Apocalipsis 7:15 - Bible in Tzotzil de Chenalhó with Deuterocanon

¹⁵ “Ja' yu'un li' xa oyic o ta stojol li Dios li' chotol ta chotlebale. Ta c'ac'al ta ac'ubal li' chtunic yu'un Dios ta xch'ulna. Li Dios li' chotol ta xchotlebe smacoj batel ta xyaxinal scotolic.

Tzotzil Zinacantan

¹⁵ Yechꞌo ti liꞌic o ta yichon li Rioxe. Ta cꞌacꞌal acꞌubal liꞌ ta xtunic ta stojol li Rioxe. Jaꞌ chiꞌinbilic o yuꞌun li Rioxe.

Bible in Tzotzil de Chamula

¹⁵ Jech o xal un, li' oyic ta sts'el ti bu chotol ti Diose, yu'un c'ac'al ac'ubal ta xac' sbaic ta tunel li' ta xch'ulna ti Diose. Chabibilic yu'un ti Buch'u chotol ta muc' ta chotlebale.

Tzotzil San Andres

¹⁵ Jech liꞌ oyic o ta stojol li Diose. Cꞌacꞌal acꞌubal liꞌ ta xtuneic yuꞌun li Diose. Jaꞌ chiꞌinbilic o yuꞌun li Diose.

Tzotzil de Huixtán

¹⁵ Hech yu'un te va'ajtic ti stojol ti Diose. Ti c'ac'al ti ac'ubal chac' sbaic ti abatinel te ti templo yu'un ti Diose. Ja' chi'imbilic o yu'un ti Diose sbatel osil.

Apocalipsis 7:15 Iomraidhean Croise

1 Reyes 6:13

Jech te oyun o ta stojol li achi'iltaque; mu'yuc ta jcomtsan o li jun lum Israele, ja' li jnich'nabtaque”, x'utat li Salomone.

1 Crónicas 23:25

Li Davide jech ono'ox laj yal: “Li Muc'ul Dios yu'un Israele laj xa spajes pleito ta stojol li steclumale, xchi'uc laj xa st'uj jun yavil stuc te ta Jerusalén.

Éxodo 29:45

Te chajchi'inoxuc, vo'oxuc li israeloxuque. Vu'un Diosun avu'unic o chic'ot.

Ezequiel 37:27

Te chinaqui o ta stojolic; vu'un Diosun yu'unic chic'ot, ja' jteclumal chc'otic o ec.

Levítico 26:11

“Te chajchi'inoxuc o ta naclej; mu'yuc chajbajoxuc.

San Juan 1:14

Li C'ope la spas sba ta cristiano. La xchi'inuncutic ta naclej. Laj quilbecutic slequilal yutsilal, ja' slequilal yutsilal li jun no'ox Xnich'on Diose.

1 Corintios 3:16

¿Me mu xana'ic ti vo'oxuc xch'ulna Dios c'otemoxuque, xchi'uc ti te nacal ta avo'ntonic li Ch'ul Espíritu yu'un Diose?

2 Corintios 6:16

¿Me xu' jun xch'ulna xchi'uc Dios li loc'ometic ti cuybilic ta diose? Li vu'utique xch'ulna cuxul Dios c'otemutic, yu'un jech yaloj li Diose: “Te chinaqui o ta stojolic, te chixanov o jchi'uc. Vu'un Diosun yu'unic chic'ot; ja' jteclumal chc'otic o ec”, xi ono'ox.

Hebreos 12:2

Ja' te ac'o cac' batel jsatic ta stojol li Jesuse, ja' li boch'o chac' xch'unojel co'ntontique, xchi'uc li boch'o tsvu'ese. Ja' li boch'o laj yich' vocol ta cruze, ti mu'yuc sc'oplal laj ya'ay li q'uexlale, yu'un la sna' ti xcuxet no'ox yo'nton ta ts'acale. Jech ibat chotluc ta sbats'ic'ob Dios yo' bu tspas mantale.

Hebreos 8:1

Li c'usi toj tsots sc'oplal laj calboxuc tal ava'yique ja' ti oy xa jun Banquilal Pale cu'untic te chotol ta sbats'ic'ob Muc'ul Dios ta vinajele.

Apocalipsis 11:19

Laj quil ijam li ch'ulna yu'un Dios ta vinajele. Te ivinaj li xcaxail smantal Diose, xchi'uc iloc' ep sacsevul, chauquetic, niquel, muc'tic bot, xchi'uc ep c'usitic yan ibac'.

Apocalipsis 13:6

Jech lic c'opojuc. Yan xich' xal ta stojol li Diose. Solel la xchopolc'optabe li sbie, xchi'uc ti bu nacale, xchi'uc li boch'otic te oyic ta vinajele.

Apocalipsis 20:10

Ja' no'ox jech ec li banquilal pucuj ti la slo'la scotol cristianoetique, ijipat ochel ta muc'ta c'oc' tsanbil ta azufre, ja' te yo' bu jipbilic ochel li ba'yuc jti'vanej bolome xchi'uc li jlo'lavanej j'alc'op yu'une. Jech ta c'ac'al ta ac'ubal te chich'ic o vocol sbatel osil.

Apocalipsis 21:22

Te ta lume mu'yuc xa ch'ulna yu'unic laj quil, yu'un ja' xa ch'ulna c'otem o stuc li Cajvaltic Dios ti ech'em svu'ele, xchi'uc li Ch'ium Chije.

Apocalipsis 22:3

Mu'yuc xa c'usi chopol te. Yu'un ja' te tspas mantal stuc li Diose xchi'uc li Ch'ium Chije. Scotol li yu'untaque te chtunic o yu'un.

Apocalipsis 22:5

Te ta lume mu'yuc xa ac'ubaltic. Mu xa xtun yu'unic luz; mu xa xtun yu'unic xojobal c'ac'al, yu'un ja' xa sacubtasoj osil stuc li Cajvaltic Diose. Ja' xa tspasic o mantal sbatel osil.

Apocalipsis 4:4

Ta joyob li muc'ta chotlebale oy yan chanib xcha'vinic (24) chotlebal te oy. Ja' te chotajtic chanib xcha'vinic (24) banquilaletic, puru sac sc'u' slapojic, xchi'uc oy scoronail sjolic pasbil ta c'anal taq'uin.

Apocalipsis 4:8

Li chanib c'usi cuxajtique oy vaquib xic' jujunic. Jech noxtoc oy satic ta spat xiq'uic xchi'uc ta yolon xiq'uic. Ta c'ac'al ta ac'ubal scotol ora jech chalic: “Ch'ul Dios, Ch'ul Dios, ja' Ch'ul Dios stuc li Cajvaltic ti ech'em svu'ele. Ja' li Boch'o te ono'ox oye, xchi'uc ti te oy o li' ta orae, xchi'uc ti te oy o sbatel osile”, xiic.

Apocalipsis 4:9

C'alal ja'o chalbeic slequilal, ja'o chich'ic ta muc', xchi'uc tstojbeic ta vocol li Boch'o te chotol ta chotlebale, ja' li Boch'o cuxul o sbatel osile.

Apocalipsis 7:9

C'alal jech laj quile, ts'acal laj quil te oy epal cristianoetic liquemic tal ta jujun banamil, ta jujuchop sts'unubalic, ta jujun lum, xchi'uc ta jujuchop c'op. Bats'i ep ta jyalel, mu xlaj ta atel. Te va'ajtic yo' bu chotol li Diose xchi'uc ta stojol li Ch'ium Chije. Puru sac sc'u' slapoj scotolic, xchi'uc stsacanojic yanal xan.