Apocalipsis 8:12 - Bible in Tzotzil de Chenalhó with Deuterocanon

¹² C'alal la sjupan yoq'ues li xchanibal j'almantale, jutuc xa mu sta o'lol isoc li c'ac'ale, li ue, xchi'uc li c'analetique. Jutuc mu o'loluc imac xojobalic. Jutuc mu o'loluc imac li sac osil ta c'ac'altique. Ja' jech ta ac'ubaltic noxtoc.

Tzotzil Zinacantan

¹² Li xchanvaꞌal anjele iyoqꞌuesin scorneta uc. Cꞌalal iyoqꞌuesine, jutuc xa mu oꞌloluc imac sat li cꞌacꞌale, xchiꞌuc li jchꞌulmeꞌtique, xchiꞌuc li cꞌanaletique; icꞌ laj comuc. Li cꞌacꞌale muc xacꞌ lec xojobal. Jaꞌ noꞌox yech li jchꞌulmeꞌtic uque xchiꞌuc li cꞌanaletic uque, muc xacꞌ lec xojobal ta acꞌubaltique.

Bible in Tzotzil de Chamula

¹² C'alal laj yoq'uisan yoq'ues ti xchanibal anjele, ti oxch'ac sat c'ac'ale, soc jch'ac. Ti oxch'ac sat ue, soc jch'ac. Ti oxch'ac c'anale, soc jch'ac. Jech o xal ti oxch'ac taje, ic'uneb jxet' yo' mu xac' xojobal ta c'ac'altic, mi ja'uc ta ac'ubaltic.

Tzotzil San Andres

¹² Li schanvaꞌal chꞌul ángele la sjupan eꞌuc li yoqꞌuese. Jaꞌ o imac li cꞌacꞌale, schiꞌuc li ue, schiꞌuc li cꞌanaletique. Jutuc muc xmac oꞌlol li xojobalique. Li cꞌacꞌale muc bu xacꞌ lec xojobal ta cꞌacꞌaltic. Jaꞌ noꞌox jech eꞌuc li ue schiꞌuc li cꞌanaletique, muc bu xacꞌ lec xojobalic ta acꞌubaltic.

Tzotzil de Huixtán

¹² Ti xchanibal ch'ul abate lic yoq'uesan uc ti scornetae. Hech jutuc mu sta o'lol itup' squeval ti c'ac'ale, ti ue, ti c'analetique. Hech iyam squeval ti c'ac'ale ti c'ac'altic. Ja' no'ox hech iyam squeval ti ac'ubaltic ti ue ti c'analetique.

Apocalipsis 8:12 Iomraidhean Croise

Isaías 13:10

Li c'analetic ta vinajel xchi'uc li jujutsob c'analetique mu xa xac' xojobalic. Li c'ac'al c'alal ja' to no'ox chloc' tale, ta ora ch-ic'ub; li ue mu xa xac' xojobal noxtoc.

Isaías 24:23

C'alal chlic abtejuc jech chac c'u cha'al muc'ta ajvalil te ta vits Sión ta Jerusalén li Muc'ul Dios ti ech'em svu'ele, chlic macuc xojobal li u xchi'uc c'ac'ale; li banquilaletic te ta lum yu'une ta xilbeic slequilal yutsilal li Muc'ul Diose.

Jeremías 4:23

C'alal la jq'uel li banamile, ja' to laj quil ti xch'ijan, ti yavnaijem oe; c'alal la jq'uel noxtoc li vinajele, mu'yuc xa c'usi yac'oj xojobal o.

Joel 2:10

Ta xnic yu'unic li banamile, xchi'uc ta xnic li vinajele; ta x'ic'um li c'ac'al xchi'uc li ue, li c'analetique mu xa xac' xojobal noxtoc.

Joel 2:31

Ta x'ic'um li c'ac'ale, ta stsajub li ue., Le'e muc to ja'uc smuc'ta c'ac'alil Muc'ul Dios ti toj xi'bal sbae”, xi li Muc'ul Diose.

Joel 3:15

Li c'ac'al xchi'uc li ue ta xlic ic'ubicuc; li c'analetique mu'yuc xa chac' xojobalic noxtoc.

Amós 8:9

Jech chal li Cajvaltic Diose: “C'alal me la sta sc'ac'alil le'e, ta xcac' ic'ubuc osil ta o'lol c'ac'al no'ox; c'alal lec to sac li osile, ta xlic ic'ubuc li banamile.

San Mateo 24:29

“C'alal ja' to no'ox ch-ech' scotol li vocol laj calboxuque, ta ora no'ox ta x'ic'ub li c'ac'ale., Mu'yuc chac' xojobal li ue. Li c'analetique ta xbajan yalel tal. Ta xnic scotol li c'usitic oy svu'elic ta toyole.

San Mateo 27:45

C'alal ista o'lol c'ac'ale, i'ic'ub osil. Ic' icom c'alal to ta o'lol syalel c'ac'al.

Marcos 13:24

“C'alal me i'ech' scotol li vocoletic laj calboxuque, ja'o ta x'ic'ub li c'ac'ale., Mu'yuc ta xac' xojobal li ue.,

Marcos 15:33

C'alal o'lol xa'ox c'ac'ale, i'ic'ub osil ta scotol li banamile. Ic' icom c'alal to ta o'lol syalel c'ac'al.

San Lucas 21:25

“Jech noxtoc ta xvinaj sq'uelubil ta c'ac'al, ta u, xchi'uc ta c'analetic. Li' ta banamile toj ep svocolic li cristianoetique. Chbat xch'ulelic ta sventa ti toj tsots ta xbac' li nabetique xchi'uc ti toj tsots ta syuq'uilan sbae.

Hechos 2:20

Ta x'ic'ub li c'ac'ale; ta stsajub li ue. Le'e muc to ja'uc sc'ac'alil li Cajvaltic ti toj muc' sc'oplal, toj tsots sc'oplale.

2 Corintios 4:4

Ti jech mu xch'unique, yu'un ja' macbil yo'ntonic yu'un li yajval banamile. Yu'un jech mu x'och xojobal ta stojolic li Lequil A'yej ta sventa li Jesucristo ti jun oyic xchi'uc Diose.

Apocalipsis 12:4

Ta sne la smec yalel tal jutuc mu o'loluc li c'analetic ta vinajele; la sjip yalel c'alal to ta banamil. Li chone te cotol ic'ot ta sts'el li ants ti ta xa xcuxe, yu'un tsmala chvoc' li yole, yu'un tsc'an tsti' ta ora.

Apocalipsis 16:10

Li yo'bal j'almantale bat smal yo' bu xchotleb jti'vanej bolom li sbel stazae, jech i'ic'ub osil ta scotol ti bu tspas mantale. Li cristianoetique te tsti'ilan yoq'uic ta scoj xc'uxul li chin ch'iem ta sbec'talique.

Apocalipsis 6:12

C'alal te jq'ueloje, laj quil ituch' noxtoc li svaquibal spac' vune. Jech laj ca'ay ital tsots niquel. Li c'ac'ale i'ic'ub jech chac c'u cha'al ic'al poc' tslapic ta sventa me'nal. Li ue itsajub sbejlijil jech chac c'u cha'al ch'ich'.

Apocalipsis 9:15

Jech icoltaatic li chanib j'almantal chucajtique. Le'e chapalic sventa chbat smilic cristianoetic ta sbejel banamil. Ja' no'ox tsmalabeic yorail, sc'ac'alil, yual, sjabilal, jech jutuc mu sta o'lol la smilic ta scotol li cristianoetique.

Apocalipsis 9:18

Li oxchop c'usi chloc' ta yeic li ca'etique jutuc xa mu sta o'lol la smilic o li cristianoetic ta sbejel banamile. Ja' ichamic o ta scoj li c'oq'ue, li ch'ayile, xchi'uc li azufree.