Apocalipsis 8:5 - Bible in Tzotzil de Chenalhó with Deuterocanon

⁵ Li j'almantale la stsac li xchic'ubil pome. La snojes ta ac'al ti te oy ta scajleb smoton Diose; la sjip yalel tal li' ta banamil. Jech tsots ibac' chauc, xchi'uc ep c'usitic yan ibac', xchi'uc ivinaj ep sacsevul, xchi'uc ital tsots niquel.

Tzotzil Zinacantan

⁵ Li anjele isnojes ta acꞌal li yav acꞌale. Li acꞌale tey noꞌox ista ta sba xchicꞌobil smoton Riox. Li yav acꞌale isjip yalel tal ta balamil. Cꞌalal ipꞌaje, jaꞌo iꞌavan tajmec chavuc, oy cꞌusi yan xal tajmec noxtoc, xleblajet xa tajmec sactsevul, iꞌechꞌ tsots niquel liꞌ ta balamile.

Bible in Tzotzil de Chamula

⁵ Ti ánjel xtoque laj snojes ta yac'alil c'oc' ti oy ta altar ti yavil ac'ale. Laj sjip yalel talel ta banomil. Xc'avlajet no'ox liquel un. Xvo'o'et ta j'ech'el. Xjaplajet no'ox liquel ti sac tsele xchi'uc ti niquele.

Tzotzil San Andres

⁵ Li chꞌul ángele la snojes ta acꞌal li schicꞌobpome. Li acꞌale te la stsac ta scajleb smoton Dios. Li schicꞌobpome la sjip yalel liꞌ ta balumile. Cꞌalal jech la spase, ep iꞌavan chauc, schiꞌuc oy cꞌustic yan inic, schiꞌuc xleblajet tajmec li chauque, schiꞌuc tsots inic li balumile.

Tzotzil de Huixtán

⁵ Ti ch'ul abate laj stam ti xchic'bil pome, laj snojes ti ac'al. Te laj stam ti sba ti scajaneb ti smoton ti Diose ti ac'ale. C'alal nojem xa ti xchic'bil pome, laj sten yal tal ti balumil li'to. C'alal hech laj spas, i'avan chavuc, oy c'usi tsots ic'opoj uc, chleblej tselov, tsots inic ti balumile.

Apocalipsis 8:5 Iomraidhean Croise

1 Reyes 19:11

Li Muc'ul Diose jech laj yalbe: “Loc'an tal, bat va'an aba lec ta jtojol li' ta vitse”, x'utat. Ja'o te ijelov li Muc'ul Diose, xchi'uc ijelov ven muc'ta ic'. Iloman yu'un li te'etique xchi'uc ivoc'an li muc'tic ch'ene. Pero li Muc'ul Diose mu'yuc te oy ta ic'. C'alal ijelov li iq'ue, ital tsots niquel, pero li Muc'ul Diose mu'yuc te oy c'alal ijelov li niquele.

Salmos 18:13

Li Muc'ul Diose, li Boch'o te oy ta vinajele, ic'opoj tal ta vinajel jech chac c'u cha'al chauc; la syales tal ep botetic xchi'uc tsanajtic ac'aletic.

Éxodo 19:16

Ta yoxibal c'ac'al c'alal isacub osile, xleblajet no'ox sacsevul, ibac' ep chauc, xchi'uc te ivul ta vits pimil toc. Tsots i'oc' oq'ues, jech iniquic ta xi'el scotol li israeletique.

Isaías 30:30

Li Muc'ul Diose chac' ta a'yel li sc'op ti toj ech'em stsatsale, xchi'uc ta sc'ac'al yo'nton, ta yat c'oc', ta epal chauc, ta muc'ta sutub ic', ta chauquil vo', xchi'uc ta muc'tic bot chac' ta ilel li smuc'ul stsatsale.

Isaías 66:6

Chvinaj xch'ijlajet no'ox chbac' tal te ta lum; xc'ulet no'ox chbac' tal ta ch'ulna. Ep c'usi chbac' tal cu'un vu'un li Muc'ul Diosune, yu'un ja' chtal cac'be stojol li cajcontrataque.

Jeremías 51:11

¡Meltsanic lec li aflechaique; chapanic lec li amaquic sventa pleitoe, yu'un li Muc'ul Diose tsc'an ta xules o li Babiloniae! Laj xa stijbe yo'nton noxtoc li ajvaliletic ta Media ti ac'o oyuc ta yo'nton chulesic ec li Babiloniae. Ja' spacol chac' stuc li Muc'ul Diose; ja' tspacbe sutel sc'oplal c'usi laj yich' pasbel li ch'ulna yu'une.

Levítico 16:12

Ts'acal ac'o stsac li xchic'ubil pom nojem ta yac'alil scajleb jmoton te oy ta jtojole xchi'uc cha'jop juch'bil pom ti lec mu yiq'ue; ac'o yich' batel te ta spat yo' bu joc'ol li poq'ue.

Zacarías 14:5

Ja' te chajatovic batel ta stenlejaltic ti cacal ta o'lol yu'un li vitsetique, yu'un li stenlejaltique chc'ot c'alal to ta Azal. Ja' jech chc'ot ta pasel jech chac c'u cha'al lajatovic yu'un niquel ta yorail c'alal tiq'uil ta ajvalilal ta Judá li Usiase. Yu'un li Muc'ul Dios cu'une ta xchi'in tal li boch'otic te oyic ta vinajele.

San Mateo 24:7

Yu'un ta to xlic scontrain sbaic yantic banamil; ta to xlic scontrain sbaic muc'tic ajvaliletic. Ta to xtal tsots vi'nal; ta xjelov niqueletic ta buticuc banamilal.

San Lucas 12:49

“Li vu'une tal cac' tsanuc c'oc' li' ta banamil. Ta jc'an ti oyuc c'uxi tsanuc ta orae.

Hechos 16:26

Jech ta ora no'ox ital tsots niquel. Inic c'alal ta snacleb li chuquinabe. Ta ora ijaman scotol li sti' chuquinabe; isolan loq'uel li cadenaetic ti chucbilic o li jchuqueletique.

Hechos 4:31

C'alal ilaj yo'ntonic ta sc'opanel Diose, inic li na yo' bu tsobolique. Scotolic inoj ta yo'ntonic stsatsal li Ch'ul Espiritue. Jech jamal laj yalic batel li sc'op Diose; mu'yuc xi'el laj ya'yic.

Apocalipsis 11:13

C'alal ja'o jech ic'ot ta pasele, ital tsots niquel. Ep ivuc' li naetic ta lume. Jun ta lajlajuneb ivuc' ta scotol. Li cristianoetique vucmil ichamic ta scoj li niquele. Li yantique ixi'ic ta jyalel; laj yalbeic slequilal li Dios ta vinajele.

Apocalipsis 11:19

Laj quil ijam li ch'ulna yu'un Dios ta vinajele. Te ivinaj li xcaxail smantal Diose, xchi'uc iloc' ep sacsevul, chauquetic, niquel, muc'tic bot, xchi'uc ep c'usitic yan ibac'.

Apocalipsis 4:5

Ta muc'ta chotlebale te chloc' sacsevuletic, xchi'uc xc'ulet no'ox chauquetic. Ta yeloval li chotlebale oy vucub candil te tsanajtic; le'e ja' li vucub espíritu yu'un Diose.

Apocalipsis 6:12

C'alal te jq'ueloje, laj quil ituch' noxtoc li svaquibal spac' vune. Jech laj ca'ay ital tsots niquel. Li c'ac'ale i'ic'ub jech chac c'u cha'al ic'al poc' tslapic ta sventa me'nal. Li ue itsajub sbejlijil jech chac c'u cha'al ch'ich'.

Apocalipsis 8:3

Laj quil iloc' tal yan j'almantal te bat sva'an sba ta stuq'uil scajleb smoton Dios, yich'oj jun xchic'ubil pom pasbil ta c'anal taq'uin. I'ac'bat ep pom sventa tscapbe ta sc'opic c'alal tsc'opanic Dios li boch'otic tuc' yo'ntonic li' ta banamile. Te bat yac' ta scajleb smoton Dios ti pasbil ta c'anal taq'uin te oy ta stuq'uil chotlebale.