Apocalipsis 9:8 - Bible in Tzotzil de Chenalhó with Deuterocanon

⁸ Natic stsotsil sjolic jech chac c'u cha'al stsotsil sjol antsetic. Li stanal yeique ja' jech chac c'u cha'al stanal ye león.

Tzotzil Zinacantan

⁸ Oy stsatsal sjolic, coꞌol xchiꞌuc stsatsal sjol antsetic. Li stanal yeique coꞌol xchiꞌuc stanal ye león.

Bible in Tzotzil de Chamula

⁸ Natic stsotsil sjolic jech c'u cha'al junuc ants. Ti stanal yeique, co'ol s'elan jech c'u cha'al stanal ye león.

Tzotzil San Andres

⁸ Oy stsotsil sjolic, natic jech chac cꞌu chaꞌal stsotsil sjol antsetic. Li stanal yeique toj tsots jech chac cꞌu chaꞌal stanal ye jtiꞌaval bolom.

Tzotzil de Huixtán

⁸ Ti stsotsil sjolique hech chaj c'u che'el sjol antsetic. Ti yee chtuch' yu'un ti ora ti c'usi chtuch'e hech chaj c'u che'el chti'van jti'vanej bolom.

Apocalipsis 9:8 Iomraidhean Croise

2 Reyes 9:30

Li Jehue ibat ta Jezreel. C'alal laj ya'ay li Jezabele, la sbon sti'ti' sat, xchi'uc laj yac' lec sbaj sjol; inach'i loq'uel ta ventana.

Salmos 57:4

Xco'laj xchi'uc oyun ta o'lol leonetic; te xa mocholun ta stojol li viniquetic ti tsc'an chisti'icune. Li stanal yeique xco'laj xchi'uc lanza xchi'uc flechaetic; li yoq'uique ja' jech chac c'u cha'al espada ti lec ts'ubts'ub sni'e.

Isaías 3:24

Ja' xq'uexol sperfumeic chc'ot ti chtuib yiq'uique; ja' xq'uexol xchuquic chc'ot li ch'ojone. Li sjolic ti toj c'upilic to'ox sba tspasique ja' xq'uexol chc'ot ti cht'ajbuj sbejlijile; li sc'u'ic ti toj lequique ja' xq'uexol chc'ot li c'u'il ti ch'ixlajan ta lapele; ja' xa st'ujumalic chc'ot li smarcailic ti ch-ic'uban ta c'ac'al taq'uine.

Joel 1:6

Ta xtal ven epal tsatsal soldadoetic jech chac c'u cha'al c'ulubetic, ta xtal ochicuc ta banamil cu'un. Li stanal yeique ja' jech chac c'u cha'al stanal ye león; li sts'uts'upique ja' jech chac c'u cha'al sts'uts'up me' león.

Romanos 9:29

Jech laj yal noxtoc li Isaiase: “Ti solel mu'yucuc xa chiscomtsanbutic jts'unubaltic li Cajvaltic Dios ti tspas ta mantal scotol te ta vinajele, ja' xa jech oyutic jech chac c'u cha'al Sodoma ti jechuque; co'olutic xa jech chac c'u cha'al Gomorra ti jechuque”, xi.

1 Timoteo 2:9

Jech noxtoc li antsetic c'alal ta smeltsan sbaic xchi'uc sc'u' spoq'uique, ta smuc'uluc me yo'ntonic, ta yutsiluc me yo'ntonic ac'o slapic. Mu me toj yanuc xa sba spas li sjolique. Mu me st'ujumtas sbaic ta c'anal taq'uin, ta nats'il, xchi'uc ta c'u'il pac'al ti toyolic stojole.

1 Pedro 3:3

Mu me ja'uc ta sventa sba abec'talic ac'o vinajuc li at'ujumalique. Mu me ja'uc ta sventa ti toj yan xa sba c'u x'elan chapas li ajolique, xchi'uc ti chac'ac'umtas abaic ta c'anal taq'uine, xchi'uc ti toj c'upil sba li ac'u' apoq'uique.