Apocalipsis 7:14 - Bible in Tzotzil de Chenalhó with Deuterocanon

¹⁴ Jech la jtac'be: “Cajval, mu jna'. Vo'ot xana'”, xcut. Jech laj yalbun: “Le'e ja' li boch'otic imilatic ta scoj ti tsots liquem vocol ta banamile. Xchuc'oj xa lec sc'u'ic, yac'oj xa sbaic ta sacubtasel ta xch'ich'al li Ch'ium Chije.

Tzotzil Zinacantan

¹⁴ ―Li voꞌone, totic, mu jnaꞌ. Atuc noꞌox anaꞌoj ―xcut. ―Jaꞌ li muchꞌutic imilatic ta scoj li castico ta balamile, ti ixchꞌunic ti jaꞌ itojbat smulic yuꞌun li chꞌiom tot chije, yechꞌo ti chꞌabal xa smulique. Jaꞌ seña li saquil cꞌuꞌul slapojique.

Bible in Tzotzil de Chamula

¹⁴ —Yojtot, xana' atuc bu talemic —xcut. Xi laj stac'bune: —Le'e, ja'ic ti buch'utic cuch yu'un ti tsots svocolique, yu'un laj yaq'uic ta chuq'uel ti sc'u'ique, xchi'uc laj yaq'uic ta sacubtasel ta sventa xch'ich'el ti jcot ta Uni Chije.

Tzotzil San Andres

¹⁴ La jtacꞌbe: ―Tata, mu jnaꞌ. Joꞌot xanaꞌ atuc ―xcut. Jech liyalbe nojtoc: ―Leꞌe jaꞌ li buchꞌutic ti imileic ta scoj li ep cꞌustic chopol li liquem li te ta balumile. Yuꞌun ischꞌunic ti jaꞌ ichꞌaybat o smulic yuꞌun li chexel chije, jaꞌ yuꞌun muꞌyuc xa smulic o. Jaꞌ senyail ti sac scꞌuꞌ slapojique.

Tzotzil de Huixtán

¹⁴ Hech laj calbe: ―Tote, mu jna'. Ho'oti xana' ―xcut. Hech laj yalbun: ―Avi to ja' ti much'utic icuch yu'unic ti yorail ep vocole, laj xa xchuc' sc'u'ic. Sac ic'ot yu'unic ti sventa ti xch'ich'el ti Ch'iom Carneroe.

Apocalipsis 7:14 Iomraidhean Croise

Job 11:16

Jech chch'ay ta avo'nton li avocole; ja' jech chch'ay batel jech chac c'u cha'al ch-ul batel vo'.

Éxodo 37:3

Laj yac'be chanib xotxot c'anal taq'uinal ta xchanibal yacan; chabchab laj yac' ta jujujot xocon.

Isaías 1:18

Jech chayalboxuc li Muc'ul Diose: “La'ic ta jtojol ta ora, la' caltic c'usi tsc'an pasel. Ac'o me bats'i cuxul tsoj li amulique, sac chcom jech chac c'u cha'al tayo; ac'o me ic'ic'tic xa sba stsajal, sac chcom jech chac c'u cha'al saquil tsots.

Daniel 11:35

Ja' no'ox jech ec li jchanubtasvanejetique oy jayibuc ta xich'ic uts'intael ec, pero ja' sventa slecubtaselic, stuq'uibtaselic, ja' to me its'aqui li yorail c'usi ora albil yu'un Diose.

Daniel 12:1

‘C'alal ja'o jech chc'ot ta pasele, ja'o chlic li banquilal j'almantal Miguele, ja' li boch'o tscolta achi'iltaque. ‘Ja' yorail chlic tsots vocol c'uuc sjalil. Li vocol chtale mu'yuc ono'ox bu jech c'otem ta pasel c'alal lic ayinuc li cristianoetique. Ja'o yorail chlic colicuc li achi'iltaque, ja' li boch'otic tsacajtic ta vun sbiique.

Daniel 7:16

Linopaj batel ta stojol jun li boch'otic te va'alique; la jac'be lec smelol scotol li c'usi laj quile. Jech te lic xcholbun scotol c'usitic smelol, jech laj yalbun:

Zacarías 13:1

“Ta sc'ac'alil le'e ta xt'om jun nio' te ta stojol smomnich'nab David, xchi'uc ta stojol li jnaclumetic ta Jerusalene; ja' sventa spocubil smulic xchi'uc sbolilic.

San Mateo 24:21

Ta ono'ox xtal li tsots vocole. Mu'yuc ono'ox jech c'alal ilic li banamile xchi'uc c'alal to tana. Mu'yuc ta xc'ot ta pasel jech yan velta noxtoc.

Marcos 13:19

yu'un toj tsots li vocol ta xtale. Mu'yuc ono'ox baq'uin jech xc'ot ta pasel c'alal lic spas c'usitic oy li Diose xchi'uc c'alal to tana. Mu'yuc ta xc'ot ta pasel jech yan velta noxtoc.

San Juan 16:33

Ti c'u yepal laj calboxuque, ja' sventa ti ac'o junuc o avo'ntonic ta jtojole. Li' ta orae oy avocolic li' ta banamil, pero pato avo'ntonic ti tsalbil cu'un li c'usi sventa banamile —xi li Jesuse.

Hechos 14:22

Ech' stsatsubtasbeic yo'nton li jch'unolajeletique. Laj yalbeic ti j'ech'eluc ac'o xch'unic oe. Xchi'uc laj yalbeic ti tsc'an ta jts'ictic vocol ti jech xu' chij'och yo' bu chventainvan li Diose.

Romanos 5:3

Pero ma'uc no'ox le'e, xcuxet co'ntontic noxtoc ti c'alal chquich'tic vocole, yu'un ta jna'tic ti ja' chac'butic stsatsal co'ntontic li vocole.

1 Corintios 6:11

Oy to'ox boch'o jech la spas avu'unic, pero li' ta orae pocbiloxuc xa, lecubtasbiloxuc xa. Tuc' xa avo'ntonic chayiloxuc Dios ta sventa li Cajvaltic Jesuse xchi'uc ta sventa li Espíritu yu'un Dios cu'untique.

2 Tesalonicenses 1:4

Ja' yu'un li vu'uncutique solel mu'yuc xa c'usi jtaoj chca'icutic chcalcutic batel ac'oplalic ta stojol scotol li jujutsob jch'unolajeletic yu'un Diose. Chcalcutic ti oy lec smuc'ul avo'ntonique, ti oy lec xch'unojel avo'ntonique, ti lec tsts'ic avu'unic scotol li vocol xchi'uc contrainele.

Hebreos 13:12

Ja' no'ox jech ec li Jesuse, c'alal la xch'aybe smul ta xch'ich'al li steclumale, ta pat lum to ay yich' milel.

Hebreos 9:14

Buuc xa li xch'ich'al Cristoe, j'ech'el la spocbutic o loq'uel ta jol ta co'ntontic li c'usi mu'yuc stu la jpastique, yu'un jech ja' xa chlic tuncutic yu'un li cuxul Diose. Yu'un li stuque mu'yuc smul ta stojol li Diose. Stuc laj yac' sba ta smoton Dios ta jventatic sventa sbatel osil ta sventa li Ch'ul Espiritue.

1 Pedro 1:19

Ja' la smanoxuc o ta xch'ul ch'ich'al li Jesucristoe, yu'un ja' laj yich' milel ta jcojtic jech chac c'u cha'al ch'ium chij laj yich' milel, ti toj leque, ti mu'yuc bu chopole.

1 Juan 1:7

Yan me chijxanovutic ta sac osil jech chac c'u cha'al oy ta sac osil stuque, ta melel jun chijc'ot ta jcotoltic; chispocbutic loq'uel scotol jmultic ta xch'ich'al Xnich'on, ja' li Jesuse.

Apocalipsis 1:5

xchi'uc ta sventa li Jesucristoe, ja' li tuq'uil testigoe, ja' ti ba'yuc icha'cuxi loq'uel ta smuquinale, ja' li banquilal yu'un scotol ajvaliletic li' ta banamile, ti ep c'uxutic ta yo'ntone, ti la smanutic ta xch'ich'al ta sventa jmultique.

Apocalipsis 12:11

Pero tstsal yu'unic ta sventa xch'ich'al li Ch'ium Chije, xchi'uc ta sventa ti jamal chalic ti xch'unojique. Yu'un mu'yuc sc'oplal cha'yic me chmilatic; mu'yuc chi'ic, chapalic o sventa chac' sbaic ta milel.

Apocalipsis 15:2

Oy c'usi yan laj quil noxtoc, xco'laj xchi'uc jun nab pasbil ta nen capal ta c'oc'. Li boch'o ivu' yu'unic stsalel li jti'vanej bolom xchi'uc li sloc'obale, ti muc xich'beic li snumeroal sbie, te va'ajtic scotolic ta nab, yich'anojic arpa yu'un Dios.

Apocalipsis 17:6

Li antse laj quil ti yacuben ta sventa xch'ich'al li boch'o voc'bilic yu'un Diose, xchi'uc ta xch'ich'al li boch'otic imilatic ta sventa ti jamal laj yalbeic sc'oplal li Jesuse. C'alal jech laj quile, toj labal sba laj quil; ich'ay co'nton yu'un.

Apocalipsis 2:9

Vu'une xcotquin li avocolique xchi'uc li ame'onalic ta scoj vocole, pero jc'ulejoxuc chquil. Xchi'uc jna'oj noxtoc ti chchopolc'opoj ta atojolic li mero judioetic scuyoj sbaique. Pero ta melel mu ja'icuc. Ja' sna banquilal pucuj c'otemic.

Apocalipsis 22:14

Xcuxet no'ox yo'nton li boch'o chaq'uilan ta poquel sbolil yo'ntonique, yu'un jech xu' chbat slo'beic sat li te' sventa cuxlejale, xchi'uc jech xu' ch-ochic ta muc'ta lum.

Apocalipsis 5:9

La sq'uejintaic jun ach' q'ueoj, jech chal: “Vo'ot no'ox atuc puru lec c'usi apasoj ti ivu' avu'un laj avich' li vune, xchi'uc xu' avu'un chatuch'be li spaq'ue. Yu'un vo'ot laj avich' milel. Ta ach'ich'al laj aman sventa chc'otic ta yu'untac Dios li cristianoetic ta jujuchop sts'unubal, ta jujuchop c'op, ta jujun lum, xchi'uc ta jujun banamile.

Apocalipsis 7:9

C'alal jech laj quile, ts'acal laj quil te oy epal cristianoetic liquemic tal ta jujun banamil, ta jujuchop sts'unubalic, ta jujun lum, xchi'uc ta jujuchop c'op. Bats'i ep ta jyalel, mu xlaj ta atel. Te va'ajtic yo' bu chotol li Diose xchi'uc ta stojol li Ch'ium Chije. Puru sac sc'u' slapoj scotolic, xchi'uc stsacanojic yanal xan.