Apocalipsis 6:10 - Bible in Tzotzil de Chenalhó with Deuterocanon

¹⁰ Tsots i'avanic, jech laj yalic: “Cajval, vo'ot ti tuc' avo'ntone, ti melel c'usi chavale, ¿baq'uin to chachapan, baq'uin to chapacbe sutel li boch'otic la smiluncutic ti te oyic ta banamile?”, xiic.

Tzotzil Zinacantan

¹⁰ Iꞌavanic: ―Cajval, voꞌot ti mu xanaꞌ xasaꞌ amule, ti chcꞌot cꞌusi avaloje, ¿cꞌu to ora chavacꞌbe castico li muchꞌutic lismiloticotic ti teyic to ta balamile? ―xiic.

Bible in Tzotzil de Chamula

¹⁰ Xi tsots ta xalique: “Ch'ul Dios, ti atalel xc'ot xac'opoje, ¿c'usi to ora ta xachapan ta xavac'be stoj ti jnaclejetic ta banomil ti laj smiluncutique?”

Tzotzil San Andres

¹⁰ Tsots icꞌopojic, jech laj yalic: ―Cajval, joꞌot ti tucꞌ avoꞌone, ti scotol chcꞌot ta pasel ti cꞌustic avaloje, ¿baqꞌuin to chavichꞌbe scꞌopic li buchꞌutic la smiluncutic li te to oyic ta balumile? ―xiic.

Tzotzil de Huixtán

¹⁰ Tsots ic'opojic, hech laj yalbeic ti Diose: ―Cajval, ho'ot ti aventainoj scotole, ho'ot ti toj avo'ntone, ti chc'ot ti pasel ti ac'ope, ¿mi tsc'an to tsta yorail ti chachapan ti much'utic te oyic ti balumile ti laj smiluntutique? ―xchiic.

Apocalipsis 6:10 Iomraidhean Croise

Génesis 4:10

Jech i'albat yu'un li Muc'ul Diose: —¿C'u yu'un ti jech laj apase? Li xch'ich'al avits'in laj amalbee x'avet ta jtojol, yu'un chisc'anbun vocol ti ac'o jchapanote.

Salmos 119:84

¿Jayib to c'ac'al tsc'an ta jts'ic, vu'un li avajtunelune? ¿Jayib to c'ac'al ta jmala chachapan li boch'otic laj yuts'intaicune?

Salmos 13:1

Muc'ul Dios, ¿baq'uin to chana'un? ¿Me yu'un j'ech'el laj ach'ayun o ta avo'nton? ¿Jayib to c'ac'al ti chanac' asat ta jtojole?

Salmos 35:17

Cajval, ¿me te no'ox aq'ueloj ti jech tspasique? ¡Coltaun me, yu'un tsc'an chismilicun!; mu me xavac' xismilicun li leonetic ti xme'etic no'oxe.

Salmos 79:10

Mu me jechuc xalic ta jtojolcutic li yanlum cristianoetique: “¿Bu oy li Dios yu'unique?”, mu me xiicuc. Ac'bun quilcutic ti chapacbe sutel sc'oplalic li avajtuneltac ti la smal xch'ich'alique, yu'un jech ac'o yilic li yanlum cristianoetique.

Salmos 9:12

Li Diose sna'oj li boch'otic oy svocolique; mu xch'ay ta yo'nton ti ep choc'ta sbaique; chac'be stojic li boch'otic ts-uts'intavanique.

Isaías 61:2

Tal calbe ya'yic ti ja' xa sjabilal li c'uxubinel yu'un Diose, xchi'uc c'usi ora tspacbe sutel li cajcontratique. Jech noxtoc tacbilun tal ta spatbel yo'nton li boch'otic chat yo'ntonique.

Lamentaciones 3:64

“Muc'ul Dios, ac'bo stojol li yabtelique; ja' jech xavac'be ti c'u x'elan lec xtojolin chavile.

Daniel 12:6

Li june jech la sjac'be li boch'o te va'al ta ba uc'ume; pasbil ta lino no li sc'u' slapoje: ‘¿Baq'uin to chc'ot ta pasel li c'usi toj tsotsic toj labalic sbae?’, xut.

Daniel 8:13

“Ts'acal laj ca'ay chc'opoj j'almantal, pero oy yan j'almantal jech la sjac'be li yan chc'opoje: ‘¿Baq'uin to chlaj sc'oplal li c'usi chopol chich' pasel te ta scajleb li milbil matanal chich' aq'uel scotol c'ac'ale, xchi'uc li c'usi toj chopol chich' pasel te ta xch'ulna Dios ta sventa ti ochem o ta c'abale, xchi'uc li pech'el ta teq'uel ta stojol yu'untaque?’, xi.

Zacarías 1:12

Li yaj'almantal Diose jech laj yal: “Muc'ul Dios, vo'ot ti chapas ta mantal scotol te ta vinajele, ¿baq'uin to chlecub avo'nton ta stojol? ¿Baq'uin to chlic ac'uxubin li Jerusalén xchi'uc li lumetic ta Judá ti oy xa lajuneb xchanvinic (70) jabil la'ilin tal ta stojole?, xut.

San Lucas 2:29

“Cajval, li' ta orae jun xa co'nton, ic'un ta atojol jech chac c'u cha'al avalojbun ono'ox, vu'un li avajtunelune.

San Lucas 21:22

Yu'un ja' xa sc'ac'alil ta xich'beic stojol jech chac c'u cha'al ts'ibabil comele.

Romanos 12:19

Vo'oxuc ti lec jc'anojoxuque, mu me xapac ac'oplal atuquic. Ja' ac'beic spac sutel stuc li Diose. Yu'un jech ts'ibabil ta sc'op Dios: “Vu'un oy ta jventa ta xcac'be spacol; vu'un jtuc ta xcac'be stoj”, xi li Cajvaltic Diose.

Hebreos 12:24

Ja' te yo' bu oy li Jesús ti ja' Jc'opojel cu'untic ta sventa li c'usi ach' chapanbile, ja' li boch'o la smal xch'ich'al sventa lecubtasele. Li xch'ich'al la smale toj lec c'usi ta jtatic yu'un; mu jechuc jech chac c'u cha'al li xch'ich'al la smal Abele.

2 Pedro 2:1

Pero oy ono'ox ilic jlo'lavanej j'alc'opetic ta stojol li israeletique. Ja' jech ta xlic jlo'lavanej jchanubtasvanejetic ta atojolic ec li vo'oxuque. Ja' ta xchanubtasvanic ta sventa li c'usi mu meleluc ti ja' sventa ch'ayele. Ja' ta scomtsanic li Yajvalic ti ja' itojbunuc smulique. Ti jech tspasique, jech ta xich'ic ta ora li stojol smulique.

Apocalipsis 11:18

Liquem sc'ac'al yo'ntonic li cristianoetic ta jujun banamile, pero ic'ot xa sc'ac'alil chavac'be stojic ta sc'ac'al avo'nton. Laj xa sta yorail chachapan li boch'otic chamenique, xchi'uc laj xa sta yorail chavac'be smoton li avajtuneltac, ja' li j'alc'opetique, xchi'uc li boch'otic voc'bilic avu'un ti yich'ojicot ta muq'ue. Chavac'be smotonic c'alal ta muc' ta biq'uit, xchi'uc laj xa sta yorail chavules o li boch'otic la socbeic yo'nton li cristianoetic li' ta banamile”, xiic ta stojol.

Apocalipsis 18:20

Pero li vo'ote vinajel, cuxetuc no'ox avo'nton ti jech chc'ot ta pasele. Vo'oxuc ti voc'biloxuc yu'un Diose, vo'oxuc li jcholc'opoxuc yu'une, vo'oxuc li yaj'alc'opoxuque, cuxetuc no'ox avo'ntonic, yu'un i'ac'bat xa stojic yu'un Dios ti c'u x'elan la spasboxuque.

Apocalipsis 18:24

Ta lum le'e ja' te laj yich' tabel xch'ich'al li j'alc'opetique, li boch'otic voc'bilic yu'un Diose, xchi'uc scotol li boch'otic laj yich'ic milel li' ta banamile.

Apocalipsis 19:2

Yu'un li stuque tuc' chchapanvan, melel c'usi chal. Yu'un laj xa yac'be stoj smul li jmulavil ants ti la soques scotol banamil ta scoj li mulivajel tspase. Laj xa spacbe sutel ta sventa ti imilbat li yajtuneltaque”, xiic.

Apocalipsis 3:10

Ta sventa ti laj achabi ta avo'ntonic ti laj calboxuc tsc'an chcuch avu'unic vocole, ja' no'ox jech ec li vu'une chajchabioxuc ti c'alal tsta yorail chcac'be svocol scotol li cristianoetic ta sbejel banamile ti c'alal chich' q'uelbel c'u x'elan yo'ntonique.

Apocalipsis 3:7

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Filadelfiae: ‘Jech chal li Boch'o mu'yuc smule, ti melel scotol c'usi chale, ja' li Boch'o yich'oj ta sc'ob li sllavi Davide. Ja' li Boch'o ta sjam ti mu'yuc boch'o xu' yu'un tsmaque, ja' li Boch'o ta smac ti mu'yuc boch'o xu' yu'un tsjame.

Jueces 16:28

Li Sansone lic sc'anbe vocol li Muc'ul Diose jech laj yalbe: “Cajval, Muc'ul Dios, avocoluc na'un to me li' ta orae; ac'bun jtsatsal. Ja' slajeb velta li' ta jc'anbot vocol ta atojol, yu'un jech j'ech'el ac'o bat stojic o li filistaetic ti la sloq'uesbicun xchibal sbec' jsate”, xut.

1 Samuel 24:12

Ja' ac'o xchapanutic jchibaltic stuc li Muc'ul Diose. Ac'o spacbun stuc Dios ti me chopol c'usi chajpasbote. Pero mu'yuc ta co'nton ti chcac' jc'ob ta atojole.