Apocalipsis 7:16 - Bible in Tzotzil de Chenalhó with Deuterocanon

¹⁶ Mu xa xvi'najic, mu xa xtaquij yo'ntonic o; mu'yuc xa c'ux c'ac'al cha'yic, mu'yuc xa chiq'uil cha'yic.

Tzotzil Zinacantan

¹⁶ Mu xa xviꞌnajic, mu xa xtaquij stiꞌic, mu xa bu cꞌux cꞌacꞌal chaꞌiic, mu xa xchiqꞌuinajic.

Bible in Tzotzil de Chamula

¹⁶ Mu xa xa'i svocolic yu'un ti vi'nale, ti taqui ti'ile, mu'yuc xa ta xchiq'ueic yu'un xc'uxul ti sat c'ac'ale, mi ja'uc ti tsots xchic'chun ta xa'iic ti xq'uixnale.

Tzotzil San Andres

¹⁶ Mu xa xviꞌnajic, mu xa xtaquij stiꞌic, muꞌyuc xa cꞌacꞌal chaꞌiic, mu xa bu chchiqꞌuinic.

Tzotzil de Huixtán

¹⁶ Mu xa xa'yic vi'nal, mu xa xtaquij yo'ntonic, mu xa xa'ibeic xc'uxul ti c'ac'ale, mu'yuc xa bu c'oc' cha'yic.

Apocalipsis 7:16 Iomraidhean Croise

Salmos 121:5

Li Muc'ul Diose ja' jchabivanej avu'un; li Muc'ul Diose ja' chasmacot ta xyaxinal, te oy o ta abats'ic'ob.

Salmos 121:6

Li c'ac'ale mu'yuc c'usi chopol xu' chaspasbot ta c'ac'altic; li ue mu'yuc c'usi chopol chaspasbot ta ac'ubaltic.

Salmos 143:6

Ta jbech jc'ob ta atojol; taquin co'nton ta atojol jech chac c'u cha'al banamil ti toj taquine.

Salmos 42:2

Toj taquin co'nton chca'ay ta stojol li Diose, ja' li j'ac'cuxlejale. ¿Baq'uin to xu' chibat, chbat jva'an jba ta stojol li Diose?

Salmos 63:1

Dios, vo'ot no'ox Diosot cu'un, tsots ac'oplal ta sa'el cu'un; taquin co'nton ta asa'el chca'ay; chajc'anot ta scotol jbec'tal. Ja' jechun jech chac c'u cha'al banamil ti taquin xae, ti mu xa c'usi chcuxi ta scoj ti mu'yuc ya'lele.

Cantares 1:6

Mu ja'uc xaq'uelic ti tsojun no'oxe, ti c'aq'uemun no'ox ta c'ac'ale. Yu'un li jchi'iltac ta voq'uele i'ilinic ta jtojol; la staquicun batel ta xchabiel ts'usubtic, jech mu'yuc la jtuc'ulan jba jtuc li vu'une.

Isaías 25:4

Yu'un vo'ot spojobbailot li me'onetique, vo'ot jcoltavanejot yu'un li boch'o abul sbaic ta scoj vocole, vo'ot snac'ubbailicot ta sventa li tsatsal ic'al vo'e, vo'ot yaxibicot ta sventa li xc'uxul c'ac'ale. Yu'un li simaronil jsa'c'opetique ja' jech chac c'u cha'al tsatsal ic'al vo' c'alal chc'ot smaj sba ta c'alnae,

Isaías 32:2

Le'e ja' jech chc'otic jech chac c'u cha'al jpojubbailtic ta tsatsal ic', ja' jech chac c'u cha'al jnac'ubbailtic c'alal chtal tsots ic'al vo', ja' jech chac c'u cha'al jun bevo' ti chat'es lec taqui banamile, ja' jech chac c'u cha'al xyaxinal muc'ta ch'en ta xc'uxul c'ac'al ta q'uixin osil.

Isaías 41:17

“Li boch'otic abul sbaique xchi'uc li me'onetique ta sa'ic vo' yuch'ic, pero mu staic, jech te tsbal sba o stubic ta taqui-o'nal. Pero vu'un li Muc'ul Diose ta xca'ibe sc'opic; vu'un li Diosun yu'un Israele mu'yuc ta jcomtsanic o.

Isaías 49:10

Mu'yuc cha'yic vi'nal, me ja'uc taqui o'nal; mu'yuc ch-uts'intaatic yu'un li c'ac'ale xchi'uc li xc'uxul c'ac'ale, yu'un c'uxic ta co'nton. Vu'un ta jtojobtasic tal ta be; vu'un ta xquiq'uic batel ta lequil nio'etic.

Isaías 65:13

Ja' yu'un jech chayalboxuc li Cajvaltic Diose: “Li cajtuneltaque ta sta lec sve'elic; yan li vo'oxuque chavich' avocolic ta vi'nal. Li stuquique oy c'usi lec chuch'ic; yan li vo'oxuque chtaquij avo'ntonic. Li stuquique xcuxet no'ox yo'ntonic; yan li vo'oxuque chayalic o ta q'uexlal.

Jonás 4:8

C'alal iloc' c'ac'ale, la stac tal tsots q'uixin ic' li Diose. Jech bats'i c'ux c'ac'al laj ya'ay li Jonase. Ic'ac' ta jyalel li sjole, jech ta xa x'alub laj ya'ay. Jech la snop ti ja' lec ac'o chamuc oe, jech laj yal: —Ja' lec ac'o xa chamcun; mu xa xnel chca'ay ti li' to cuxulune —xi.

San Mateo 13:21

pero mu'yuc lec yisim ta yo'ntonic, jech jayibuc no'ox c'ac'al te oy. C'alal ta xich'ic vocol, chich'ic uts'intael ta sventa li sc'op Diose, toj chibajel chc'ot yo'ntonic.

San Mateo 13:6

C'alal iq'uepe ic'anub, jech itaquij, yu'un mu'yuc nat yalem yisim.

San Mateo 5:6

“Xcuxet no'ox yo'nton li boch'o jun ta vi'nal, jun ta taqui-o'nal cha'yic ti ac'o c'otuc ta pasel c'usi tsc'an yo'nton Diose, yu'un ja' ta snojesbat o xch'utic yu'un li Diose.

Marcos 4:17

Pero mu'yuc chac' yibel ta yo'ntonic, jech mu jaluc xu' yu'unic. C'alal me ital tsots vocole, xchi'uc me ital nutsel ta sventa li sc'op Diose, toj chibajel chc'ot yo'ntonic.

Marcos 4:6

C'alal iq'uepe, ta ora ic'anub; te itaquij o, yu'un mu'yuc nat yalem yisim.

San Lucas 1:53

Li boch'otic chvi'najique laj yac'be ep c'usitic chtun yu'unic; yan li jc'ulejetique jeche' smeyoj sc'obic ibat yu'un.

San Lucas 6:21

“Cuxetuc no'ox avo'ntonic vo'oxuc ti chavi'najic li' ta orae, yu'un ta to sta yorail chnoj ach'utic. “Cuxetuc no'ox avo'ntonic vo'oxuc ti cha'oq'uic li' ta orae, yu'un ta to xatse'inic.

San Juan 4:14

Yan li boch'otic ta xuch'ic li vo' ti vu'un ta xcac'bee mu'yuc xa ta xtaquij o yo'ntonic. Yu'un li vo' ti vu'un ta xcaq'ue ja' jech chc'ot ta yo'ntonic jech chac c'u cha'al nio' ti te chloq'uilan o sventa chcuxiic sbatel osile —xi.

Santiago 1:11

C'alal ta xloc' c'ac'ale, c'alal tsots ta xc'uxube, ta xtaquij li ts'i'lale. Li xniche ta xlilij yalel jech ta xch'ay o li st'ujumale. Ja' no'ox jech ec li jc'uleje, c'alal yochel sa'el sc'ulejale, te ta xch'ay o batel xchi'uc.

Apocalipsis 21:4

Li Diose ta scusbe loq'uel scotol ya'lel satic, jech mu'yuc xa boch'o chcham, mu'yuc xa boch'o chat yo'nton, mu'yuc xa boch'o ch-oc', mu'yuc xa boch'o c'usi c'ux cha'ay. Yu'un ilaj xa sc'oplal scotol ti jech to'ox oy ta ba'yuque”, xi li boch'o ic'opoje.