Apocalipsis 9:18 - Bible in Tzotzil de Chenalhó with Deuterocanon

¹⁸ Li oxchop c'usi chloc' ta yeic li ca'etique jutuc xa mu sta o'lol la smilic o li cristianoetic ta sbejel banamile. Ja' ichamic o ta scoj li c'oq'ue, li ch'ayile, xchi'uc li azufree.

Tzotzil Zinacantan

¹⁸ Li crixchanoetic ta sjunlej balamile jutuc xa mu oꞌloluc ilaj ta cꞌocꞌ, ta chꞌail, ta asuvre ti ilocꞌ ta ye ti caꞌetique.

Bible in Tzotzil de Chamula

¹⁸ Ti oxch'ac jnaclejetic ta banomile, chamic jch'ac ta scoj ti oxtos vocol ta xloc' talel ta ye ti ca'etique: ti c'oq'ue, ti ch'aile, ti azufree.

Tzotzil San Andres

¹⁸ Li crixchanoetic ta spꞌejel li balumile jutuc xa muc xlaj oꞌlol ta scoj li cꞌoqꞌue, schiꞌuc li chꞌaile, schiꞌuc li azufre ti ilocꞌ ta yeic li caaꞌetique.

Tzotzil de Huixtán

¹⁸ Hech yu'un ti c'u yepal ti crixchanoetique ti jujutose, jutuc mu sta o'lol imilat. Hech laj spasbe ti jujutos ti crixchanoetique. Ja' imilatic yu'un ti c'oq'ue xchi'uc ti ch'ayile xchi'uc ti azufree ti iloc' ti ye ti ca'etique.

Apocalipsis 9:18 Iomraidhean Croise

Apocalipsis 8:10

C'alal la sjupan yoq'ues li yoxibal j'almantale, ibaj tal jbej muc'ta c'anal, tsanal iyal tal jech chac c'u cha'al toj. Jutuc muc sta o'lol la smac ta scotol li uc'umetique xchi'uc li nio'etique.

Apocalipsis 8:11

Li c'anale ch'ail vomol sbi. Jutuc mu o'loluc ich'aub ta scotol li vo'etique. Jech ep cristianoetic ichamic ta scoj xch'ail li vo'e.

Apocalipsis 8:12

C'alal la sjupan yoq'ues li xchanibal j'almantale, jutuc xa mu sta o'lol isoc li c'ac'ale, li ue, xchi'uc li c'analetique. Jutuc mu o'loluc imac xojobalic. Jutuc mu o'loluc imac li sac osil ta c'ac'altique. Ja' jech ta ac'ubaltic noxtoc.

Apocalipsis 8:7

C'alal la sjupan yoq'ues li sba j'almantale, ital ep bot ta banamil, xchi'uc c'oc' capal ta ch'ich'. Jutuc xa mu sta o'lol ic'ac' li te'etique xchi'uc li yaxal ts'i'laletique.

Apocalipsis 8:8

C'alal la sjupan yoq'ues li xchibal j'almantale, laj quil ijipat ochel ta nab xco'laj xchi'uc jun muc'ta vits, xpulpun sc'ac'al. Jutuc xa mu o'loluc ic'ataj ta ch'ich' li nabe.

Apocalipsis 8:9

Jech noxtoc jutuc xa mu o'loluc icham li c'usitic cuxajtic ta nabe, xchi'uc jutuc mu o'loluc ilaj ta scotol li barcoetique.

Apocalipsis 9:15

Jech icoltaatic li chanib j'almantal chucajtique. Le'e chapalic sventa chbat smilic cristianoetic ta sbejel banamil. Ja' no'ox tsmalabeic yorail, sc'ac'alil, yual, sjabilal, jech jutuc mu sta o'lol la smilic ta scotol li cristianoetique.

Apocalipsis 9:17

Li ca'etique xchi'uc li boch'otic cajajtic laj quil ta jch'ulele oy smac yo'ntonic, tsoj jech chac c'u cha'al c'oc'. Ja' jech sbon jech chac c'u cha'al zafiro ton xchi'uc azufre. Li sjol sca'ique xco'laj xchi'uc sjol león. Chloc' c'oc' xchi'uc ch'ayil xchi'uc azufre ta yeic.

Apocalipsis 9:19

Yu'un li ca'etique oy svu'el ta yeic xchi'uc ta sneic. Yu'un li sneique ja' jech chac c'u cha'al jti'val chon. Oy sjol jech xu' chti'vanic o.