Apocalipsis 9:3 - Bible in Tzotzil de Chenalhó with Deuterocanon

³ Te capal iloc' tal ta ch'ayil epal c'ulub; i'ac'bat yabtelic sventa chti'vanic jech chac c'u cha'al xti'van stsec.

Tzotzil Zinacantan

³ Yoꞌ bu ilocꞌ tal chꞌaile tey ilocꞌ tal ep cꞌulub. Istani sbaic ta sjunlej balamil. Li cꞌulubetique iꞌacꞌbat yabtelic ti chtiꞌvanic chac cꞌu chaꞌal li tseque.

Bible in Tzotzil de Chamula

³ Ti ta ch'ail taje, loc' talel c'ulubetic ti vil batel ta banomile, ti ac'batic stsatsalic jech c'u cha'al xti'van ti tseque.

Tzotzil San Andres

³ Li cꞌalal chlocꞌ li chꞌaile te ilocꞌ epal cꞌulub. La spuc sbaic ta spꞌejel balumil. Li epal cꞌulubetique iꞌacꞌbat yabtelic chtiꞌvanic jech chac cꞌu chaꞌal xtiꞌvan li stseque.

Tzotzil de Huixtán

³ C'alal iloc' tal ti ch'ayile, iloc' tal uc ep c'ulub. Laj spuc sbaic ti balumil. I'ac'bat yabtel yu'un chti'van hech chaj c'u che'el chti'van tsec.

Apocalipsis 9:3 Iomraidhean Croise

1 Reyes 12:11

Me toj ol avicatsic laj yac'boxuc li jtote, li vu'une xjelov to yalal chacac'boxuc. Me nucul no'ox laj yac'boxuc li jtote, li vu'une chacac'boxuc nucul ti oy staq'uinal sni'e’, uto —xiic.

2 Crónicas 10:11

Me toj ol avicatsic laj yac'boxuc li jtote, li vu'une xjelov to yalal chacac'boxuc. Me nucul no'ox laj yac'boxuc li jtote, li vu'une chacac'boxuc lec chicote ti oy lec staq'uinal sni'e’, uto —xiic.

2 Crónicas 10:14

Ja' laj yalbe jech chac c'u cha'al laj yalic li queremetique, jech laj yalbe: “Me ol avicatsic laj yac'boxuc li jtote, li vu'une xjelov to yalal chacac'boxuc. Me nucul laj yac'boxuc li jtote, chicote lec chacac'boxuc ti oy lec staq'uinal sni'e”, xut.

Isaías 33:4

Li c'usitic spojojique chich'ic tsobbel scotol jech chac c'u cha'al epal c'ulubetic ti chtal slajesic scotole; ja' jech chvul ta stojolic jech chac c'u cha'al xc'ajben ti talbat no'ox xvil ta jujujote.

Ezequiel 2:6

Li vo'ote xnich'on cristiano, mu me xaxi' yu'unic ti c'u x'elanique, xchi'uc ti c'u x'elan chc'opojique. Ac'o me xco'laj xchi'uc suculot ta ch'ixtic, me xco'laj xchi'uc te achi'uc puru stsequetic chava'ay, pero mu me xaxi', yu'un le'e ja' mero jtacchiquin cristianoetic o.

Joel 1:4

Li c'usitic icom ta lo'el yu'un li tsucume, ja' tal slajes ec li bilixe. Li c'usitic icom to ta lo'el yu'un li bilixe, ja' tal slajes ec li xc'ajbene. Ti c'u x'elan icom ta lo'el yu'un li xc'ajbene, ja' tal slajes ec li c'ulube.

Joel 2:25

Jech chal noxtoc li Diose: “Ta jq'uextaboxuc scotol ti jayib jabil ilaj ta lo'el ta tsucum, ta bilix, ta xc'ajben, xchi'uc ta c'ulube, ja' li epal soldadoetic cu'un la jtacboxuc tal ta atojolique.

Nahúm 3:15

Pero ta ono'ox xavich' chiq'uel ta c'oc'; te chayulesot o li espadae. Ac'o me bats'i epoxuc jech chac c'u cha'al c'ulub, ac'o me solel bolemoxuc jech chac c'u cha'al bilixetic, ta xculesot o ta j'ech'el jech chac c'u cha'al xve' c'ulubetic.

Nahúm 3:17

Li banquilaletic avu'une ja' jechic jech chac c'u cha'al c'ulubetic. Li banquilal soldadoetic avu'une ja' jechic jech chac c'u cha'al epal c'ulubetic, ti jun yo'nton te bo'olic ta coralton c'alal oy sique. Me iloc' li c'ac'ale, ta xvilic batel; mu boch'o sna' bu chbat.

San Lucas 10:19

A'yo ava'yic, laj xa cac'boxuc avu'elic sventa chapech'ic ta teq'uel jti'val chonetic xchi'uc stsequetic, xchi'uc scotol cajcontratic ti toj tsots svu'elique. Me jutuc mu'yuc c'usi xu' yu'un chaspasboxuc.

Deuteronomio 8:15

Xchi'uc ti laj yac' jelovanic tal ta muc'ta xocol banamil ti toj xi'bal sbae, ti oy ep jti'val chonetic xchi'uc stsequetique, xchi'uc ti mu'yuc vo' tee. Pero laj yac' loc'uc ep vo' ta tsatsal ch'en, jech laj avuch'ic.

Apocalipsis 9:5

I'albatic noxtoc ti mu me smilic o li cristianoetique. Ja' no'ox ac'o yuts'intaic vo'ob u. Li xc'uxul chti'vanique ja' jech xc'uxul jech chac c'u cha'al xti'van stsec.

Apocalipsis 9:7

Li c'ulubetique ja' jech chac c'u cha'al ca' ti chapalic lec c'alal chbatic ta paspleitoe. Oy scoronail sjolic pasbil ta c'anal taq'uin yilel. Li satique ja' jech chac c'u cha'al sat cristiano.

Jueces 7:12

Li madianetic, li amalequetic, xchi'uc li cristianoetic talemic ta stuq'uil sloq'ueb c'ac'ale te lamalic scotolic ta stenlejal, pero bats'i epic ta jyalel jech chac c'u cha'al c'ulub. Xchi'uc bats'i ep li scamelloique jech chac c'u cha'al epal yi'tic ta ti'nab.