Apocalipsis 8:13 - Bible in Tzotzil de Chenalhó with Deuterocanon

¹³ C'alal te jq'ueloje, ja' to laj quil te xvilet ta o'lol vinajel jun xic. Tsots i'avan, jech laj yal: “¡Ay, ay, ay! Toj abul sbaic li boch'otic te nacajtic ta banamil c'alal tsjupan yoq'uesic li yan oxib j'almantaletic ti quechel toe”, xi.

Tzotzil Zinacantan

¹³ Tsꞌacal to iquil tey xvilet ta vinajel jun anjel. Iꞌavan: ―Li muchꞌutic tey nacajtic ta balamile abol sbaic tajmec cꞌalal xoqꞌuesin scornetaic li otro oxvoꞌ jchiꞌiltaque, yuꞌun más to tsots li castico ta xtale ―xi.

Bible in Tzotzil de Chamula

¹³ Laj taj une, laj quil xvilet talel jun xic ta o'lol vinajel ti xi tsots ta xal laj ca'ie: “Mu xa ono'ox cha'bel un ma' ti jnaclejetic ta banomil c'alal ta xoq'uisan yoq'uesic ti yan oxib anjeletique.”

Tzotzil San Andres

¹³ Ta tsꞌacal iquil te xvilet ta oꞌlol vinajel jun chꞌul ángel. Tsots icꞌopoj, jech laj yal: ―Li buchꞌutic te nacalic ta balumile toj abol sbaic li cꞌalal ta sjupan yoqꞌuesic li otro oxvoꞌ jchiꞌiltaque, yuꞌun más to tsots li vocol ti chtale ―xi.

Tzotzil de Huixtán

¹³ Laj quil te oy jcot xic chvil batel te ti o'lol vinajel. Tsots lic c'opojuc. Hech laj yal: ―Uts sbaic ti much'utic nacajtic te ti balumile yu'un más ep chlic yich'ic vocol c'alal mi laj yoq'uesanic scornetaic ti yan oxvo' ti ch'ul abatetique ―xchi.

Apocalipsis 8:13 Iomraidhean Croise

Salmos 103:20

Albeic slequilal Muc'ul Dios vo'oxuc li yaj'almantaloxuque ti oy avu'elic, ti lec xu' avu'unique, ti chach'unic, ti chapasic scotol li c'usitic chayalboxuque.

Ezequiel 2:10

La xlich'bun jq'uel li vune; laj quil ts'ibabil lec ta xcha'jotal. Ja' te ts'ibabil sc'oplal xc'uxul vocol, oq'uel, xchi'uc avanel.

Hebreos 1:14

Yu'un li j'almantaletique ja' no'ox chtunic yu'un Dios. Tacbilic no'ox yu'un Dios, yu'un ac'o bat scoltaic li boch'otic sc'oplal chcolic sbatel osile.

Apocalipsis 11:14

Li xchibal velta vocole ijelov xa. Ta xa xtal noxtoc li yoxibal veltae.

Apocalipsis 12:12

Ja' yu'un cuxetuc no'ox avo'nton, vinajel, xchi'uc vo'oxuc ti te oyoxuque. Ja' toj abul abaic vo'oxuc ti te to nacaloxuc ta banamil xchi'uc ta nabe, yu'un iyal o tal ta atojolic li banquilal pucuje. Ilinem ta ora, yu'un sna' ti mu xa jaluc ch-abteje”, xi.

Apocalipsis 14:3

Tsq'uejintaic jun ach' q'ueoj te yo' bu chotol li Diose, xchi'uc ta stojol li chanibique, xchi'uc ta stojol li chanib xcha'vinic (24) banquilaletique. Mu'yuc boch'o yan xu' chchan li q'ueoje. Ja' no'ox stuc xchanojic li chanib xvaxacvinic ta mil (144,000) icolic loq'uel ta stojol cristianoetic li' ta banamile.

Apocalipsis 14:6

Ts'acal laj quil yan j'almantal te xvilet ta toyol ta vinajel. Ja' te yich'oj li Lequil A'yej sventa sbatel osil, yu'un ja' chcholbe scotol jnaclumetic ta jujun banamil, ta jujuchop sts'unubalic, ta jujuchop c'op, xchi'uc ta jujun lum.

Apocalipsis 19:17

Ts'acal laj quil jun j'almantal te va'al ta c'ac'al. Tsots laj yapta scotol li xulemetique: “La'ic, tsobo abaic tal acotolic, yu'un chayac'boxuc ep ave'elic li Diose.

Apocalipsis 3:10

Ta sventa ti laj achabi ta avo'ntonic ti laj calboxuc tsc'an chcuch avu'unic vocole, ja' no'ox jech ec li vu'une chajchabioxuc ti c'alal tsta yorail chcac'be svocol scotol li cristianoetic ta sbejel banamile ti c'alal chich' q'uelbel c'u x'elan yo'ntonique.

Apocalipsis 8:2

Laj quil i'ac'bat yoq'uesic li vucub j'almantaletic te va'ajtic o ta stojol Diose.

Apocalipsis 9:1

C'alal la sjupan yoq'ues li yo'bal j'almantale, laj quil bajem tal ta banamil jbej c'anal. Ja' i'ac'bat sllavial li natil xabe.

Apocalipsis 9:12

Li sba velta vocole ijelov xa. Pero sc'an to yan chib velta.