Apocalipsis 9:4 - Bible in Tzotzil de Chenalhó with Deuterocanon

⁴ I'albatic mantal ti mu me soquesic li ts'i'laletique, li c'usitic lec yoxique, xchi'uc li te'etique. I'albatic ti ja' no'ox ac'o yuts'intaic li boch'otic mu'yuc yich'ojic smarcail Dios ta sti'baique.

Tzotzil Zinacantan

⁴ Pero iꞌalbatic mantal ti mu me yaꞌuc sloꞌic tsꞌiꞌlele, xchiꞌuc li cꞌusitic yoxe, xchiꞌuc li teꞌetique. Jaꞌ noꞌox chacꞌbeic castico li crixchanoetique ti muchꞌutic muc bu yichꞌojbeic seyo Riox ta stiꞌbaique.

Bible in Tzotzil de Chamula

⁴ Albatic mantal ti mu soquesic ta yilbajinel ti yaxaletic oy ta banomile, mi ja'uc ti c'usi yoxique, mi ja'uc ti te'etique, ja' no'ox, ac'o yilbajinic ti buch'utic mu'yuc yich'ojic ta sti'baic seyoal ti Diose.

Tzotzil San Andres

⁴ Pero iꞌalbatic mantal ti mu me sloꞌic li tsꞌiꞌleletique, schiꞌuc li cꞌustic lec yoxique, schiꞌuc li teꞌetique. Jaꞌ noꞌox yabtelic acꞌo yilbeic svocolic li buchꞌutic ti muc bu yichꞌojic li seyo Dios ta stiꞌbaique.

Tzotzil de Huixtán

⁴ Ipasat ti mantal ti mu me xixtanic ti vomoletique xchi'uc ti c'utic yan ts'umbil ti yoxique xchi'uc ti te'etique. Ja' no'ox i'ac'batic yabtel yu'un chilbajin ti much'utic mu yich'ojuc ti smarca ti Diose ti stibaique.

Apocalipsis 9:4 Iomraidhean Croise

Job 1:10

Ja' ta sventa ti lec asetuoj ta coral xchi'uc yajnil xnich'nabe xchi'uc scotol li c'usitic oy yu'une. Yu'un chavac'be lec bendición ta sventa scotol li yabtele, ja' yu'un solel i'epaj c'usitic oy yu'un ta banamil.

Job 1:12

Li Muc'ul Diose jech laj yalbe li banquilal pucuje: —Lec oy, scotol li c'usi oy yu'une oy ta ac'ob; ja' no'ox mu xavac' ac'ob ta sbec'tal stuc li Jobe —xut. Li banquilal pucuje iloc' batel ta stojol li Muc'ul Diose.

Job 2:6

Itac'ov li Muc'ul Diose: —Lec oy, oy ta ac'ob li sbec'tale, pero mu xamil —xut.

Salmos 76:10

Li sc'ac'al yo'nton avajcontrae ja' chc'ataj ta avich'el ta muc'; li juteb no'ox sc'ac'al yo'ntonique ja' chc'ataj ta acorona.

Éxodo 12:23

C'alal ch-ech' smilbe sba xnich'nab egiptoetic li Diose, me chil li ch'ich' ti bonbil ta scotol sti' anaique, chjelov no'ox batel, mu xac' ochuc ta anaic li j'almantal chmilvane.

Ezequiel 9:4

Jech laj yalbe: “Bat xano scotol li lum Jerusalene; ac'anbo senyail ta sti'baic scotol li boch'otic ch-oq'uic, chat yo'ntonic ta scoj li c'usi toj chopol chich' pasel li' ta Jerusalene”, xut.

Ezequiel 9:6

Milic li moletique, li queremetique, li tsebetique, li ololetique, xchi'uc li antsetique; me junuc mu me xacomtsanic. Te xaliquesic ta jch'ulna. Yan li boch'otic yich'ojbeic senyaile mu me xavac' ac'obic ta stojol”, xut. Jech la sliques yabtelic ta stojol li moletic te oyic ta ch'ulnae.

San Mateo 24:24

Yu'un ta to xtal li boch'otic ta scuy sbaic ta Cristoe, xchi'uc li boch'o tscuy sbaic ta j'alc'opetique. Ta spasic muc'tic sq'uelubiltac, yu'un jech ta slo'laic o li cristianoetique. Ti xu'uc yu'unique, tsc'an tslo'laic ec li boch'otic t'ujbilic yu'un Diose.

Efesios 4:30

Mu me xavac'beic yat yo'nton li Ch'ul Espíritu yu'un Diose. Yu'un ja' senyail ac'biloxuc ti c'alal tsta sc'ac'alil coltaele.

Apocalipsis 14:1

Ts'acal laj quil te oy ta jol vits Sión li Ch'ium Chije. Te xchi'uc chanib xvaxacvinic ta mil (144,000) cristianoetic, ja' li boch'otic ts'ibabil ta sti'baic sbi li Ch'ium Chije xchi'uc sbi li Stote.

Apocalipsis 6:6

Laj ca'ay oy boch'o chc'opoj te ta o'lol li chanibique, jech laj yal: “Li stojol jun kilo trigoe ja' jech stojol chc'ot jech chac c'u cha'al jun c'ac'al tojolil. Yan li cebadae ja' oxib kilo xtoj ta jun c'ac'al tojolil. Yan li oliva xchi'uc ts'usube mu me xasoques”, xi.

Apocalipsis 7:1

Ts'acal laj quil chanib j'almantaletic te va'ajtic ta xchanjotal xchiquin banamil. Ja' spajesojic li ic' ta xchanjotal xchiquin banamile, yu'un jech mu me xtal ic' li' ta banamil, xchi'uc ta nab, xchi'uc jech mu me xnic ta ic' jbejuc te'.

Apocalipsis 8:7

C'alal la sjupan yoq'ues li sba j'almantale, ital ep bot ta banamil, xchi'uc c'oc' capal ta ch'ich'. Jutuc xa mu sta o'lol ic'ac' li te'etique xchi'uc li yaxal ts'i'laletique.