Apocalipsis 9:6 - Bible in Tzotzil de Chenalhó with Deuterocanon

⁶ C'alal ja'o jech yoraile, li cristianoetique tsa'ilan c'u x'elan xu' chchamic, pero mu staic. Tsc'an chchamic, pero mu xloc' batel ta stojolic li lajele.

Tzotzil Zinacantan

⁶ Ti cꞌalal xcꞌot yeche, li crixchanoetique ta scꞌan xchamelic pero mu xchamic.

Bible in Tzotzil de Chamula

⁶ Ti ja' o jech yorail taje, utsuc xa sa'ic yo' ac'o chamicuc ti jnaclejetique, mi ja'uc staic yo' ta xchamic. Manchuc yo'ntonicuc xa ya'iic chamicuc, laj to c'op, yu'un sq'uejoj sba loq'uel ta stojolic ti lajel tubele.

Tzotzil San Andres

⁶ Cꞌalal jech chcꞌot ta pasele, li crixchanoetique tscꞌan slajel schamelic pero mu xchamic.

Tzotzil de Huixtán

⁶ C'alal hech chc'ot ti pasel, tsa' c'u che'el chchamic ti crixchanoetique. Mu staic. Tsc'an xchamic, mu xu' yu'unic.

Apocalipsis 9:6 Iomraidhean Croise

2 Samuel 1:9

Jech laj yalbun: —Avocoluc milun ta ora, yu'un toj ep jvocol; ta ono'ox xicham chca'ay —xiyutun.

Isaías 2:19

C'alal chlic abtejuc li Muc'ul Diose, c'alal chlic snojes ta xi'elal li banamile, li cristianoetique tsnac' sbaic ta nailch'entic xchi'uc ta yut banamil, yu'un toj ep xi'elal chilic, xchi'uc toj tsots svu'el xchi'uc xojobal.

Jeremías 8:3

Ti c'u to yepal cuxul chcomic li chopol cristianoetic le'e, mu xa sc'an ti cuxulique, ja' xa no'ox tsc'an xchamel slajelic te ta banamil ti buyuc no'ox ta jpuquic batele. Vu'un chcal jtuc, vu'un li Muc'ul Diosun ti ta jpas ta mantal scotol te ta vinajele”, xi.

Oseas 10:8

Li toyol c'opojebaletic bu ta sa' smulic li israeletique ta xich' lilinel. Li scajleb matanaletic yu'unique ta xpix ta ch'ixetic. Jech chlic yalbeic li muc'tic vitsetique: “¡Nac'uncutic!”, xutic. Jech chalbeic li bic'tal vitsetique: “¡Loman tal ta sba cac'olcutic!”, xutic.

San Lucas 23:30

Ja' yu'un jech chlic avalbeic li vitsetique: ‘Loman tal ta sba cac'olcutic’, xavutic. Jech chavalbeic li bic'tal vitsetique: ‘Nac'uncutic’, xavutic.

Apocalipsis 6:16

Jech laj yalbeic li vitsetique xchi'uc li ch'entique: “Loman tal ta sba cac'olcutic, but'iuncutic, yu'un jech mu xiyiluncutic li Boch'o te chotol ta muc'ta chotlebale, xchi'uc jech mu xitaatcutic ta sc'ac'al yo'nton li Ch'ium Chije.