Apocalipsis 9:21 - Bible in Tzotzil de Chenalhó with Deuterocanon

²¹ Jech noxtoc muc scomtsanic li milvaneje, li ac'chamele, li mulivajele, xchi'uc li eleq'ue.

Tzotzil Zinacantan

²¹ Muc xictaic noxtoc li milvaneje, li acꞌchamele, li saꞌantse, li saꞌvinique, li eleqꞌue.

Bible in Tzotzil de Chamula

²¹ Mi ja'uc laj yicta sbaic ta milvanej, ta ac'-chamel, ta mulivajel, ta elc'ajel.

Tzotzil San Andres

²¹ Pero mi jaꞌuc muc bu xictaic o li milvaneje, schiꞌuc li qꞌuelvaneje, schiꞌuc li mulivajele, schiꞌuc li eleqꞌue.

Tzotzil de Huixtán

²¹ Muc sutes yo'ntonic ti oy smulique yu'un ti imilvanique, ti laj spasbe yabtel ti jpicch'ich'e, ti imulivajique, ti i'elc'ajique.

Apocalipsis 9:21 Iomraidhean Croise

Isaías 47:12

Ja' apatoj o avo'nton yu'un li epal jmac-j'ilc'opetic avu'une xchi'uc li epal j'ac'chameletic avu'une, yu'un ta avololal ono'ox ja' toj lec laj ava'ay. Jq'ueltiquic me xu' chascoltaicot, jq'ueltiquic me xu tsibtasic batel li avocole.

Isaías 47:9

Pero xcha'chopal chc'ot ta atojol ta anil ta jun no'ox c'ac'al; chacom ta me'on ants, xchi'uc mu'yuc avol chcom o. Chava'ibe lec c'u x'elan yipal, ac'o me toj ep jmac-j'ilc'opetic avu'un, ac'o me toj ep jpicch'ich'etic avu'un.

Isaías 57:3

La'ic li'i, xnich'nab j'ac'chameletic, vo'oxuc ti la'ayinic ta sventa jmulavil vinic, jmulavil antse:

Daniel 11:33

Li jchanubtasvanejetic te ta lume ep boch'otic ta sbijubtasic, pero c'alal ch-ech' jayibuc c'ac'ale, ta xich'ic milel, ta xich'ic chiq'uel ta c'oc', ta xich'ic chuquel batel ta yan banamil, xchi'uc chich'ic pojbel c'usitic oy yu'unic.

Malaquías 3:5

Li Muc'ul Dios ti tspas ta mantal scotol te ta vinajele jech chal: “Vu'un chtal jchapanoxuc. Vu'un ta jva'an jba ta testigo ta scontrainel li j'ac'chameletique, li jmulaviletique, li boch'otic tst'abbeic sbi Dios c'alal ch-epalc'opojique, xchi'uc li boch'otic tslo'laic j'abtel yu'unique, xchi'uc li boch'otic abul sba yu'unic me'on antsetic, xchi'uc me'on ololetique, xchi'uc li boch'o mu'yuc tuc' c'usi tspasbeic yanlumetique, ti solel mu'yuc jxi'elal cha'yic oe”, xi li Muc'ul Diose.

San Mateo 15:19

Yu'un ta yut yo'nton cristiano ta xlic tal li c'usi chopol tsnope, li milvaneje, li mulivajele, li c'opanejbaile, li eleq'ue, li epalc'ope, li xchopolc'optael yantique.

2 Corintios 12:21

C'alal chic'ot ta atojolique, chcat co'nton me chac' q'uexovcun avu'unic li Diose, xchi'uc me persa chc'ot coc'ta li boch'otic vo'one ono'ox lic sa' tal smulique, me yoquel mu'yuc sutesoj o yo'ntonic ta sventa li c'usitic chopole, me mu'yuc scomtsanojic o li mulivajele xchi'uc li c'usitic tsc'an sbec'talique.

Gálatas 5:20

yich'el ta muc' c'usitic mu ja'uc Dios, ac'chamel, contrainvanej, liquesejc'op, ti'o'ntavanej, sbic'tal o'ntonal, tsalbail, voc'bail, sa'el c'usi lec ta ch'unel chca'itic,

Apocalipsis 13:13

Jech noxtoc la spas muc'tic sq'uelubiltac. Xchi'uc ivu' yu'un laj yac' yaluc tal c'oc' ta vinajel te ta sat li cristianoetique.

Apocalipsis 13:15

Jech noxtoc i'ac'bat svu'el, yu'un ac'o yac'be yich' ic' li sloc'obal ba'yuc jti'vanej bolome, yu'un jech ac'o c'opojuc. Jech xu' chal mantal ti ac'o milatuc scotol li boch'otic mu xich'ic ta muq'ue.

Apocalipsis 13:7

I'ac'bat svu'el sventa tspas pleito xchi'uc li boch'o voc'bilic yu'un Dios li' ta banamile, jech ivu' yu'un la stsal. Jech noxtoc i'ac'bat sventain li cristianoetic ta jujuchop sts'unubal, ta jujun lum, ta jujuchop c'op, xchi'uc ta jujun banamile.

Apocalipsis 14:8

Ital chi'inatuc yu'un xchibal j'almantal, jech c'ot yal: “Ilom xa, ilom xa li Babiloniae, ja' li muc'ta lume. Ja' ti laj yac'be yuch' pox scotol cristianoetic ta jujun banamile, ja' li c'usitic chopol tsc'an sbec'tal ti chac' licuc sc'ac'al yo'nton Diose”, xi.

Apocalipsis 16:6

Yu'un li boch'otic la smalbeic xch'ich'al avu'untaque xchi'uc li avaj'alc'optaque laj xa avac'beic ch'ich' yuch'ic ec. Ja' jech stojol tsc'anic”, xi.

Apocalipsis 17:2

Ja' ti imulivaj xchi'uc li ajvaliletic ta banamile. Jech noxtoc li jnaclumetic ta banamile xco'laj xchi'uc yacuben xchi'uquic li mulil ti tsc'an li antse”, xiyutun.

Apocalipsis 17:4

Li antse slapoj yax'elan c'u'il, xchi'uc tsoj. Lec sc'ac'ubtasoj sba ta puru c'anal taq'uin, xchi'uc ta ton ti c'upilic sbae, xchi'uc ta perlaetic. Stsacoj jun bis pasbil ta c'anal taq'uin nojem ta c'usitic toj chopolic chil Dios, xchi'uc ta xchopolil li mulivajel tspase.

Apocalipsis 17:5

Ts'ibabil jun biil ta sti'ba ti mu xca'ibetic smelole, jech chal: “Vu'un muc'ta lum Babiloniaun, vu'un sme'un li jmulavil antsetique, xchi'uc scotol li c'usitic toj chopol chil Dios li' ta banamile”, xi ts'ibabil.

Apocalipsis 18:3

Yu'un scotol cristianoetic ta jujun banamil laj yac'be yuch' li sbel sbis ti nojem ta mulivajeletic yu'une. Scotol li ajvaliletic ta banamile imulivajic xchi'uc. Scotol li jchonolajeletic, li jmanulajeletique ipasic ta jc'ulej xchi'uquic li c'usitic c'upil cha'ay ti mu'yuc spajebe”, xi li j'almantale.

Apocalipsis 19:2

Yu'un li stuque tuc' chchapanvan, melel c'usi chal. Yu'un laj xa yac'be stoj smul li jmulavil ants ti la soques scotol banamil ta scoj li mulivajel tspase. Laj xa spacbe sutel ta sventa ti imilbat li yajtuneltaque”, xiic.

Apocalipsis 21:8

Yan li me' jxi'eletique, li boch'otic mu xiyich'icun ta muq'ue, li boch'otic toj chopol c'usitic tspasique, li jmilvanejetique, li jmulaviletique, li j'ac'chameletique, li boch'otic chich'ic ta muc' c'usitic mu ja'uc Diose, xchi'uc scotol li j'epalc'opetique, ja' chjipatic ochel ta muc'ta c'oc' tsanbil ta azufre. Le'e ja' xchibal velta lajel”, xiyutun.

Apocalipsis 22:15

Yan li boch'o toj chopolique, li j'ac'chameletic jtuch'-oraetique, li jmulaviletique, li jmilvanejetique, xchi'uc li boch'otic chich'ic ta muc' c'usitic mu ja'uc Diose, xchi'uc scotol li boch'otic lec cha'yic puru epalc'ope, mu xu' ch-ochic ta lum.

Apocalipsis 9:20

Pero li cristianoetic ti c'u yepal cuxul icomic ta scoj li vocol le'e, me jutuc muc sutes yo'ntonic. Muc scomtsanic o yich'el ta muc' li c'usitic pasbil ta sc'obique. Muc scomtsanic yich'el ta muc' li pucujetique xchi'uc li sloc'obal sdiosic pasbilic ta c'anal taq'uin, ta saquil taq'uin, ta cobre, ta ton, ta te', ti mu xilic osile, ti mu xa'yic c'ope, ti mu xanovique.