Cantares 2:3 - Bible in Tzotzil de Chenalhó with Deuterocanon

³ Li jc'upil vinique ja' jech c'otem ta stojol yantic viniquetic jech chac c'u cha'al jpets mantsano ch'iem ta o'lol te'tic. Toj jun no'ox yutsil chca'ay ti c'alal te chichoti ta xyaxinale; li sate toj chi' ta lo'el chca'ay.

Bible in Tzotzil de Chamula

³ Ta scotol ti viniquetique, ti snup cuni ch'ulele, co'ol s'elan jech c'u cha'al jbej mantsana xbejet ta vitstic. Ta jc'ol xa banomil ta xca'i yu'un ma' ti chotolun ta yolon squeovale, lec chi' ta j'ech'el laj ca'i ma' ti sat une.

Cantares 2:3 Iomraidhean Croise

Salmos 45:2

Li vo'ote toj c'upil aba ta scotol li viniquetique; puru lequic c'usi chloc' ta ave, ja' yu'un li Diose j'ech'el yac'ojbot o bendición.

Salmos 45:3

Chuquino lec avespada, vo'ot ti lec tsots avo'ntone; ja' at'ujumal, axi'elal ac'o c'otuc.

Salmos 57:1

Dios cu'un, c'uxubinun me, avocoluc c'uxubinun me, yu'un jch'unoj ti vo'ot no'ox chacoltaune; ta jnac' jba ta yolon axic', ja' to me ijelov scotol li jvocole.

Salmos 89:6

Yu'un mu'yuc boch'o yan te ta vinajel ti xaco'laj achi'uque, Muc'ul Dios; mu'yuc boch'o yan ech'em svu'el jech chac c'u cha'al vo'ot.

Salmos 91:1

Li boch'o chabibil yu'un li Boch'o te oy ta vinajele, ti oy ta xyaxinal li Boch'o ech'em svu'ele,

Cantares 1:16

Jc'upil vinic, toj lec c'ac'al vinicot, toj c'upil aba; li jvayabtique ja' jech chac c'u cha'al nichimaltic.

Cantares 2:5

Ac'bun jve' taqui ts'usubetic sventa oy lec jtsatsal, ac'bun jlo' mantsanoetic, yu'un xlaj xtu'p xa co'nton yu'un li ac'anele.

Cantares 4:13

Ja' jechot jech chac c'u cha'al ts'unubaltic ti bu chloc' lequil caranatoe; ja' jechot jech chac c'u cha'al lequil alhenya nichimetic,

Cantares 4:16

Ic' ta norte, la' me; ic' ta sur, li' xatale. Juch'taic li ts'unubaltic cu'une; pucbeic batel li smuil yiq'ue. Jc'upil vinic, la' me li' ta ts'unubaltic avu'une; la' lo'an li sat ti toj lec chi'ic ta lo'ele.

Cantares 5:16

Li yee noj ta c'usitic lec chi'; ta scotlijil toj c'upil sba ta q'uelel. Tsebetic ta Jerusalén, ja' jech x'elan li jc'upil vinique; ja' jech x'elan li boch'o lec jc'anoje.

Cantares 7:13

Li sat mandrágora te'etique ta xloc' smuil; oy xa ep ta chop sat te'etic te ta ti'na ti toj chi'ic ta lo'ele. Oy vo'one xa la jtsob, oy ach' to la jtsob li sat te'etic ti jq'uejojbot alo'e, jc'upil vinic.

Cantares 8:11

Li Salomone oy ts'usubtic yu'un ta Baal-hamón; pero laj yac'anan ta yan. Li jujunique tsc'an chich'ic tal jmil (1,000) ta sep saquil taq'uin ta sventa stojol li sate.

Cantares 8:12

Li vu'une ta jventain jtuc li ts'usub cu'une. Li jmil (1,000) ta sep saquil taq'uine ja' avu'un, vo'ot Salomón; chib ciento (200) ta sep xu' chich'ic li jchabits'usubetique.

Cantares 8:5

¿Boch'o ti le' xtal ta xocol banamil ti xpech'anoj tal sjol ta snecub sc'upil vinique? Ta yolon jpets mantsano la jtijbot avayel, vo'ot ti laj ya'ay svocol avu'un li ame'e, ti lavoc' la'ayin yu'une.

Isaías 25:4

Yu'un vo'ot spojobbailot li me'onetique, vo'ot jcoltavanejot yu'un li boch'o abul sbaic ta scoj vocole, vo'ot snac'ubbailicot ta sventa li tsatsal ic'al vo'e, vo'ot yaxibicot ta sventa li xc'uxul c'ac'ale. Yu'un li simaronil jsa'c'opetique ja' jech chac c'u cha'al tsatsal ic'al vo' c'alal chc'ot smaj sba ta c'alnae,

Isaías 32:2

Le'e ja' jech chc'otic jech chac c'u cha'al jpojubbailtic ta tsatsal ic', ja' jech chac c'u cha'al jnac'ubbailtic c'alal chtal tsots ic'al vo', ja' jech chac c'u cha'al jun bevo' ti chat'es lec taqui banamile, ja' jech chac c'u cha'al xyaxinal muc'ta ch'en ta xc'uxul c'ac'al ta q'uixin osil.

Isaías 4:2

Me la sta yoraile, li Muc'ul Diose ta xac' q'uelumajuc li sts'unube. Li sq'uelume ja' slequilal, yutsilalic chc'ot li israeletic ti cuxajtic to chcomique. Li sat c'usitic chloc' yu'unique ja' yich'elic ta muc' chc'ot.

Isaías 4:6

Jech lec macalic ta yaxinaltic ta xc'uxul c'ac'al, lec chabibilic, lec macbilic c'alal chc'ot ta stojolic li tsatsal ic'al vo'e.

Ezequiel 47:12

Ta xcha'jotal sti' li uc'ume ta xch'i ep ta chop jsatinom te'etic. Mu'yuc ta xlilij o yanal; mu'yuc ta xlaj yo'nton o ta satinel. Ta jujun u chyijub li sate, yu'un lec ch-ach' ta sventa li vo' chloc' tal ta ch'ulnae. Li sate ja' sventa chich' lo'el; li yanale ja' chtun ta sventa poxil”, xiyutun.

Joel 1:12

Ta xtaquijan o li ts'usubtique; ta xchaman o li higotique. Jech noxtoc li caranatoetic, li xanetic, xchi'uc mantsanoetique ta xtaquijan o. Scotol li te'etique ta xchaman o; chlaj sc'oplal ti xcuxet no'ox yo'nton li cristianoetique.

Hebreos 12:2

Ja' te ac'o cac' batel jsatic ta stojol li Jesuse, ja' li boch'o chac' xch'unojel co'ntontique, xchi'uc li boch'o tsvu'ese. Ja' li boch'o laj yich' vocol ta cruze, ti mu'yuc sc'oplal laj ya'ay li q'uexlale, yu'un la sna' ti xcuxet no'ox yo'nton ta ts'acale. Jech ibat chotluc ta sbats'ic'ob Dios yo' bu tspas mantale.

Jueces 9:15

Li ch'ixe jech laj yal: ‘Me ta melel chac'anic ti vu'un chicom ta ajvalilal avu'unique, tsc'an chavac' abaic li' ta jyaxinal. Yan me mu xac'anique, ta xloc' tal c'oc' li' ta jtojol; ta jchic' scotol li ch'ut te'etic ta Libanoe’, xi.