Apocalipsis 7:1 - Bible in Tzotzil de Chenalhó with Deuterocanon

¹ Ts'acal laj quil chanib j'almantaletic te va'ajtic ta xchanjotal xchiquin banamil. Ja' spajesojic li ic' ta xchanjotal xchiquin banamile, yu'un jech mu me xtal ic' li' ta banamil, xchi'uc ta nab, xchi'uc jech mu me xnic ta ic' jbejuc te'.

Tzotzil Zinacantan

¹ Tsꞌacal to iquil chanvoꞌ anjel ta vinajel tey vaꞌajtic ta xchanjechel li balamile. Jaꞌ spajesojic li iqꞌue yoꞌ mu xtal o icꞌ liꞌ ta sba balamile xchiꞌuc ta mare. Mi jaꞌuc jtecꞌ teꞌ muc bu chbacꞌ.

Bible in Tzotzil de Chamula

¹ Laj taj une, laj quil chanvo' anjeletic va'ajtic ta jujot xchanjotal xchiquin ti banomile, sva'anoj sbaic ta spajesel ic' yo' mu xjelav talel ta banomil, ta nab, mi ja'uc ta te'etic.

Tzotzil San Andres

¹ Ta tsꞌacal iquil chanvoꞌ chꞌul ángeletic te vaꞌalic ta schanjotol schiquin li balumile. Jaꞌ spajesojic li icꞌ ta schanjotol schiquin li balumile yoꞌ jech mu xtal icꞌ liꞌ ta balumile schiꞌuc li ta nabe. Schiꞌuc maꞌuc jtecꞌ teꞌ chnic.

Tzotzil de Huixtán

¹ Patil laj quil chanvo' ch'ul abatetic ja' va'ajtic ti jujun xchiquin ti balumile. Ja' tspajesic ti chanib iq'ue li' ti balumil yu'un mu me xlic ic' mi ti balumil mi ti nab. Mi jp'ejuc te' mu me xnicat.

Apocalipsis 7:1 Iomraidhean Croise

Isaías 11:12

Ta stoy muyel senyail ta stojol li jujun banamile, jech chac c'u cha'al c'alal chich' muyesel banderae; ta xlic stsob tal scotol li Israel ti chucbilic batel ta yan banamile; ta stsob tal scotol li Judá ti buyuc no'ox spucoj sbaic batel ta xchanjotal sti' banamile.

Isaías 27:3

Vu'un jchabioj, noch'ic no'ox ta xcat'es; vu'un ta jq'uel ta c'ac'al ta ac'ubal, yu'un jech mu me boch'o xuts'inta.

Isaías 27:8

Laj yac'be svocol, la stac batel ta yan banamil; ta stsatsal yic'al ye la xjuch'ta loq'uel ta yosilal, jech chac c'u cha'al muc'ta ic' ti chtal ta sloq'ueb c'ac'ale.

Jeremías 49:36

Ta jtacbe tal ta stojol li muc'ta iq'uetic ta xchanjotal xchiquin vinajel, yu'un jech ac'o spuc sbaic batel ta buyuc no'ox; mu'yuc xa bu junuc lum ti mu'yuc boch'o chc'ot snac' sba tee.

Ezequiel 37:9

Jech laj yalbun li Muc'ul Diose: “C'opano li iq'uetique, jech xavalbe: ‘Iq'uetic, jech chal li Muc'ul Diose: Totsanic tal ta xchanjotal xchiquin banamil; la' juch'taic li animaetic li'i, yu'un jech ac'o cuxiicuc, xi li Diose’, uto”, xiyutun.

Ezequiel 7:2

“Vo'ot xnich'on cristiano, jech xaval chac li'i: Li Muc'ul Diose, ja' li Cajvaltique, jech chal ta sventa li yosilal Israele: Ta xa xtal slajebal; ta xa xtal slajebal ta xchanjotal xchiquin li banamile.

Daniel 11:4

C'alal sventainoj xa'ox leque, ta xlic yich' soquesbel ti c'u smuc'ul sventainoje. Ta xich' voq'uel ta chanvoc'. Pero ma'uc sventa chich' smomnich'nabtac, xchi'uc mu xa jechuc smuc'ul tsventain jech chac c'u cha'al sventainoj ono'oxe. Yu'un li yabtele j'ech'el chich' pojbel o; yantic xa boch'o ta x'och sventainan.

Daniel 7:2

“Vu'un li Danielune, oy c'usi laj quil ta jvayech ta ac'ubaltic. Laj quil chanib ic' ital ta vinajel; la syuq'uilan li muc'ta nabe.

Daniel 8:8

“Li tot tentsune yantic to laj yich' lec stsatsal ta jyalel. C'alal yich'oj lec stsatsale, ic'as loq'uel li smuc'ta xulube, pero te no'ox ich'i tal yan chanib xulub noxtoc. Li chanib xulube sq'uelanoj batel ta xchanjotal xocon vinajel.

Jonás 1:4

Pero li Muc'ul Diose la sliques muc'ta ic' te ta nab, bats'i tsots ta jyalel li iq'ue; la snopic ti te xa chvoc' o ta nab li barcoe.

Zacarías 6:1

La jtoy jsat noxtoc, ja' to laj quil oy chanib careta iloq'uic tal ta chib vits; li vitsetique xco'laj xchi'uc bronce taq'uin yilel.

Zacarías 6:5

Jech la stac'bun: “Le'e ja' senyail li ic' ta xchanjotal xchiquin vinajel ti te chloc' tal ta stojol li Yajval sbejel banamile.

San Mateo 24:31

Tsots ta xich' jupanel oq'ues c'alal ta jtac tal li j'almantaletic cu'une. Ja' ta xtal stsobic scotol li boch'otic t'ujbilic cu'un ta xchanjotal xchiquin banamile.

Marcos 13:27

Ta jtac yalel tal caj'almantaltac, yu'un chtal stsobic scotol li boch'otic t'ujbilic cu'un ta xchanjotal xchiquin banamil c'alal to ta sti'iltac banamile.

Apocalipsis 20:8

Jech bat slo'la scotol cristianoetic ta xchanjotal xchiquin banamil, ja' li Gog xchi'uc Magogue. La stsobic tal scotol sventa chtal spasic pleito. Bats'i ep italic jech chac c'u cha'al yi' ta ti'nab.

Apocalipsis 6:6

Laj ca'ay oy boch'o chc'opoj te ta o'lol li chanibique, jech laj yal: “Li stojol jun kilo trigoe ja' jech stojol chc'ot jech chac c'u cha'al jun c'ac'al tojolil. Yan li cebadae ja' oxib kilo xtoj ta jun c'ac'al tojolil. Yan li oliva xchi'uc ts'usube mu me xasoques”, xi.

Apocalipsis 7:3

Jech laj yalbe: “Mu to me xasoquesic li banamile, xchi'uc li nabe, xchi'uc li te'etique, ja' to me laj cac'be smarcail sti'baic scotol li yajtuneltac Dios cu'untique”, x'utatic.

Apocalipsis 8:7

C'alal la sjupan yoq'ues li sba j'almantale, ital ep bot ta banamil, xchi'uc c'oc' capal ta ch'ich'. Jutuc xa mu sta o'lol ic'ac' li te'etique xchi'uc li yaxal ts'i'laletique.

Apocalipsis 9:14

Jech i'albat li svaquibal j'almantal yich'oj yoq'uese: “Bat coltao li chanib j'almantaletic te chucajtic ta ti' muc'ta uc'um Eufratese”, x'utat.

Apocalipsis 9:4

I'albatic mantal ti mu me soquesic li ts'i'laletique, li c'usitic lec yoxique, xchi'uc li te'etique. I'albatic ti ja' no'ox ac'o yuts'intaic li boch'otic mu'yuc yich'ojic smarcail Dios ta sti'baique.