Apocalipsis 6:2 - Bible in Tzotzil de Chenalhó with Deuterocanon

² La jq'uel, ja' to laj quil te oy jcot saquil ca'. Li boch'o scajlebinoje yich'oj jun sflecha. I'ac'bat scorona, iloc' batel jech chac c'u cha'al li boch'o lec xu' yu'un tstsalvane, yu'un bat stsal scotol.

Tzotzil Zinacantan

² Iquil ti oy muchꞌu scajlebinoj tal jcot saquil caꞌe, stomoj spꞌilomteꞌ. Iquil iꞌacꞌbat scorona noxtoc, jaꞌ seña ti ta scuentain li crixchanoetic ta sba balamile. Jaꞌo lic sloꞌlo li crixchanoetic ta sba balamile. Ta xchꞌunbat ti cꞌusi chale.

Bible in Tzotzil de Chamula

² Laj jq'uel un, laj quil jun saquil ca'. Ti buch'u scajlebinoje, jun vinic stsacoj batel syolob. Ac'bat sronail, tey xvilet no'ox ta tsalvanej yo' ta stsal scotol.

Tzotzil San Andres

² La jqꞌuel li buchꞌu jech iꞌaptaate, scajlebinoj jcot saquil caaꞌ yichꞌoj jun syolob. Iquil nojtoc iꞌacꞌbat scorona, jaꞌ senyail ti chichꞌ ta venta li crixchanoetique. Xmuybaj noꞌox ilocꞌ batel, ba sloꞌlo li crixchanoetique.

Tzotzil de Huixtán

² Laj jq'uel ti much'u hech ch-albate, ja' scajlebinoj jcot saquil ca' chloc' batel. Yich'oj syolob. Laj quil i'ac'bat scorona. Oy yip hech ba stsal scotol ti much'utic li'oyic ti balumile.

Apocalipsis 6:2 Iomraidhean Croise

Salmos 110:2

Li Muc'ul Diose te ta Sión chayac'bot avaston sventa chavich' lec muc' avabtel, ja' yu'un paso me mantal ta stojol li avajcontrataque.

Salmos 76:7

Dios cu'un, li vo'ote xi'bilot. ¿Boch'o xu' yu'un chva'i ta asat ti c'alal chlic sc'ac'al avo'ntone?

Salmos 98:1

Q'uejintaic ta ach' q'ueoj li Muc'ul Diose, yu'un spasoj xa ep muc'tic sq'uelubiltac; laj xa spas canal ta sventa smuc'ul stsatsal.

Isaías 25:8

Jech noxtoc j'ech'el ta slajesbe o sc'oplal li lajele; ta scusbe loq'uel ya'lel sat scotolic; ta stu'pbe o sc'oplal li' ta banamil li c'usi la soquesbe sc'oplal li steclumale. Ja' jech yaloj stuc li Muc'ul Diose.

Zacarías 1:8

Oy jun ac'ubal laj quil ta jch'ulel jun soldado cajal ta tsajal ca'. Te oy ta stenlejaltic ta o'lol bic'tal te'etic. Te ta spate te oy yan ca'etic, ja' tsojic, ic'ic'tic sba stsajal, xchi'uc saquic.

San Mateo 28:18

Inoch'aj tal li Jesuse jech laj yalbe: —Li'ac'bat xa scotol jvu'el ta sventainel li vinajel xchi'uc banamile.

1 Corintios 15:25

Yu'un li Cristoe ja' to tsventain o batel scotol, ja' to ti c'alal pech'bil ta teq'uel chcom yu'un scotol li yajcontrae.

Apocalipsis 11:15

Li svucubal j'almantale la sjupan ec li yoq'uese. C'alal la sjupane, oy boch'otic tsots ic'opojic ta vinajel. Jech laj yalic: “Li yabtel ajvaliletic li' ta banamile ja' xa i'och ta sventainel stuc li Cajvaltique, ja' li Cristoe. Ja' xa tspas mantal stuc sbatel osil”, xiic.

Apocalipsis 11:18

Liquem sc'ac'al yo'ntonic li cristianoetic ta jujun banamile, pero ic'ot xa sc'ac'alil chavac'be stojic ta sc'ac'al avo'nton. Laj xa sta yorail chachapan li boch'otic chamenique, xchi'uc laj xa sta yorail chavac'be smoton li avajtuneltac, ja' li j'alc'opetique, xchi'uc li boch'otic voc'bilic avu'un ti yich'ojicot ta muq'ue. Chavac'be smotonic c'alal ta muc' ta biq'uit, xchi'uc laj xa sta yorail chavules o li boch'otic la socbeic yo'nton li cristianoetic li' ta banamile”, xiic ta stojol.

Apocalipsis 14:14

C'alal te jq'ueloje, laj quil jun saquil toc. Ta sba li toque oy boch'o te chotol xco'laj xchi'uc cristiano. Oy scoronail sjol pasbil ta c'anal taq'uin, xchi'uc stsacoj jun sjoz lec juxbil ye.

Apocalipsis 15:2

Oy c'usi yan laj quil noxtoc, xco'laj xchi'uc jun nab pasbil ta nen capal ta c'oc'. Li boch'o ivu' yu'unic stsalel li jti'vanej bolom xchi'uc li sloc'obale, ti muc xich'beic li snumeroal sbie, te va'ajtic scotolic ta nab, yich'anojic arpa yu'un Dios.

Apocalipsis 17:14

Jech chlic spasic pleito xchi'uquic li Ch'ium Chije. Pero li Ch'ium Chije ja' tspas canal. Yu'un li stuque ja' Jpasmantal yu'un scotol jpasmantaletic, ja' muc'ta Ajvalil yu'un scotol muc'tic ajvaliletic. Co'ol tspasic canal xchi'uc li boch'otic te xchi'uc ti ic'bilic, ti t'ujbilic yu'un Diose, ti jun yo'ntonic o ta stojole”, xiyutun li j'almantale.

Apocalipsis 19:14

Li yajsoldadotac te ta vinajele ja' la xchi'in batel; cajajtic ta saquil ca' ibat scotolic. Puru lequil c'u'il slapojic, pasbilic ta lino no. Bats'i saquic ta jyalel, me jutuc mu'yuc yic'ubal.

Apocalipsis 3:21

Li boch'o tstsal yu'un scotole ta jchi'in ta chotlej ta jchotleb, jech chac c'u cha'al laj yac' chotlicun jchi'uc li Jtote, yu'un itsal cu'un scotol.

Apocalipsis 9:7

Li c'ulubetique ja' jech chac c'u cha'al ca' ti chapalic lec c'alal chbatic ta paspleitoe. Oy scoronail sjolic pasbil ta c'anal taq'uin yilel. Li satique ja' jech chac c'u cha'al sat cristiano.