Apocalipsis 7:17 - Bible in Tzotzil de Chenalhó with Deuterocanon

¹⁷ Yu'un ja' chabibilic o yu'un li Ch'ium Chij te oy ta o'lol yo' bu chotol li Diose; ja' ch-ic'atic batel ta nio' sventa cuxlejal. Tscusbat ya'lel satic yu'un li Diose”, xiyutun.

Tzotzil Zinacantan

¹⁷ Yuꞌun jaꞌ ta xchabiatic yuꞌun li chꞌiom tot chije ti tey ta oꞌlol yoꞌ bu chotol li Rioxe, yechꞌo un jun yoꞌonic ta sbatel osil. Ta scusbat yaꞌlel satic yuꞌun li Rioxe, yechꞌo un mu xa xꞌoqꞌuic o ―xiyut li jun mole.

Bible in Tzotzil de Chamula

¹⁷ Yu'un ti jcot ta Uni Chij ti oy ta o'lol bu oy ti muc' ta chotlebale, ta xchabiatic yu'un jech c'u cha'al ti jq'uel-chije, ta x'iq'ueic batel ta sat vo' ti ta xac' cuxlejale, scotol ti ya'lel satique, ta scusbatic loq'uel yu'un ti Diose.

Tzotzil San Andres

¹⁷ Yuꞌun jaꞌ chabibilic o yuꞌun li chexel chij li te oy ta oꞌlol li yoꞌ bu chotol li Diose, jech xmuybajic noꞌox sbatel osil yuꞌun acꞌbilic xa scotol. Ta scusbat yaꞌlel satic yuꞌun li Diose jech mu xa xꞌoqꞌuic o ―xiyut li jun banquilale.

Tzotzil de Huixtán

¹⁷ Yu'un ti Ch'iom Carneroe ti te oy ti o'lol yo' bu nacal ti Diose, ja' chchabiatic hech chaj c'u che'el chchabi scarnero ti jq'uelcarneroe. Hech chaj c'u che'el tspasatic ti mantal carnero ti bu chloc' tal ho' yu'un chuch'ic, ja' no'ox hech uc tspasatic ti mantal yu'un ti Cajvaltique sbatel osil hech nichim no'ox yo'ntonic sbatel osil. Ti Diose ja' tscusbe loq'uel scotol ya'lel satic hech mu xa x'oq'uic xa ―xiyutun ti totile.

Apocalipsis 7:17 Iomraidhean Croise

Salmos 22:26

Jun yo'nton chlic ve'icuc li boch'otic oy svocolique, lec chnoj xch'utic. Jech chlic yalbeic slequilal Muc'ul Dios li boch'otic ta ono'ox sa'ic li Muc'ul Diose, jech chcuxiic ep jabil.

Salmos 23:5

Laj xa achapanbun lec jve'el ta mexa ta sat li cajcontrataque, laj amalbun aceite ta jol; chmal xa li yavil bendición avac'ojbune.

Salmos 28:9

Muc'ul Dios, coltao me li ateclumale; ac'bo bendición li boch'otic ochem ta ac'obe. Chabio jech chac c'u cha'al jchabichij; petpunuc avu'un o scotol c'ac'al.

Isaías 12:3

Xu' chaloq'ues avuch'ic ta xcuxetel avo'ntonic ec li vo' te ta nio' yo' bu chlic tal coltaele.

Isaías 25:6

Li Muc'ul Dios ti ech'em svu'ele te ta vits Sión chchapan lequil ve'lil ta sventa li jujun banamile, xchi'uc chchapan pasem ya'lel ts'usub ti vo'one xa lec pasbile; toj lec muic li ve'lile xchi'uc toj lequic li pasem ya'lel ts'usube.

Isaías 25:8

Jech noxtoc j'ech'el ta slajesbe o sc'oplal li lajele; ta scusbe loq'uel ya'lel sat scotolic; ta stu'pbe o sc'oplal li' ta banamil li c'usi la soquesbe sc'oplal li steclumale. Ja' jech yaloj stuc li Muc'ul Diose.

Isaías 30:19

Yajvaltac Sión, vo'oxuc ti te nacaloxuc ta Jerusalene, mu'yuc xa bu cha'oq'uic o. Li Muc'ul Diose chac'uxubajic ta yo'nton. C'alal cha'ay ti xa'avetic ta sc'anel coltaele, ta stac'boxuc ta ora li ac'opique.

Isaías 30:25

C'alal tsta yorail li muc'ta milbaile, chlic loc'anuc ya'lel, chlic ayinuc uc'umetic ti bu muc'tic toyol vitsetique xchi'uc li stselejtique.

Isaías 35:10

Li boch'otic coltabilic yu'un Muc'ul Diose ta sutic tal; xla'etic no'ox ta q'ueoj chvul ochicuc ta Sión. Sbatel osil tse'ej lo'ilic no'ox ta xcuxetel yo'ntonic; ta xnamaj batel scotol li at-o'ntone xchi'uc li c'usitic c'uxe.

Isaías 40:11

Ta xtal jech chac c'u cha'al jun jchabichij ti lec ta xchabi xchije; ta spet liquel ta sc'ob li ch'ium chijetique, ta spatan batel ta sna yo'nton; lec ta sq'uel ta stuc'ulan ti bu ja' to chvoq'uique.

Isaías 49:9

Yu'un jech xu' chlic avalbe li boch'otic chuculique: ‘Colanic xa’, xu' xavut, xchi'uc jech chavalbe li boch'otic oyic ta ic' osile: ‘La'ic ta sac osil’, xavut. Ta scotol bebetic ta staic tal lec sve'elic; ta buyuc no'ox vitsal ta xocol banamil tstabeic tal lec sve'el li sts'unub yovolique.

Isaías 51:11

Ja' jech ac'o suticuc tal ec li boch'otic chapoj tale; aveticuc no'ox ta q'ueoj ti c'alal ch-ochic batel ta Sione. Ac'o vinajuc ta satic ti solel xcuxet yo'ntonique, j'ech'el cuxetuc o yo'ntonic; ac'o ch'ayuc o batel li oq'uel, li vocol te to'ox oye.

Isaías 60:20

Li c'ac'al chtun avu'une mu sna' xch'ay o; li u chtun avu'une mu sna' xbic'taj o, yu'un vu'un luz chic'ot o avu'un sbatel osil, vu'un li Muc'ul Diosune. J'ech'el chlaj sc'oplal o li at-o'nton chava'ye.

Isaías 65:19

Jech xcuxet no'ox co'nton yu'un ec li lum Jerusalene; jun no'ox co'nton yu'un li jteclumale. Mu'yuc xa boch'o ch-oc' yu'unic; mu'yuc xa boch'o ch-avan yu'unic ta scoj svocolic.

Jeremías 2:13

Yu'un li jteclumale oy chib ti bu la sta smulic ta jtojole: la scomtsanicun, vu'un li bats'i nio'un yu'unique, xchi'uc la smeltsanic yavil vo' yu'un stuquic. Pero chaq'uem, solel mu sts'ani o ya'lel.

Jeremías 31:9

C'alal ta sutic tale, x'oc' x'avanic tal, li vu'une ta xc'uxul co'nton ta xcac' suticuc tal. Te ta xquiq'uic tal ti bu oy lec vo'etique; ta tuq'uil be lec chtalic cu'un jech mu sbosi tal yacanic. Yu'un vu'un stotun li Israele, ja' sba jnich'on li Efraine.

Ezequiel 34:23

Ta xcac' licuc jun smomnich'on cajtunel David; ja' jchabivanej ta xc'ot yu'unic. Ja' ta xac'be lec sve'elic; ja' ta xchabi.

Miqueas 5:4

Li Ajvalil chtale ta stsatsal svu'el Muc'ul Dios ta xlic ventainvanuc jech chac c'u cha'al jun jchabichij; jech jun yo'nton chnaquiic li israeletique, yu'un li ajvalile ta xmuq'uib batel sc'oplal ta sbejel banamil.

Miqueas 7:14

Dios cu'un, chabio me lec li ateclumale, maco me lec ta ate' li achijtaque; yu'un stuc no'ox te nacalic ta toyolaltic, li yaxal banamil ta spat xocone yantic boch'otic te nacalic. Ac'o sa' sve'elic ta Basán xchi'uc ta Galaad, jech chac c'u cha'al laj ono'ox apasbeic ta vo'onee.

San Mateo 2:6

‘Vo'ot Belén, te ta yosilal Judá; mu'yuc biq'uitot ta stojol li muc'tic lumetic ta Judae. Yu'un ja' te ta xloc' ta atojol jun Ajvalil; ja' ta xlic sventainoxuc vo'oxuc li israeloxuque’, xi ono'ox li Diose —xiic li paleetique.

San Mateo 5:4

“Xcuxet no'ox yo'nton li boch'o ta x'oq'uique, yu'un ja' ta x'ac'bat smuc'ul yo'ntonic.

San Juan 10:11

Vu'un li lequil jchabichijune. Li lequil jchabichije chac' sba ta milel ta scoj li xchijtaque.

San Juan 10:14

Vu'un li lequil jchabichijune. Li jchijtaque xcotquinan, jech xiyotquinicun ec.

San Juan 4:10

Itac'ov li Jesuse: —Ana'uc ti tsc'an chayac'bot amoton li Diose xchi'uc ti lajuc avotquin li boch'o la sc'anbot ava'al yuch'e, vo'ot laj ac'anbe ba'yuc vo' ti jechuque. Jech ja' laj yac'bot li vo' ti chac' cuxiane —xut.

San Juan 4:11

Li antse jech laj yal: —Tata, pero mu'yuc slupubil avu'un, yu'un toj nat li pozoe. ¿Bu chata li vo' chavac'bun ti chicuxi yu'un chavale?

San Juan 4:14

Yan li boch'otic ta xuch'ic li vo' ti vu'un ta xcac'bee mu'yuc xa ta xtaquij o yo'ntonic. Yu'un li vo' ti vu'un ta xcaq'ue ja' jech chc'ot ta yo'ntonic jech chac c'u cha'al nio' ti te chloq'uilan o sventa chcuxiic sbatel osile —xi.

Hechos 20:28

Ja' yu'un chabio me aba atuquic. Chabiic noxtoc li chijetique yu'un ja' avabtel la'ac'batic yu'un Ch'ul Espíritu ti c'alal lacomic ta jq'uelvanej yu'un jcholc'opetique. Jech sc'an chaq'uelic lec, yu'un li steclumal Cajvaltique smanojan ta xch'ich'al.

1 Pedro 5:2

Chabiic me li xchijtac Dios ti ac'bil aventainique. Mu me ta sujeluc xapasic; yutsiluc me avo'nton xapasic jech chac c'u cha'al tsc'an li Diose. Mu me ja'uc ta scoj ti xpich'et avo'ntonic yu'un taq'uine. Scotoluc avo'nton xapasic li avabtelique.

Apocalipsis 14:4

Le'e ja' li boch'otic muc soques sbaic ta sventa antsetique, ti co'olic jech chac c'u cha'al tojol queremetique. Ja' chchi'inic batel li Ch'ium Chij ti buyuc no'ox chbate. Yu'un icoltaatic xa loq'uel ta stojol li cristianoetique, ja' jech ic'otic ta stojol Dios xchi'uc ta stojol Ch'ium Chij jech chac c'u cha'al li sba sat c'usi chich' aq'uel ta smoton Diose.

Apocalipsis 21:22

Te ta lume mu'yuc xa ch'ulna yu'unic laj quil, yu'un ja' xa ch'ulna c'otem o stuc li Cajvaltic Dios ti ech'em svu'ele, xchi'uc li Ch'ium Chije.

Apocalipsis 21:23

Li lume mu xa xtun yu'un xojobal c'ac'al, xchi'uc xojobal u, yu'un ja' xa te oy xojobal stuc li Diose. Ja' xa sluzic c'otem o li Ch'ium Chije.

Apocalipsis 21:4

Li Diose ta scusbe loq'uel scotol ya'lel satic, jech mu'yuc xa boch'o chcham, mu'yuc xa boch'o chat yo'nton, mu'yuc xa boch'o ch-oc', mu'yuc xa boch'o c'usi c'ux cha'ay. Yu'un ilaj xa sc'oplal scotol ti jech to'ox oy ta ba'yuque”, xi li boch'o ic'opoje.

Apocalipsis 21:6

Jech laj yalbun noxtoc: “Ivu' xa scotol. Vu'un li sliquebune, vu'un li slajebune. Vu'un la jliques, vu'un ta jlajes. Li boch'o taquin yo'ntone, vu'un ta xcac'be yuch' li nio' sventa cuxlejale, smoton chcac'be.

Apocalipsis 22:1

Ts'acal laj yac'bun quil jun lequil uc'um; ja' vo' sventa cuxlejal. Te chloc' tal ta xchotleb li Diose xchi'uc li Ch'ium Chije. Li uc'ume sts'ayts'un jech chac c'u cha'al nen.

Apocalipsis 4:11

“Cajval, vo'ot Diosot cu'uncutic, vo'ot no'ox atuc oy ta aventa albel alequilal, ich'el ta muc', xchi'uc vo'ot no'ox atuc oy avu'el. Yu'un vo'ot laj apas scotol li c'usitic oye, yu'un jech la sc'an avo'nton ti jech oye, ti jech i'ayin scotole”, xiic ta stojol li Diose.

Apocalipsis 5:6

C'alal la jtoy jsate, ja' to laj quil te cotol jcot Ch'ium Chij ta o'lol yo' bu oy li chotlebale, xchi'uc li chanibique, xchi'uc li chanib xcha'vinic (24) banquilaletique. Li Ch'ium Chije oy yav ta sbec'tal ti imilate. Oy vucub xulub xchi'uc vucbej sat. Le'e ja' senyail li vucub espíritu tacbil batel ta sbejel banamile.