Apocalipsis 7:13 - Bible in Tzotzil de Chenalhó with Deuterocanon

¹³ Jech la sjac'bun jun li banquilaletique: “¿Boch'otic ti li' oyic puru sac sc'u' slapojique? ¿Bu liquemic tal?”, xiyutun.

Tzotzil Zinacantan

¹³ Lisjacꞌbeic jun li moletique: ―¿Mi xanaꞌ muchꞌutic li liꞌique ti sac scꞌuꞌ slapojique? ¿Mi xanaꞌ bu liquemic tal? ―xiyut.

Bible in Tzotzil de Chamula

¹³ Va'i un, oy jun ta scotol ti moletique xi laj sjac'bune: “¿Buch'utic le'e, ti slapojic ti saquil c'u'ile? ¿Bu talemic?”

Tzotzil San Andres

¹³ Jech lisjacꞌbe jun li banquilaletique: ―¿Mi xanaꞌ buchꞌutic li liꞌ oyic li naca sac scꞌuꞌ slapojique? ¿Mi xanaꞌ bu liquemic talel? ―xiyut.

Tzotzil de Huixtán

¹³ Hech yu'un lic sjac'bun jun ti totiletique: ―¿Mi xana' much'utic li'to ti sac sc'u' slapojique? ¿Mi xana' bu talemic? ―xiyutun.

Apocalipsis 7:13 Iomraidhean Croise

Génesis 16:8

Jech ijac'bat: —Agar, vo'ot squiaraot li Saraie. ¿Bu lalic tal, xchi'uc bu chabat? —x'utat. —Yu'un lijatov tal ta stojol li cajvale, ja' li Saraie —xi.

Daniel 7:16

Linopaj batel ta stojol jun li boch'otic te va'alique; la jac'be lec smelol scotol li c'usi laj quile. Jech te lic xcholbun scotol c'usitic smelol, jech laj yalbun:

San Juan 7:28

Li Jesuse lic chanubtasvanuc te ta ch'ulna, tsots ic'opoj jech laj yal: —Xavotquinicun, lec xana'ic bu liquemun tal avalojic. Pero muc ta co'ntonuc jtuc ti litale. Li Boch'o la stacun tale, ja' melel li sc'ope. Pero li vo'oxuque mu xavotquinic.

Hechos 3:12

C'alal laj yil li Pedroe, jech laj yalbe: “Jchi'iltac, ¿c'u yu'un ti toj labal sba chavilique? ¿C'u yu'un ti loq'uel chaq'ueluncutique? Xco'laj xchi'uc chanopic ti vu'un ta jtsatsalcutic, ti ja' ta sventa toj lecuncutic ti jech ta xanov xa li coxo vinique.

Apocalipsis 3:4

Pero oy to jayibuc te achi'uquic ta Sardis ti mu'yuc yic'ubtasoj sc'u'ique. Le'e oy ta sventa chixchi'inicun ta xanubal xchi'uc li saquil-c'u'ique.

Apocalipsis 4:10

Li chanib xcha'vinic (24) banquilaletique ja'o chlic spatan sbaic ta stojol ec li Boch'o te chotol ta chotlebale, chlic yich'ic ta muc' li Boch'o cuxul o sbatel osile. Tsloq'ues li scoronaique; te chaq'uic ta stuq'uil xchotleb, jech chalic:

Apocalipsis 4:4

Ta joyob li muc'ta chotlebale oy yan chanib xcha'vinic (24) chotlebal te oy. Ja' te chotajtic chanib xcha'vinic (24) banquilaletic, puru sac sc'u' slapojic, xchi'uc oy scoronail sjolic pasbil ta c'anal taq'uin.

Apocalipsis 5:11

C'alal jq'ueloje, laj ca'ay chc'opoj epal j'almantaletic te ta joyob li chotlebale, xchi'uc ta joyob yo' bu oy li chanibique xchi'uc li chanib xcha'vinic (24) banquilaletique. Li j'almantaletique bats'i ep ta millón ta jyalel.

Apocalipsis 5:5

Jech laj yalbun jun li chanib xcha'vinic (24) banquilaletique: “Mu xa'oc'. A'yo ava'ay, spasoj xa canal jun sts'unubal li Judae, ech'em stsatsal jech chac c'u cha'al león. Ja' smomnich'on li David ta vo'onee. Laj xa stsal scotol, jech xu' yu'un tsjam li vune; xu' yu'un ta xtuch'be li vucub spaq'ue”, xiyutun.

Apocalipsis 7:9

C'alal jech laj quile, ts'acal laj quil te oy epal cristianoetic liquemic tal ta jujun banamil, ta jujuchop sts'unubalic, ta jujun lum, xchi'uc ta jujuchop c'op. Bats'i ep ta jyalel, mu xlaj ta atel. Te va'ajtic yo' bu chotol li Diose xchi'uc ta stojol li Ch'ium Chije. Puru sac sc'u' slapoj scotolic, xchi'uc stsacanojic yanal xan.

Jueces 13:6

Li antse ital yalbe smalal scotol li c'usi i'albate, jech laj yalbe: “Oy jun vinic liquem tal ta stojol Dios i'ay sc'opanun, pero xco'laj xchi'uc jun j'almantal yu'un Muc'ul Dios ti lec ich'bil ta muq'ue. Mu'yuc la jac'be boch'o, bu liquem tal, xchi'uc mu'yuc laj yalbun c'usi sbi ec.