Apocalipsis 8:3 - Bible in Tzotzil de Chenalhó with Deuterocanon

³ Laj quil iloc' tal yan j'almantal te bat sva'an sba ta stuq'uil scajleb smoton Dios, yich'oj jun xchic'ubil pom pasbil ta c'anal taq'uin. I'ac'bat ep pom sventa tscapbe ta sc'opic c'alal tsc'opanic Dios li boch'otic tuc' yo'ntonic li' ta banamile. Te bat yac' ta scajleb smoton Dios ti pasbil ta c'anal taq'uin te oy ta stuq'uil chotlebale.

Tzotzil Zinacantan

³ Tsꞌacal to tal svaꞌan sba otro jun anjel tey ta stuqꞌuil xchicꞌobil smoton ti Rioxe, stomoj yav acꞌal naca oro yilel. Li xchicꞌobil smoton ti Rioxe naca oro yilel uc, tey ta yichon ti Rioxe. Li anjele iꞌacꞌbat ep becꞌtal pom, jaꞌ tscap o xchiꞌuc scꞌopic li muchꞌutic xchꞌamaltac Riox ti sjunul yoꞌonic ta scꞌoponic Riox liꞌ ta sba balamile. Tey ba svuchan ta sba xchicꞌobil smoton Riox.

Bible in Tzotzil de Chamula

³ Tal yan ánjel xtoc ti yich'oj talel yav ac'al meltsanbil ta oroe, bat sva'an sba ta sts'el ti altare. Yepal pom ac'bat yo' jmoj ta xac' jelavel ta altar ti meltsanbil ta oro ti oy ta stuq'uil ti muc' ta chotlebale, jmoj xchi'uc sc'opojel sti'inelic ti buch'u yu'untac ti Diose.

Tzotzil San Andres

³ Ta tsꞌacale tal svaꞌan sba otro jun chꞌul ángel te ta stuqꞌuil scajleb smoton li Diose, yichꞌoj chicꞌobpom pasbil ta cꞌanal taqꞌuin. Li scajleb smoton li Diose pasbil ta cꞌanal taqꞌuin eꞌuc. Te oy ta stuqꞌuil li yoꞌ bu chotol li Diose. Li chꞌul ángele iꞌacꞌbat ep pomriox yoꞌ ta scapbe ta scꞌopic li buchꞌutic snichꞌnabtac Dios ti jun yoꞌonic ta staic ta naꞌel Dios li liꞌ ta balumile. Te ba sjuchan ta scajleb smoton li Diose.

Tzotzil de Huixtán

³ Hech yu'un ital yan ch'ul abat. Tal sva'an sba ti stojol ti scajaneb smoton ti Diose. Te oy ti stojol ti Diose ti scajaneb smotone. Ja' pasbil ti c'anal taq'uin. Ti ch'ul abate stsacoj ti sc'ob xchic'bil pom pasbil ti c'anal taq'uin uc. I'ac'bat ep pom yu'un tscap xchi'uc ti sc'op ti much'utic lecubtasbil yo'ntonic yu'un ti Diose ti yac'oj sba tsc'oponic ti Diose li' ti balumile. Hech yu'un te laj xvaxan te ti sba ti scajaneb smoton ti Diose.

Apocalipsis 8:3 Iomraidhean Croise

1 Reyes 7:50

li svasoaltaque, li xtuch'ubiltac xmechaile, li muc'tic tazaetique, li muc'tic cucharaetique, xchi'uc li xchic'ubiltac pome. Ja' ta puru c'anal taq'uin pasbil scotol. Li stsacleb smac bats'i lequil ch'ul cuartoe xchi'uc li stsacleb smac ch'ulnae ja' ta c'anal taq'uin pasbil.

Salmos 141:2

Ac'o muyuc c'alal ta atojol li jc'ope, muetuc no'ox jech chac c'u cha'al c'alal chich' chiq'uel pom. Li jc'ob jtoyoj ta atojole jech ac'o c'otuc jech chac c'u cha'al amoton chich' milel ta jujun mal c'ac'ale.

Éxodo 40:26

Li scajleb xchic'ubil pom pasbil ta c'anal taq'uine te laj yac' ta yut ch'ulna ta yeloval yo' bu joc'ol li poq'ue.

Isaías 6:6

Ta ora ivil tal ta jtojol jun li serafine slats'oj tal ta slats'ubil jbej ac'al lec tsanal, te la stsac tal ta scajleb smoton li Diose.

Ezequiel 41:22

Li scajleb smoton Dios pasbil ta te'e ja' o'lol xchibal metro stayalil. Ja' jun metro li snatile. Li xchanjotal xchiquin, li sba yac'ol, xchi'uc li xocon-xocone pasbil ta puru te'. Jech laj yalbun: “Li'i, ja' li mexa ti te ono'ox oy o ta stojol Muc'ul Diose”, xiyutun.

Amós 9:1

Li Muc'ul Diose laj quil te va'al ta sts'el scajleb matanal, jech laj yalbun: “Bat lilino ta voq'uel li xlechlechil sjol oye; ac'o nicuc c'alal ta snacleb, ac'o lilijuc yalel ta sjolic li achi'iltaque. Li boch'otic cuxul to chcomique ta jmilic ta espada. Me junuc mu'yuc boch'o ta xcol; mu'yuc boch'o ta xjatov.

Malaquías 1:11

Yu'un li jbie toj ech'em smuc'ul ta sbejel banamil, xlic ta sloq'uem c'ac'al c'alal to ta smaleb c'ac'al; ta sbejel banamil ta buyuc no'ox chixchic'bicun pom ta jtojol, xchi'uc ja' chiyac'bicun jmotonin ti bu lequique, yu'un toj ech'em smuc'ul jbi ta scotol banamil.

Números 4:11

“Jech noxtoc ac'o smaquic ta yax'elan poc' li scajleb jmoton pasbil ta c'anal taq'uine. Ac'o xpixic ta lequil nuculetic, xchi'uc te ac'o yaq'uic li ste'eltac sventa xq'uechubile.

San Lucas 1:10

C'alal ochem ta xchiq'uel pome, scotol li cristianoetique te tsobolic ta sc'opanic Dios ta amac'.

Romanos 8:34

¿Boch'o yan xu' chac' jtoj jmultic, yu'un ja' icham ta scoj jmultic stuc li Cristoe? Ma'uc no'ox, icha'cuxi loq'uel ta smuquinal. Te xa oy ta sbats'ic'ob Dios; te chc'opoj cu'untic ta stojol li Diose.

Hebreos 7:25

Jech xu' yu'un lec ts'acal tscolta sbatel osil li boch'otic chnopajic batel ta stojol Dios ta sventae, yu'un cuxul o sbatel osil, jech te chc'opoj o cu'untic ta stojol li Diose.

Hebreos 9:4

Ja' te oy li scajleb xchic'ubil pom pixbil ta c'anal taq'uine, xchi'uc li xcaxail smantal Dios pixbil ta c'anal taq'uin ta yut xchi'uc ta spate. Ja' te tiq'uil li jun bin pasbil ta c'anal taq'uin sventa yavil manavaje. Xchi'uc ja' te tiq'uil noxtoc li snamte' Aarón ti inichine, xchi'uc li cha'pech ton yo' bu ts'ibabil smantaltac Diose.

Apocalipsis 10:1

Laj quil iyal tal ta banamil yan j'almantal ech'em stsatsal. Pixil ta toc iyal tal, xchi'uc oy vacnabal ta sjol. Li sate oy xojobal jech chac c'u cha'al xojobal c'ac'al. Li yacane ja' jech chac c'u cha'al natiquil yat c'oc'.

Apocalipsis 14:18

Ts'acal iloc' tal yan j'almantal noxtoc te ta scajleb smoton Dios; ja' sventainoj li c'oq'ue. Tsots laj yapta li boch'o yich'oj sjoz ti oy lec yee, jech laj yalbe: “Tuch'o ta ajoz li ts'usub ta banamile, yu'un yorail xa chich' tuch'el, yu'un toc'on xa scotol”, xut.

Apocalipsis 5:8

C'alal laj yich' li vune, li chanibique xchi'uc li chanib xcha'vinic (24) banquilaletique la spatan sbaic ta stojol li Ch'ium Chije. Li chanib xcha'vinic (24) banquilaletique yich'anoj jujun yarpaic xchi'uc jujun stazaic pasbil ta c'anal taq'uin nojic ta pom. Ja' senyail sc'opic c'alal tsc'opanic Dios li boch'otic voc'bilic yu'un Diose.

Apocalipsis 6:9

C'alal ituch' li yo'bal spac' vune, laj quil te oyic ta yolon scajleb smoton Dios xch'ulelic li boch'otic imilatic ta sventa sc'op Diose, xchi'uc ta sventa ti jamal laj yalic ti xch'unojique.

Apocalipsis 7:2

Jech noxtoc laj quil yan j'almantal iloc' tal ta sloq'ueb c'ac'al, ja' yich'ojbe li sello yu'un cuxul Diose. Tsots laj yapta li chanib j'almantaletic ac'bil tsots svu'elic sventa tsoquesic li banamil xchi'uc nabe.

Apocalipsis 8:4

Li xch'ayilal pom la xchic' j'almantale tuc' imuy batel ta stojol li Diose. Te capal imuy batel xchi'uc sc'opic li boch'otic tuc' yo'ntonique.

Apocalipsis 8:5

Li j'almantale la stsac li xchic'ubil pome. La snojes ta ac'al ti te oy ta scajleb smoton Diose; la sjip yalel tal li' ta banamil. Jech tsots ibac' chauc, xchi'uc ep c'usitic yan ibac', xchi'uc ivinaj ep sacsevul, xchi'uc ital tsots niquel.

Apocalipsis 9:13

Li svaquibal j'almantale la sjupan ec li yoq'uese. C'alal la sjupane, laj ca'ay oy boch'o chc'opoj te ta o'lol li chanib xulub scajleb smoton Dios pasbil ta c'anal taq'uin te oy ta stojol Diose.