Apocalipsis 6:8 - Bible in Tzotzil de Chenalhó with Deuterocanon

⁸ La jq'uel, ja' to laj quil te oy jcot ca', sacvayan sc'anal. Li boch'o scajlebinoje ja' Lajel sbi. Ja' te nabal batel yu'un li Yavil Animaetic sbie. I'ac'bat svu'el sventa ch-och ta sc'ob o'lol jvoc' li cristianoetic ta banamile, yu'un jech ac'o chamicuc ta espada, ta vi'nal, ta tsatsal chamel, xchi'uc ac'o lajicuc ta ti'el ta chonbolometic.

Tzotzil Zinacantan

⁸ Iquil ti oy muchꞌu scajlebinoj tal jcot cꞌanal caꞌe. Jmilvanej, xi sbi. Oy muchꞌu yan tey tijil tal ta spat, cꞌotebal xi sbi. Jaꞌ seña ti ta cꞌotebal chbatic ti muchꞌutic ta xmilatique. Li crixchanoetic liꞌ ta sba balamile, mi oy chanmil ta jun jteclume, ta xlaj jmil, oxmil ta xcom. Jaꞌ yech chcꞌot ta sjunlej balamil. Jlom chlajic ta acꞌ cꞌocꞌ, jlom ta xchamic ta viꞌnal, jlom ta xchamic ta chamel, jlom ta xlajic ta bolom.

Bible in Tzotzil de Chamula

⁸ Laj jq'uel batel un, laj quil loc' talel jcot c'anal ca'. Ti buch'u scajlebinoje, sbiinoj ti Lajebale. Oy yan oy buch'u cajal talel ta spat ti sbiinoj Yajval ti Lajebale. Tey ac'batic stsatsal yo' ta xchamesic o'lol jvoc' ti ta o'lol ti jnaclejetic ta banomile, yo' ta xchamic ta leto, ta vi'nal, ta chamel, ta jti'oval chonetic li' ta banomile.

Tzotzil San Andres

⁸ La jqꞌuel li buchꞌu jech iꞌaptaate, scajlebinoj jcot cꞌanal caaꞌ. Jaꞌ jmilvanej sbi. Oy yan buchꞌu te tijil talel ta spat, jaꞌ cꞌatinbac sbi. Jaꞌ senyail ti ta cꞌatinbac chbatic li buchꞌutic chlajic ta milele. Jaꞌ iꞌacꞌbat yichꞌ ta venta scotol crixchanoetic li liꞌ ta balumile. Li cꞌu yepal oy crixchanoetic ta spꞌejel balumile, mi oy chanmil crixchano ta jun jteclume, chlajic jmil, chcom oxmil. Jech chcꞌot ta pasel ta spꞌejel balumil. Oy ta xchamic ta scoj cꞌop, oy ta xchamic ta scoj viꞌnal, oy ta xchamic ta scoj chamel, oy ta xlajic ta tiꞌel ta jtiꞌaval bolom.

Tzotzil de Huixtán

⁸ Laj jq'uel ti much'u hech ch-albate, ja' scajlebinoj jcot c'anal ca'. Ti much'u scajlebinoj ti ca'e, jmilvanej yu'un ti crixchanoetique, ja' sbi. Oy yan tsts'aclivan ja' c'atimbac sbi. Ja' señail ti ja' chbatic ti c'atimbac ti much'utic chmilatique. Ti much'u scajlebinoj ti ca'e, ja' ac'bil sventain ti crixchanoetic li' ti balumile. Ti jujutos crixchanoetic mi oy chanmil chmilat jmil, chcom oxmil. Hech tspas ti sjoylejal balumil. Ja' tsmil ti espada xchi'uc ti vi'nal xchi'uc ti chamel xchi'uc ti ti'el. Ja' chti'van ti jti'vanej bolom li' ti balumile.

Apocalipsis 6:8 Iomraidhean Croise

Proverbios 5:5

Yu'un ja' xa stamoj batel li lajebale; ta sbelal xa yavil animaetic oy batel li yacane.

Isaías 25:8

Jech noxtoc j'ech'el ta slajesbe o sc'oplal li lajele; ta scusbe loq'uel ya'lel sat scotolic; ta stu'pbe o sc'oplal li' ta banamil li c'usi la soquesbe sc'oplal li steclumale. Ja' jech yaloj stuc li Muc'ul Diose.

Jeremías 14:12

Ac'o me chicta yiximic, pero mu'yuc ta xca'ibe sc'opic. Ac'o me chac'bicun ep chic'bil matanal xchi'uc yantic jmoton, mu'yuc ta jtsacbeic. Yo'to chcaq'uic ta milel ta espada, ta vi'nal, xchi'uc ta tsatsal chamel”, xi li Muc'ul Diose.

Jeremías 16:16

“A'yo ava'yic, ta jtac tal ep jtsacchoyetic sventa chastsacoxuc, xchi'uc ta jtac tal ep jnuts-ti'boletic sventa chasnutsoxuc te ta vitsetic, ta tseltseltic, xchi'uc ta japjap ch'entic.

Jeremías 16:4

Ta xchamic ta xc'uxul tsatsal chamel, ta milel, xchi'uc ta vi'nal. Mu'yuc boch'o chc'uxubaj yo'nton ta stojolic; mu'yuc boch'o tsmuc chpixic. Te no'ox busul chc'a'ic ta banamil jech chac c'u cha'al stso' chonbolometic. Li sbec'talique chtal ti'baticuc ta xulemetic xchi'uc ta chonbolometic ta te'tic”, xiyutun.

Jeremías 24:10

Xchi'uc ta jtacbe tal ta stojolic milel, vi'nal, xchi'uc chamel, ja' to me itu'p scotolic li' ta banamil ti bu cac'ojbeic xchi'uc li smoltotic ta vo'onee”, xi li Muc'ul Diose.

Jeremías 29:17

‘Jech chal li Muc'ul Dios ti tspas ta mantal scotol te ta vinajele: Ta jtacbeic tal muc'ta c'op, vi'nal, xchi'uc tsatsal chamel. Ja' jech ta jcomtsanic jech chac c'u cha'al higo ti c'a'em, ti mu stac' lo'el oe.

Jeremías 43:11

Ja' ta xtal syavnaijesic li Egiptoe. Li boch'o sc'oplal ono'ox ta xchame ta xcham; li boch'o sc'oplal ono'ox chucbil chbat ta yan banamile chich' chuquel batel; li boch'o sc'oplal ono'ox milbil chchame chich' milel.

Ezequiel 29:5

Ta jipot batel ta taqui banamil li vo'ote xchi'uc scotol li xchoyal uc'um yo' bu oyote. Te chacham o ta osilaltic. Mu'yuc boch'o chastamot; mu'yuc boch'o chasmucot. Ta xcac'ot ta sve'el te'tical chonbolometic xchi'uc ta sve'el mutetic.

Ezequiel 5:12

Li jnaclumetic avu'une jvoc' ta xchamic ta tsatsal chamel xchi'uc ta vi'nal te ta atojol. Li yan jvoq'ue ta xich'ic milel ta espada te ta apat axocon. Li yoxvoc'ale ta jpuquic batel ta xchanjotal xchiquin banamil. Ta jnutsic batel ta espada ta sva'lupatic.

Oseas 13:14

“¿Me ta jpoj loq'uel ta sc'ob li yavil animaetique? ¿Me ta jcolta ta sventa li lajele? Lajel, ¿bu oy li avu'el atsatsale? Yavil animaetic, ¿bu oy li lajel avu'une? La' me achi'uc, yu'un mu'yuc xa c'uxubinel ta co'nton.

Habacuc 2:5

Li c'ulejalile chlo'lavan ta mucul; mu xpaj yo'ntonic o ta sa'el, mu'yuc spajeb ta c'upinel. Solel xjach'oj ye ya'yel jech chac c'u cha'al muquinaltic; mu xnoj o xch'ut jech chac c'u cha'al chamel lajel. Jech sujoj sba o ta spojel yantic banamil; yochel yu'uninel ep lumetic.

Zacarías 6:3

Li yoxibale nitbil ta saquil ca'etic. Li xchanibale nitbil ta pinto ca'etic.

San Mateo 11:23

Li vo'ote Capernaum, ¿me chacuy ti chatoy batel c'alal ta vinajele? Mu'yuc. C'alal to ta yavil animaetic chavich' jipel yalel. Lajuc yilic la jpas sq'uelubil jtsatsal ta stojolic ec li lum Sodoma jech chac c'u cha'al laj yich' pasel te ta atojole, te to oy o tana li lum Sodoma ti jechuque.

San Mateo 24:7

Yu'un ta to xlic scontrain sbaic yantic banamil; ta to xlic scontrain sbaic muc'tic ajvaliletic. Ta to xtal tsots vi'nal; ta xjelov niqueletic ta buticuc banamilal.

1 Corintios 15:55

“Lajel, ¿bu oy li avu'el atsatsale? Lajel, ¿bu oy li avabtejebe?”, xi ts'ibabil.

Apocalipsis 1:18

Vu'un ti jtalel cuxulun oe. Licham, pero licha'cuxi; cuxulun o sbatel osil. Vu'un jventainoj scotol. Vu'un oy ta jc'ob sllavial li lajele xchi'uc li yavil animaetique.

Apocalipsis 12:4

Ta sne la smec yalel tal jutuc mu o'loluc li c'analetic ta vinajele; la sjip yalel c'alal to ta banamil. Li chone te cotol ic'ot ta sts'el li ants ti ta xa xcuxe, yu'un tsmala chvoc' li yole, yu'un tsc'an tsti' ta ora.

Apocalipsis 9:15

Jech icoltaatic li chanib j'almantal chucajtique. Le'e chapalic sventa chbat smilic cristianoetic ta sbejel banamil. Ja' no'ox tsmalabeic yorail, sc'ac'alil, yual, sjabilal, jech jutuc mu sta o'lol la smilic ta scotol li cristianoetique.

Apocalipsis 9:18

Li oxchop c'usi chloc' ta yeic li ca'etique jutuc xa mu sta o'lol la smilic o li cristianoetic ta sbejel banamile. Ja' ichamic o ta scoj li c'oq'ue, li ch'ayile, xchi'uc li azufree.