Apocalipsis 6:13 - Bible in Tzotzil de Chenalhó with Deuterocanon

¹³ Li c'analetic ta vinajele ibajan yalel tal ta banamil jech chac c'u cha'al chlilij unin sat igo ta tsatsal ic'.

Tzotzil Zinacantan

¹³ Li cꞌanaletique laj pꞌajuc yalel tal ta balamil, coꞌol xchiꞌuc xlilij ta icꞌ li sat icꞌuxe.

Bible in Tzotzil de Chamula

¹³ Ti c'analetic oy ta vinajele laj bajuc yalel talel ta banomil, co'ol s'elan jech c'u cha'al ti yaxal sat icux ta xbaj ta banomil c'alal ta xliline yu'un ti tsots iq'ue.

Tzotzil San Andres

¹³ Li cꞌanaletique laj tsꞌujanuc yalel ta balumil jech chac cꞌu chaꞌal ta xlilij ta tsatsal icꞌ li yunenal sat li teꞌel higoe.

Tzotzil de Huixtán

¹³ Ip'aj yal tal ti balumil ti c'analetique hech chaj c'u che'el chp'aj ti lum sat ti igo-te'e c'alal tsots chtal ic'.

Apocalipsis 6:13 Iomraidhean Croise

Job 15:33

Ja' jech chc'ot jech chac c'u cha'al ts'usub ti mu xyijub sate, jech chac c'u cha'al oliva ti chlilij xniche.

Isaías 13:10

Li c'analetic ta vinajel xchi'uc li jujutsob c'analetique mu xa xac' xojobalic. Li c'ac'al c'alal ja' to no'ox chloc' tale, ta ora ch-ic'ub; li ue mu xa xac' xojobal noxtoc.

Isaías 33:9

I'och xchamel, xchi'uc ep at-o'nton cha'ay li banamile; iyal ta q'uexlal li Libanoe, itaquij xa o. Li stenlejaltic Sarone icom jech chac c'u cha'al xocol banamil; li Basán xchi'uc vits Carmeloe it'anbujic ta jyalel.

Isaías 34:4

Scotol li c'usitic oy ta vinajele ta xlic ulanuc. Li vinajele ta sbal sba jech chac c'u cha'al balbil vun; ta xbajan yalel tal scotol li c'usitic te oye, jech chac c'u cha'al chlilij taqui c'ob ts'usub, jech chac c'u cha'al chlilij yanal higo ti c'alal chc'anube.

Isaías 7:2

Li a'yej le'e bat yalbeic li ajvalil Acaz xchi'uc yalab xnich'nabe, ja' li smomnich'nab David ta vo'onee: “Li Siriaetique jmoj chtalic xchi'uc li efrainetique”, xutic. C'alal laj ya'yique, iniquic ta xi'el scotolic jech chac c'u cha'al chnic muc'tic te' ta tsatsal ic'.

Ezequiel 32:7

C'alal chaculesote, ta x'ic'um li vinajele; ta xtu'p scotol li c'analetique; ta xmac ta toc li c'ac'ale; mu xa xac' xojobal li ue.,

Daniel 4:14

Tsots ic'opoj, jech laj yal: ‘Ts'etic li te'e, lilinbeic li sc'obc'obe; tulbeic scotol li yanale, tanpuc ac'o batuc avu'unic li sate. Ac'o batuc scotol li chonbolometic te oyic ta yolone, xchi'uc li mutetic te oyic ta sc'obc'obe.

Daniel 8:10

Solel imuq'uib batel; ic'ot c'alal to yo' bu oy li yu'untac Diose. La sjip ta lum jayibuc li c'analetique; la xpech' ta teq'uel.

Joel 2:31

Ta x'ic'um li c'ac'ale, ta stsajub li ue., Le'e muc to ja'uc smuc'ta c'ac'alil Muc'ul Dios ti toj xi'bal sbae”, xi li Muc'ul Diose.

Nahúm 3:12

Li tsatsal coraltonetic avu'une ja' jech chc'ot jech chac c'u cha'al yunin sat higo; ti xlilet no'ox yalel me laj yich' lilinele.

San Mateo 24:29

“C'alal ja' to no'ox ch-ech' scotol li vocol laj calboxuque, ta ora no'ox ta x'ic'ub li c'ac'ale., Mu'yuc chac' xojobal li ue. Li c'analetique ta xbajan yalel tal. Ta xnic scotol li c'usitic oy svu'elic ta toyole.

Marcos 13:25

Ta xbajan yalel tal li c'analetique; ta xnic scotol li c'usitic oy svu'elic ta toyole.

San Lucas 21:25

“Jech noxtoc ta xvinaj sq'uelubil ta c'ac'al, ta u, xchi'uc ta c'analetic. Li' ta banamile toj ep svocolic li cristianoetique. Chbat xch'ulelic ta sventa ti toj tsots ta xbac' li nabetique xchi'uc ti toj tsots ta syuq'uilan sbae.

Apocalipsis 9:1

C'alal la sjupan yoq'ues li yo'bal j'almantale, laj quil bajem tal ta banamil jbej c'anal. Ja' i'ac'bat sllavial li natil xabe.