Apocalipsis 6:12 - Bible in Tzotzil de Chenalhó with Deuterocanon

¹² C'alal te jq'ueloje, laj quil ituch' noxtoc li svaquibal spac' vune. Jech laj ca'ay ital tsots niquel. Li c'ac'ale i'ic'ub jech chac c'u cha'al ic'al poc' tslapic ta sventa me'nal. Li ue itsajub sbejlijil jech chac c'u cha'al ch'ich'.

Tzotzil Zinacantan

¹² Li chꞌiom tot chije istotsbe noxtoc li svaquibal xa spaqꞌue. Cꞌalal istotse, jaꞌo iꞌechꞌ tsots niquel liꞌ ta balamile. Imac sat li cꞌacꞌale, coꞌol xchiꞌuc icꞌal pocꞌ yilel. Li jchꞌulmeꞌtique itsajub, coꞌol xchiꞌuc chꞌichꞌ yilel.

Bible in Tzotzil de Chamula

¹² C'alal laj stots svaquibal seyo ti jcot ta Uni Chije, laj quil lic jun muc' ta niquel. Ic'ub sat ti c'ac'ale, co'ol s'elan ic'al c'u'il xch'ayobil ti me'inale. Tsajub sbejel sat ti ue jech c'u cha'al stsajal ti ch'ich'e.

Tzotzil San Andres

¹² Li chexel chije la stuchꞌ nojtoc li svaquibal spacꞌ li june. Cꞌalal la stuchꞌe, iquil tsots inic li balumile. Li cꞌacꞌale iꞌicꞌub, jaꞌ jech chac cꞌu chaꞌal icꞌal pocꞌ. Li ue itsajub jech chac cꞌu chaꞌal chꞌichꞌ.

Tzotzil de Huixtán

¹² Laj jq'uel c'alal laj xtuch' ti svaquibal sello ti Ch'iom Carneroe. Tsots inic ti balumile. Itup' ti c'ac'ale. Ic' ti jyalel hech chaj c'u che'el ic'al poc' ic'ot ti c'ac'ale. Hech chaj c'u che'el ch'ich' ic'ot ti ue.

Apocalipsis 6:12 Iomraidhean Croise

Isaías 24:23

C'alal chlic abtejuc jech chac c'u cha'al muc'ta ajvalil te ta vits Sión ta Jerusalén li Muc'ul Dios ti ech'em svu'ele, chlic macuc xojobal li u xchi'uc c'ac'ale; li banquilaletic te ta lum yu'une ta xilbeic slequilal yutsilal li Muc'ul Diose.

Isaías 34:4

Scotol li c'usitic oy ta vinajele ta xlic ulanuc. Li vinajele ta sbal sba jech chac c'u cha'al balbil vun; ta xbajan yalel tal scotol li c'usitic te oye, jech chac c'u cha'al chlilij taqui c'ob ts'usub, jech chac c'u cha'al chlilij yanal higo ti c'alal chc'anube.

Isaías 50:3

Xu' cu'un ta xquic'ubtas li vinajele jech chac c'u cha'al li boch'o tslap ic'al c'u'il sventa me'nale”, xi.

Joel 2:10

Ta xnic yu'unic li banamile, xchi'uc ta xnic li vinajele; ta x'ic'um li c'ac'al xchi'uc li ue, li c'analetique mu xa xac' xojobal noxtoc.

Joel 3:15

Li c'ac'al xchi'uc li ue ta xlic ic'ubicuc; li c'analetique mu'yuc xa chac' xojobalic noxtoc.

Amós 1:1

C'alal ja'o ochem ta ajvalilal ta Judá li Uziase, xchi'uc c'alal ja'o ochem ta ajvalilal ta Israel li Jeroboam xnich'on Joase, oy jun jchabichij ta Tecoa, Amós sbi. Ja' laj yal c'usi i'ac'bat yil yu'un Dios chc'ot ta pasel ta Israel banamil ti c'alal chib to'ox jabil sc'an xtal niquele.

Amós 8:9

Jech chal li Cajvaltic Diose: “C'alal me la sta sc'ac'alil le'e, ta xcac' ic'ubuc osil ta o'lol c'ac'al no'ox; c'alal lec to sac li osile, ta xlic ic'ubuc li banamile.

Zacarías 14:5

Ja' te chajatovic batel ta stenlejaltic ti cacal ta o'lol yu'un li vitsetique, yu'un li stenlejaltique chc'ot c'alal to ta Azal. Ja' jech chc'ot ta pasel jech chac c'u cha'al lajatovic yu'un niquel ta yorail c'alal tiq'uil ta ajvalilal ta Judá li Usiase. Yu'un li Muc'ul Dios cu'une ta xchi'in tal li boch'otic te oyic ta vinajele.

San Mateo 11:21

“¡Toj abul aba, lum Corazín! ¡Toj abul aba, lum Betsaida! Ti lajuc yilic la jpas sq'uelubil jtsatsal ec li yanlum cristianoetic te nacajtic ta lum Tiro xchi'uc ta lum Sidón ta vo'one jech chac c'u cha'al laj avilic la jpas li' ta atojolic li vo'oxuque, la sutes yo'ntonic yu'un smulic, la slapic c'u'il sventa at-o'nton, xchi'uc la sbon sbaic ta tanil c'oc' ti jechuque.

San Mateo 24:29

“C'alal ja' to no'ox ch-ech' scotol li vocol laj calboxuque, ta ora no'ox ta x'ic'ub li c'ac'ale., Mu'yuc chac' xojobal li ue. Li c'analetique ta xbajan yalel tal. Ta xnic scotol li c'usitic oy svu'elic ta toyole.

San Mateo 24:7

Yu'un ta to xlic scontrain sbaic yantic banamil; ta to xlic scontrain sbaic muc'tic ajvaliletic. Ta to xtal tsots vi'nal; ta xjelov niqueletic ta buticuc banamilal.

San Mateo 27:45

C'alal ista o'lol c'ac'ale, i'ic'ub osil. Ic' icom c'alal to ta o'lol syalel c'ac'al.

San Mateo 27:54

Li banquilal soldado xchi'uc li yajsoldadotac ti te ta xchabiic li Jesuse, toj xi'el ic'otic ti c'alal laj ya'yic inic li banamile xchi'uc c'alal laj yilic scotol li c'usitic ic'ot ta pasele. Jech laj yalbe sbaic: —Ta melel ja' xnich'on Dios li vinic li'i —xut sbaic.

San Mateo 28:2

Ital tsots niquel, yu'un iyal tal ta vinajel jun yaj'almantal Cajvaltic Dios. Vul xbalch'un loq'uel li muc'ta ton ti macbil o sti' ch'ene, te ichoti ta sba.

Marcos 15:33

C'alal o'lol xa'ox c'ac'ale, i'ic'ub osil ta scotol li banamile. Ic' icom c'alal to ta o'lol syalel c'ac'al.

Apocalipsis 11:13

C'alal ja'o jech ic'ot ta pasele, ital tsots niquel. Ep ivuc' li naetic ta lume. Jun ta lajlajuneb ivuc' ta scotol. Li cristianoetique vucmil ichamic ta scoj li niquele. Li yantique ixi'ic ta jyalel; laj yalbeic slequilal li Dios ta vinajele.

Apocalipsis 16:18

Jech iloc' ep sacsevul, xchi'uc oy c'usi tsots ibac', xchi'uc ibac' ep chauc, xchi'uc tsots inic sbejel banamil. Mu'yuc ono'ox baq'uin jech stsatsal xnic banamil ti c'alal lic ayinuc li cristianoetique.

Apocalipsis 16:8

Li xchanibal j'almantale bat smal ta c'ac'al li sbel stazae. Jech ic'aq'uic li cristianoetique.

Apocalipsis 8:12

C'alal la sjupan yoq'ues li xchanibal j'almantale, jutuc xa mu sta o'lol isoc li c'ac'ale, li ue, xchi'uc li c'analetique. Jutuc mu o'loluc imac xojobalic. Jutuc mu o'loluc imac li sac osil ta c'ac'altique. Ja' jech ta ac'ubaltic noxtoc.

Apocalipsis 8:5

Li j'almantale la stsac li xchic'ubil pome. La snojes ta ac'al ti te oy ta scajleb smoton Diose; la sjip yalel tal li' ta banamil. Jech tsots ibac' chauc, xchi'uc ep c'usitic yan ibac', xchi'uc ivinaj ep sacsevul, xchi'uc ital tsots niquel.