Apocalipsis 9:16 - Bible in Tzotzil de Chenalhó with Deuterocanon

¹⁶ Laj ca'ay c'u yepal li yajsoldadoic cajajtic ta ca'e, ja' lajunvinic millón (200,000,000) ta scotol.

Tzotzil Zinacantan

¹⁶ Li chanvoꞌ anjele oy yajsolteroic cajajtic ta caꞌ. Icaꞌi cꞌu yepal li yajsolteroique, doscientos millón ta scotole.

Bible in Tzotzil de Chamula

¹⁶ Laj jta ta a'yiel c'u yepal oy ti yajsoldadotaque, ja' lajunvinic ta millon (200,000,000) ti ta ca' ta xanavique.

Tzotzil San Andres

¹⁶ Li chanvoꞌique oy yajsoltaroic naca cajajtic ta caaꞌ. Icaꞌi cꞌu yepal li yajsoltaroique, jaꞌ lajunvinic millón (200,000,000) ta scotol.

Tzotzil de Huixtán

¹⁶ Ep xchi'iltac ti chanvo'ique. Cajajtic ti ca' ti xchi'iltaque. Laj ca'i jayvo'. Ja' chib ciento millón. Ep ti jyalel.

Apocalipsis 9:16 Iomraidhean Croise

Salmos 68:17

Li Diose ta millón no'ox oy yu'un li caretaetic sventa pleitoe; li Cajvaltique te chtal ta Sinaí yo' bu oy li xch'ulnae.

Ezequiel 23:6

ti ic'ic'tic sba stsajal sc'u'ique. Scotolic le'e ja' jpasmantaletic, ja' banquilal soldadoetic; puru queremetic lec c'upilic sba, xchi'uc puru cajajtic ta ca' chanovic.

Ezequiel 38:4

Vu'un chlic quic'ot batel; ta jxojbot lucluc-taq'uin ta ave. Ta xcac' loc'anic batel achi'uc scotol avajsoldadotac xchi'uc li boch'otic cajajtic ta ca' chanovique. Bats'i epoxuc chabatic, lec chapaloxuc batel acotolic; chavich'ic batel biq'uit muc' amacubbailic xchi'uc avespadaic.

Daniel 11:40

‘C'alal chc'ot yoraile, li ajvalil ta sure chlic stsac ta pleito li ajvalil ta nortee, pero li ajvalil ta nortee ta xbat yac' jech chac c'u cha'al tsatsal ic'al vo'; chbat xchi'uc epal caretaetic, epal soldadoetic cajajtic ta ca' xchi'uc epal barcoetic. Ta x'och batel ta yosilal; ta xc'ot sbut'iic, ta xjelovic batel.

Daniel 7:10

Te iloc' tal ta stojol jun uc'um, xco'laj xchi'uc c'oc'. Ta mil (1,000) no'ox li boch'otic chtunic ta stojole; ta millón (1,000,000) no'ox li boch'otic te va'alic ta stojole. Li Jchapanvaneje ichoti ta xchotleb; laj yich' jamel li vunetique.

Apocalipsis 5:11

C'alal jq'ueloje, laj ca'ay chc'opoj epal j'almantaletic te ta joyob li chotlebale, xchi'uc ta joyob yo' bu oy li chanibique xchi'uc li chanib xcha'vinic (24) banquilaletique. Li j'almantaletique bats'i ep ta millón ta jyalel.

Apocalipsis 7:4

Laj ca'ay ti c'u yepal i'ac'bat smarcail sti'baique. Ja' chanib xvaxacvinic ta mil (144,000) ta scotol li jaychop smomnich'nab Israele.