Cantares 4:2 - Bible in Tzotzil de Chenalhó with Deuterocanon

² Li stanal avee ja' jech chac c'u cha'al saquil chijetic loc'bil stsotsilic, ti ja' to chlaj tal yo'ntonic ta atimole, ti lec ta chabchab snupoj sba chanovique, ti mu jcotuc chanov stuque.

Bible in Tzotzil de Chamula

² Ti stanaltac avuni ee, stuc xa no'ox jech ta j'ech'el, co'ol s'elan epal chijetic ti naca to laj yich' pocbel yuni tsotsil yo' ta xich' loc'bele.

Cantares 4:2 Iomraidhean Croise

Éxodo 23:26

Mu'yuc ta xcac' chamanic ti c'alal mu to avorailicuque. Xchi'uc mu'yuc chloc' junuc ants ta alumalic ti chyal yole xchi'uc ti mu sna' x'alaje.

Cantares 4:1

Cunin c'upil tseb, toj alac' aba, toj lec c'oc'ot. Li sbec' asate xco'laj xchi'uc stsumut ta q'uelel ta o'lol li velo apixoj oe; li stsotsil ajole xco'laj xchi'uc me'tentsunetic ti lec jmoj stsaletic yalel tal ta vitsetic ta Galaade.

Cantares 4:3

Li sti' avee lec chac-ch'uban jech chac c'u cha'al tsajal no; li ac'ope toj c'upil sba ta a'yel; li xocon asate xco'laj xchi'uc javbil caranato c'otem ti amacoj ta aveloe.

Cantares 6:6

Li stanal avee ja' jech chac c'u cha'al saquil chijetic ti ja' to ilaj tal yo'ntonic ta atimole, ti lec jmoj ta chab-chab chanovique, ti mu jcotuc chanov stuque.

Jeremías 15:16

C'alal lac'opanune, xco'laj xchi'uc la jve' ya'yel li ac'ope; ja' mero spatubil co'nton, xcuxetel co'nton ic'ot. Avu'unun o, vo'ot li Muc'ul Diosot ti chapas ta mantal scotol te ta vinajele.

San Juan 15:7

“Me li' oyoxuc o ta jtojole, me te oy o ta avo'ntonic li jc'ope, xu' chac'anbeic Dios scotol li c'usi chac'anique, jech chayac'boxuc.

1 Tesalonicenses 2:13

Ja' yu'un mu xlaj co'ntoncutic o stojbel ta vocol li Diose. Yu'un c'alal laj ava'yic li sc'op Dios la jcholcutic ava'yique, lec laj avich'ic ta muc'. Muc xanopic ti ya'yej no'ox cristianoe. Laj ach'unic ti ja' sc'op Diose, ti ja' melele, jech te ch-abtej o ta avo'ntonic vo'oxuc ti ach'unojique.