlejaltic ta yosilal Sinar, jech te inaquiic o.

2 Reyes 24:1

C'alal ja'o ochem ta ajvalilal li Joaquime, li Nabucodonosor, ajvalil ta Babiloniae, ital stsal li Judae. Jech ventainbil icom oxib jabil li Joaquime. Ts'acal itsatsub yo'nton, jech lic scontrain ec li Nabucodonosore.

2 Crónicas 36:5

C'alal i'och ta ajvalilal li Joaquime, yich'oj vo'ob xcha'vinic (25) jabil. Buluchib (11) jabil i'abtej ta Jerusalén. Puru chopolic yabtel ta stojol li Muc'ul Dios yu'une.

2 Crónicas 36:7

Li Nabucodonosore laj yich' batel noxtoc li c'usitic chtun te ta xch'ulna Muc'ul Diose; te c'ot stic' ta ch'ulna yu'un ta Babilonia.

Esdras 1:7

Li ajvalil Ciroe la sloq'ues li c'usitic jtuneletic to'ox te ta xch'ulna Muc'ul Dios ti ay yich' ta Jerusalén li ajvalil Nabucodonosor ti te xa yac'oj ta sna diosetic yu'une.

Isaías 11:11

C'alal me la sta sc'ac'alile, li Muc'ul Diose chlic stsob tal yan velta li steclumal ti c'u to yepal te comenic ta Asiria, ta Egipto, ta Patros, ta Etiopía, ta Elam, ta Sinar, ta Hamat, xchi'uc ta lumetic ta ti'ti' nabe.

Isaías 42:24

¿Boch'o laj yac' ta pojbel c'usitic oy yu'un li Jacobe? ¿Boch'o laj yac' ta tsalel li Israele? ¿Me mu ja'uc Muc'ul Dios jech la spas, ja' li boch'o ep laj asa' amulic ta stojole, ti mu xac'an xach'unbeic smantaltaque?

Jeremías 25:1

C'alal xchanibal jabil xa'ox yochel ta ajvalilal ta Judá li Joacim xnich'on Josiase, ja'o yorail ital c'opanatuc yu'un Muc'ul Dios li Jeremiase; ja' i'albat c'usi chc'ot ta pasel ta stojol li judaetique. Le'e ja' sba jabil yochel ta ajvalil te ta Babilonia li Nabucodonosore.

Jeremías 27:16

Jech lic calbe ec li paleetique xchi'uc scotol li jteclume: “Jech chal li Muc'ul Diose: ‘Mu me xach'unic me jech chayalboxuc li j'alc'opetic avu'unique: Li c'usitic chtun ta ch'ulna yu'un Muc'ul Dios ti ich'bil batel ta Babiloniae, ta sut tal ta oratic xa no'ox, me xayutoxuque, altic no'ox tsnopic ti jech chalique.

Jeremías 28:3

Le' no'ox ta chib jabil ta xcac' sutuc tal li' ta banamil li c'usitic chtun ta jch'ulna ti laj yich' batel ta Babilonia li ajvalil Nabucodonosore.

Jeremías 35:11

Pero c'alal i'och tal li' ta cosilaltic li Nabucodonosor ajvalil ta Babiloniae, lixi'cutic yu'un li soldadoetic yu'un caldeaetique xchi'uc li soldadoetic yu'un siriaetique, jech laj calcutic: ‘Bat jnac' jbatic ta Jerusalén’, xichicutic; ja' yu'un ti li' linaquicutic ta Jerusalene”, xiyuticun.

Jeremías 50:2

“Alic batel, aq'uic ta na'el ta yantic lumetic. Aq'uic lec ta ilel senyail; mu me xamuquic, puquic batel. Jech xavalic: ‘¡Li Babiloniae ch-och xa ta c'abal! ¡Li dios Bele tstsalat xa! ¡Li dios Merodaque mu'yuc c'usi stu chcom! ¡Li sloc'obal diosetic te va'ajtique ta xa xich' voq'uel, ta xa xich' lilinel!’, chianic.

Jeremías 51:44

“Ta xcac'be stoj smul li dios Bel ta Babiloniae; ta xcac'be xeta loq'uel li c'usitic i'ac'bat sbiq'ue, jech mu xa xbatic o ta stojol li yantic lumetique. Li coralton yu'un Babiloniae ta xjin scotol.

Daniel 5:13

Ja' yu'un li Daniele laj yich' iq'uel tal ta stojol li ajvalile, jech i'albat yu'un li ajvalile: —¿Me vo'ot li Daniel abie? ¿Me vo'ot xnich'onot li boch'otic chucbil iloq'uic tal ta Judá banamil yu'un anima jmuc'ta moltote?

Daniel 5:18

Li Dios ta toyole ja' laj yac'be yabtel ta ajvalilal li amuc'ta moltot Nabucodonosore, ja' laj yac'be muc' yabtel; laj yac'be svu'el, xchi'uc laj yac' ta ich'el ta muc'.

Habacuc 1:16

Ja' yu'un li jtsacchoyetic le'e, chlic yich' ta muc' li snitubil choy yu'une xchi'uc li snuti'e; chlic smilbe smoton, xchi'uc chlic xchic'be pom, yu'un ja' ta sventa ti la sta ep sve'ele, ti ep c'usi te iloc' yu'une.

Zacarías 5:11

Itac'ov: “Yu'un ta spasbeic sna te ta yosilal Sinar. C'alal me imeltsaj yu'unique, ja' te ta xlic snacanic lec ta snacleb li moche”, xiyutun.

Deuteronomio 32:30

¿C'uxi ivu' yu'un ti jun no'ox la snuts batel ta anil jmile? ¿C'uxi ivu' yu'un ti chib no'ox ijatov batel ta anil yu'unic lajunmile? Ja' no'ox ta sventa li Muc'ul Diose, ja' li Jchabivanej yu'unique. Ja' laj yac'be ta sc'obic li yajcontraique.

Jueces 2:14

Jech tsots i'ilintaatic o yu'un Muc'ul Dios li israeletique. Li Muc'ul Diose laj yac' taluc j'eleq'uetic, jech ipojbatic li c'usitic oy yu'unique, xchi'uc laj yac' ochicuc ta sc'ob li yajcontraique, jech muc xa xu' yu'un la stsalic.

Jueces 3:8

Jech li Muc'ul Diose tsots lic ilinuc ta stojol li israeletique. Jech laj yac' ochicuc ta sc'ob li Cusan-risataime, ja' li ajvalil ta Mesopotamiae. Jech li israeletique vaxquib jabil lic tunicuc yu'un li ajvalile.

Jueces 4:2

Ja' yu'un li Muc'ul Diose lic yac' ochicuc ta sc'ob ajvalil Jabín, ja' li canaán vinic ochem ta ajvalilal ta lum Hazore. Li banquilal soldado yu'une Sísara sbi; te nacal ta Haroset-goim.

1 Samuel 5:2

Ts'acal laj yich'ic ochel ta yut sna sdiosic Dagón; te laj yaq'uic ta sts'el li sdiosique.