Apocalipsis 7:12 - Bible in Tzotzil de Chenalhó with Deuterocanon

¹² Jech laj yalic: “Toj lec ti jech ic'ot ta pasele. Toj ech'em slequilal, yutsilal. Toj ech'em sbijil. Stuc no'ox chtojbat ta vocol scotol. Ich'biluc ta muc' stuc. Toj ech'em svu'el, toj ech'em stsatsal sbatel osil li Dios cu'untique. Jechuc”, xiic.

Tzotzil Zinacantan

¹² Jaꞌ yech iyalic chac liꞌi: Toj lec ti jaꞌ yech icꞌote. Jaꞌ jcꞌuxubinvanej li Cajvaltique. Oy slequilal, pꞌij tajmec. Stuc noꞌox “colaval”, xꞌutat. Ichꞌbil o ta mucꞌ. Stuc noꞌox oy syuꞌel. Jaꞌ tspas mantal ta sbatel osil. Toj lec ti jaꞌ yech chcꞌote, xiic.

Bible in Tzotzil de Chamula

¹² ti xi laj yalique: “¡Jechuc! Yich'uc albel slequilal yutsilal ti Dios cu'untique. Yich'uc albel ti jelavem ti sbijile, ta yalbel ti coliyal x'utee, ta yalbel sc'oplal ti ich'biluc ta muq'ue, ti oy smuc'ul stsatsale. Jechuc o sbatel osil ti Dios cu'untique.”

Tzotzil San Andres

¹² Xi laj yalic: Toj lec ti jech icꞌot ta pasele. Jaꞌ jcꞌuxubinvanej li Diose. Toj echꞌem slequilal, echꞌem schꞌulpꞌijil. Stuc noꞌox ta xꞌalbat coliyal. Ichꞌbil ta mucꞌ. Echꞌem stsatsal. Jaꞌ ta spas mantal sbatel osil. Toj lec ti jech ta xcꞌot ta pasele, xiic.

Tzotzil de Huixtán

¹² Jun yutsil ti hech chc'ot ti pasel, xchiic. J'ac'bendición ti Dios cu'untique. Jun yutsil ti tspasat ti muq'ue. Jelaven sp'ijil. Jun yutsil ti ch-albat vocol ti stojol. Jun yutsil ti chch'umbat sc'op. Scotol xu' yu'un. Ja' tspas mantal sbatel osil. Jun yutsil ti hech chc'ot ti pasel, xchiic.

Apocalipsis 7:12 Iomraidhean Croise

Nehemías 12:46

Yu'un ta vo'one c'alal cuxul to'ox li David xchi'uc Asafe oy ono'ox banquilaletic yu'un li jq'uejimoletic sventa tsq'uejintabeic slequilal Diose xchi'uc ta sventa c'usitic stojbeic ta vocole.

Nehemías 12:8

Li levietique ja' li'i: Jesúa, Binúi, Cadmiel, Serebías, Judá, xchi'uc Matanías. Le'e ja' yabtel tsq'uejintabeic slequilal Dios xchi'uc yuts' yalaltaquic.

Salmos 100:4

Ochanic ta ti'na sventa yamaq'uil ch'ulna, tojbeic ta vocol; ochanic te ta yamaq'uil, q'uejinanic yu'un; ich'ic ta muc', albeic slequilal.

Salmos 106:48

Sbatel osil ac'o ich'atuc o ta muc' li Muc'ul Diose, ja' li Dios yu'un Israele. Jech ac'o yal scotol li cristianoetique: “Jechuc, jech ac'o c'otuc ta pasel; ich'biluc o ta muc' stuc li Muc'ul Diose”, ac'o xiicuc.

Salmos 107:22

Milbeic smoton sventa chatojbeic ta vocol; cuxetuc no'ox avo'ntonic albeic batel slequil yutsil li c'usitic spasoje.

Salmos 116:17

C'alal chajtojbot ta vocole, ta jmilbot amoton; vo'ot no'ox ta jtojbot o ta vocol.

Salmos 147:7

Q'uejintabeic ta q'ueojetic slequilal li Muc'ul Diose; q'uejintaic ta arpa li Dios cu'untique.

Salmos 41:13

Ac'o ich'atuc ta muc' li Muc'ul Diose, ja' li Dios yu'un Israele; ich'biluc ta muc' li' ta ora xchi'uc ta sbatel osil, ¡Jechuc! ¡Jechuc!

Salmos 50:14

Li jmoton chavac'bicune ja' no'ox sventa chatojbicun ta vocol; ja' sventa ac'o c'otuc ta pasel avu'unic li c'usi avaloj chapasic ta jtojole.

Salmos 72:19

Ac'o ich'atuc ta muc' sbatel osil li xch'ul bie; ac'o nojuc ta slequilal scotol li banamile. Jech ac'o c'otuc ta pasel. Jechuc.

Salmos 89:52

Ac'o ich'atuc ta muc' sbatel osil li Muc'ul Diose. Jech ac'o c'otuc ta pasel. Jechuc.

Salmos 95:2

La'etcutic no'ox c'alal chij'och batel ta stojol; jq'uejintatic q'ueojetic sventa chquich'tic ta muc'.

Isaías 51:3

Toj ep slequil co'nton ta stojol li Sione; ta jlecubtas ta ach', ac'o me solel jinesbil comel scotol. Ta jc'atajes ta yaxal osil li taqui-xocol banamile; ta jco'oltsan jech chac c'u cha'al ts'unubaltic cu'un to'ox te ta Edén. Jech chlic staic xcuxetel yo'ntonic, chlic pasuc ta jun yo'ntonic; chlic yalic jlequilal, chlic sq'uejintaic q'ueojetic.

Jeremías 33:11

Pero ta to xlic vinajuc ti xla'etic no'oxe, ti tse'ej lo'ilic no'ox ta xcuxetel yo'ntonique, xchi'uc ta to xlic vinajuc ti oy q'uin nupinel ta sventa querem tsebetique, xchi'uc ti oy boch'o jech chalique: ‘Albeic slequilal li Muc'ul Dios ti ja' tspas ta mantal scotol te ta vinajele, yu'un ja' toj lec yo'nton, yu'un sbatel osil mu xlaj o c'uxubinel yu'un’, ti xiique. Xchi'uc ta to xvinaj oy boch'o chaq'uic matanal sventa tstojic ta vocol te ta jch'ulna. Yu'un ta to xquiq'uic sutel tal li boch'otic chucbil ibatic ta yan banamile, tstaic yan velta jech chac c'u cha'al ono'ox ta sliquebale. Vu'un chcal jtuc vu'un li Muc'ul Diosune”, xi.

Jeremías 33:9

Scotol li c'usitic lec ta jpas li' ta Jerusalene ja' sventa quich'el ta muc', ja' sventa xcuxetel o'ntonal ta stojol yantic lum li' ta banamil. Yu'un c'alal cha'yic ti lec c'usitic ta jpasbe li jnaclumetic li' ta Jerusalene, ta xlic niquicuc, ta xlic xi'icuc”, xi li Muc'ul Diose.

Jonás 2:9

Yan li vu'une xi'avet no'ox chlic quich'ot ta muc', chlic cac'bot amoton. Li c'usi caloj ta atojole ta jpas. Yu'un vo'ot no'ox atuc xu' avu'un chacoltaun”, xi la sc'opan Dios li Jonase.

San Mateo 6:13

Mu me xavac' stsaluncutic li sujel ta mulile. Coltauncutic loq'uel ta sc'ob li pucuje’, xachiic ti c'alal chac'opanic Diose.

Romanos 11:36

Yu'un ja' yu'un, ja' la spas; ja' yajval scotol li c'usitic oye. Stuc ac'o ich'atuc o ta muc' sbatel osil. Jechuc.

1 Corintios 14:16

Pero me ta jch'uleltic no'ox ta jtojbetic ta vocol Diose, ¿c'u x'elan xu' “jechuc” xiic ec li boch'otic te jchi'uctic ti mu ja'uc jech sbijilique? yu'un mu xa'yic.

2 Corintios 4:15

Ja' yu'un scotol li vocol chquich'cutique ja' sventa alequilalic. Yu'un jech ep boch'otic xu' tstaic li c'uxubinel yu'un Diose, jech ep boch'otic chlic stojbeic ta vocol Dios noxtoc, jech ich'bil ta muc' chc'ot li Diose.

Colosenses 2:7

Ac'o lec avibelic, ac'o lec anaclebic ta stojol ta sventa li xch'unojel avo'ntonique. Ja' me pasic o ti c'u x'elan laj avich'ic chanubtasele. Tojbeic me ta vocol scotol c'ac'al.

Colosenses 3:17

Scotol li c'usi chapasique xchi'uc li c'usi chavalique pasic ta sventa li Cajvaltic Jesuse. Tojbeic ta vocol Jtotic Dios ta sventa li Cajvaltique.

Apocalipsis 1:18

Vu'un ti jtalel cuxulun oe. Licham, pero licha'cuxi; cuxulun o sbatel osil. Vu'un jventainoj scotol. Vu'un oy ta jc'ob sllavial li lajele xchi'uc li yavil animaetique.

Apocalipsis 19:4

Li chanib xcha'vinic (24) banquilaletique xchi'uc li chanib c'usi cuxajtique la spatan sbaic ta banamil, laj yich'ic ta muc' li Dios te chotol ta muc'ta chotlebale. Jech laj yalic: “Jechuc. Coliyal li Diose”, xiic.