Apocalipsis 8:1 - Bible in Tzotzil de Chenalhó with Deuterocanon

¹ C'alal la xtuch' svucubal spac' vun li Ch'ium Chije, ich'abi scotol te ta vinajel; oy van o'loluc ora mu'yuc c'usi xbac'.

Tzotzil Zinacantan

¹ Li chꞌiom tot chije istotsbe li svucubal xa spaqꞌue. Cꞌalal istotse, oꞌlol nan ora xchꞌijyan tey ta vinajele.

Bible in Tzotzil de Chamula

¹ C'alal ti jcot ta Uni Chij laj stots loq'uel ti yucubal seyo yich'oj ti balbil vune, sts'ijlajan com ti vinajele, nopol o'loluc ora.

Tzotzil San Andres

¹ Li chexel chije la stuchꞌ li sjucubal spacꞌ li june. Cꞌalal la stuchꞌe, oꞌlol nan ora muc buchꞌu xcꞌopoj li te ta vinajele.

Tzotzil de Huixtán

¹ C'alal laj xtuch' ti sucubal selloe ti Ch'iom Carneroe, o'lol ora ich'aniic scotolic te ti vinajele. Mu'yuc much'u ic'opojic.

Apocalipsis 8:1 Iomraidhean Croise

Job 4:16

Laj quil te va'al ta stuq'uil jsat xco'laj xchi'uc nac'ubalil yilel, pero muc xcotquin boch'o. Te ch'anxi oy; ts'acal laj ca'ay jech laj yal:

Salmos 37:7

Mu me xac'opojic ta stojol li Muc'ul Diose; malao ava'yic c'u x'elan chascoltaoxuc. Mu xa'ilinic ta stojol li boch'o oy c'usi lec tsta ti chopol c'usi tspase.

Salmos 62:1

Ja' no'ox ta sventa Dios ti jun no'ox co'ntone, yu'un ja' te chlic tal ta stojol li jcoltaele.

Habacuc 2:20

Yan li Muc'ul Diose te oy ta xch'ulna; ch'anxi lamal ta stojol sbejel li banamile.

Zacarías 2:13

Ac'o ch'anxiuc scotol cristianoetic ta stojol li Muc'ul Diose, yu'un totsem xa tal ti bu xch'ul naclebe.

San Mateo 27:66

Jech ibatic, bat smeltsanbeic lec li smuquinale. La spaq'uic lec comel li muc'ta tone; laj yac'beic lec comel senyail. Te laj yac'beic comel xchabiic li soldadoetique.

Apocalipsis 5:1

Li boch'o te chotol ta muc'ta chotlebale laj quil te stsacoj ta sbats'ic'ob jlic balbil vun ts'ibabil ta spat xchi'uc ta yut. Ac'bil lec vucub spac'.

Apocalipsis 5:9

La sq'uejintaic jun ach' q'ueoj, jech chal: “Vo'ot no'ox atuc puru lec c'usi apasoj ti ivu' avu'un laj avich' li vune, xchi'uc xu' avu'un chatuch'be li spaq'ue. Yu'un vo'ot laj avich' milel. Ta ach'ich'al laj aman sventa chc'otic ta yu'untac Dios li cristianoetic ta jujuchop sts'unubal, ta jujuchop c'op, ta jujun lum, xchi'uc ta jujun banamile.

Apocalipsis 6:1

Li Ch'ium Chije laj quil la xtuch' li sba vucub spac' balbil vune. C'alal la xtuch'e, laj ca'ay ic'opoj jun li chanib c'usi cuxajtique. Li snuq'ue ja' jech chac c'u cha'al xbac' chauc. Jech laj yal: “¡La'!”, xut.

Apocalipsis 6:12

C'alal te jq'ueloje, laj quil ituch' noxtoc li svaquibal spac' vune. Jech laj ca'ay ital tsots niquel. Li c'ac'ale i'ic'ub jech chac c'u cha'al ic'al poc' tslapic ta sventa me'nal. Li ue itsajub sbejlijil jech chac c'u cha'al ch'ich'.

Apocalipsis 6:3

C'alal laj yich' tuch'el li xchibal spac' vune, laj ca'ay ic'opoj li xchibal c'usi cuxajtique. Oy boch'o jech laj yalbe: “¡La'!”, xut.

Apocalipsis 6:5

C'alal ituch' li yoxibal spac' vune, laj ca'ay ic'opoj li yoxibal c'usi cuxajtique, jech laj yal: “¡La'!”, xut. La jq'uel, ja' to laj quil te oy jcot ic'al ca'. Li boch'o scajlebinoje stsacoj ta sc'ob jun skilo.

Apocalipsis 6:7

C'alal ituch' li xchanibal spac' vune, laj ca'ay ic'opoj li xchanibal c'usi cuxajtique. Jech laj yal: “¡La'!”, xut.

Apocalipsis 6:9

C'alal ituch' li yo'bal spac' vune, laj quil te oyic ta yolon scajleb smoton Dios xch'ulelic li boch'otic imilatic ta sventa sc'op Diose, xchi'uc ta sventa ti jamal laj yalic ti xch'unojique.